Ngɔjue Fɛfɛ Kpa'n 2:16 - NYANMIƐN NDƐ'N 1998

¹⁶ Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 2:16 ပူးပေါင်းရင်းမြစ်များ

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 63:1

Jue nga ti David liɛ. Ɔ kan blɛ nga David o Zida aawlɛ flɛnnɛn'n nun lɔ'n i ndɛ . I waan:

Ngɔjue Fɛfɛ Kpa'n 1:7

N wan yoo, wɔ bɔ a ti min anwlɛn su sran'n, n waan n usa kɛ: «?Ninfan li yɛ a kankan ɔ bua mun kɔ didilɛ-ɔ? ?Kɛ wia'n sie be ti afiɛn'n, ninfan yɛ a nin be ko de wunmiɛn-ɔn?» Kan kle min, ɔ'a yo-man sɔ-ɔ, kan ɔ janvuɛ'm be bua liɛ'm be o lɛ'n, lɛ yɛ n ´wlan daan sa ngbɛn-ɔn.

Ngɔjue Fɛfɛ Kpa'n 2:1

Sarɔn lɔ lika kpɛtɛkplɛɛ'n nun ijre nyrɛ'n yɛlɛ min. Kongo'm be nun ijre nyrɛ nga be flɛ i kɛ lis'n yɛlɛ min.

Ngɔjue Fɛfɛ Kpa'n 4:5

Ɔ nyɔnflɛn nnyɔn'm be ti kɛ wannzannin ba nnyɔn sa. Be ti kɛ wannzannin nda nnyɔn bɔ be jin lis nun be su didi'n sa.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 6:3

Min adeba'n ɔ ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 7:10

Sɛ ɔ́ nuan'n ɔ ti nzan'n, wuun n ´se kɛ man ɔ yo nɛnkɛn-nɛnkɛn kɛ nzan ng'ɔ ti kpa'n sa. Nzan sɔ'n ti min adeba'n i kunngba liɛ. Kɛ e ´lafi'n, nzan sɔ'n ɔ sonji é nuan bui'n su.

Ngɔjue Fɛfɛ Kpa'n 7:11

N ti min adeba'n i liɛ, yɛ min yɛ i konvi sɔ min-ɔn.

Ngɔjue Fɛfɛ Kpa'n 7:13

E `wɔ vinyi fie'n nun lɔ nglɛmun ndɛ kpa'n. E `ko nian sɛ vinyi'm b'a bo nnyrɛ o, sɛ be nyrɛ'm b'a kpuke o, sɛ grenadie'm b'a bo nyrɛ o. Sɛ e ju lɔ'n, n ´fa min wun m man wɔ.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.