Ngɔjue Fɛfɛ Kpa'n 2:14 - NYANMIƐN NDƐ'N 1998

¹⁴ A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 2:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 9:16

Sɛ n kpan flɛ i nan ɔ sro'n, n lafi-man su kɛ ɔ sieli i su mín nuan bo ti-ɔ.

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 22:3

Min Nyanmiɛn, wia'n nun n kpan flɛ wɔ, a tɛ-man mín su. Kɔnguɛ'n, n nyan-man alaje mlɔnmlɔn.

Jue Mun 45:11

Min wa talua, nian, sie ɔ su tie. Man ɔ wla fi ɔ nvle nunfuɛ mun nin ɔ si i awlo'n nunfuɛ'm bé su.

Jue Mun 45:12

Ɔ klanman'n ti, famiɛn'n klo wɔ. Kɛ bɔ i yɛ ɔ sie wɔ siɛn'n ti'n, koto i bo.

Jue Mun 50:23

Sran ng'ɔ manman min'n yɛlɛ sran ng'ɔ si min wun ye'n, yɛ i yɛ ɔ ti min ayɛ yifuɛ-ɔ. Sran ng'ɔ nian i nantilɛ'n su'n, n wa yi min wun nglo n kle i kɛ min yɛ n de sran mun-ɔn.»

Jue Mun 68:13

E kpɔfuɛ'm be sonja mun be nin be famiɛn mun be wanndi-man ngowa. Bla nga be kali awlo wa'n, be cɛcɛ ninnge nga sonja sɔ'm be nyɛnnin i laa'n be nun.

Jue Mun 74:19

Nán fa ɔ sran mun man blo nnɛn mun, afin be ndɛ lo wɔ. Nán ɔ wla fi ɔ sran aunnvuɛfuɛ mun bé su sa titi sɔ.

Ezipt Lɔ Tulɛ'n 3:6

N ti ɔ si i Nyanmiɛn, n ti Abraam, nin Izaak, nin Zakɔb be Nyanmiɛn.» Moiz kɛtɛli i nyrun, afin ɔ kwla nian-man Nyanmiɛn srɛ b'ɔ kun i'n ti.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Ngɔjue Fɛfɛ Kpa'n 1:15

A ti klanman o, min janvuɛ kpa! A ti klanman dan o! Ɔ nyinma'm be klanman'n ti kɛ auble'm be klanman'n sa.

Ngɔjue Fɛfɛ Kpa'n 1:5

Zerizalɛm talua mun, min wunnɛn'n ɔ dun, sanngɛ nanwlɛ n ti klanman kɛ Kedarfuɛ'm bé tannin sua'm be sa, n ti kɛ famiɛn i sua'n i rido nglanman'm be sa.

Ngɔjue Fɛfɛ Kpa'n 1:8

Mmo klanman, sɛ a si-man lika'n, fa bua'm be ja osu'n su nan fa ɔ́ boli ba kanngan mun kɔ kan bua kankanfuɛ'm be tran lɔ'n.

Ngɔjue Fɛfɛ Kpa'n 5:2

Lafilɛ'n ɔ'a fa min, sanngɛ sɛ min akunndan'n ti sran'n, wuun n ´se kɛ i nyin o su. N ti min adeba'n i nɛn'n. Ɔ bobo anuan'n, i waan: Min niaan bla, n janvuɛ kpa, min auble, manmin klanman beblebe, tike min anuan. Bɔlɛ'n ɔ'a gua min ti'n su. Kɔnguɛ bɔlɛ'n ɔ'a lua mín timuɛn'n sa pɔtii.

Ngɔjue Fɛfɛ Kpa'n 8:13

Mmo klanman ɔ bɔ a o tro fie'm be nun lɔ'n, janvuɛ wie'm be kunndɛ kɛ be ´ti ɔ nɛn'n. Ijɔ man n ti. Se min kɛ:

Ezai 2:21

Anannganman i ya dan'n nin i nyrun b'ɔ yo sro'n ti'n, sran'm be ´wlu yɛbuɛ buɛ'm be nun, be ´wanndi. Afin Anannganman ɔ wa jaso, ɔ ´wlanwlan asiɛ'n sufuɛ mun.

Ezai 51:3

Anannganman wa fɔnvɔ Siɔnfuɛ mun, be lika'm bɔ be bubuli'n ti be ´yo i annvɔ. Ɔ ´yo man be lika nga ɔ'a kaci kɛ aawlɛ flɛnnɛn sa'n, ɔ ´yo kɛ Edɛni lika'n sa. Yɛ ɔ ´yo man lika kee sɔ'n ɔ ´kaci kɛ i bɔbɔ Anannganman i fie'n sa. Siɔnfuɛ'm be ´bo sro, be klun ´jɔ. Be ´to Nyanmiɛn manmanlɛ jue mun, yɛ be ´bo ninnge nga be tɛ mun be ´fa yi Nyanmiɛn i ayɛ.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Ezai 60:8

?Wan yɛlɛ sran nga mun bɔ be ba kpuu kɛ nyanmiɛn ble'n sa, bɔ be ba kɛ okunmomo bɔ be su tu ba be lawlɛ'n sa-a?

Zeremi 48:28

An `yaci klɔ'm be lɛ, an `ko tran yɛbuɛ-yɛbuɛ'm be nun. An `yo kɛ auble'm be sa. Amun `yo kɛ auble'm bɔ be yo be sua yɛbuɛ ng'ɔ seli piaa i wun'n sa.

Zeremi 49:16

A nyinman-nyinman ɔ́ wun, a yo ɔ́ wun dandan sran'm be su ngbɛn. Wɔ bɔ yɛbuɛ buɛ'm be nun yɛ a wo'n, wɔ bɔ kpɔlɛ'm be su nglo-nglo lɔ yɛ a tran'n, ɔli man a yo ɔ́ sua'n nglo mmua lɔ kɛ anunman nyin'n sa, n ´ti wɔ lɔ n ´to yi wɔ ase.› » Anannganman'n yɛ ɔ kan sɔ-ɔ.

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Abdias 1:3

Ɔ wun tulɛ dan'n ti w'a mlin yɛ a o lɛ-ɔ. A o yɛbuɛ-yɛbuɛ'm be afiɛn lɔ, ɔ klɔ'n wo nglo lɔ fleiin'n, i ti a se ɔ wun kɛ yoo: ‹?Kɛ wan sa cɛ yɛ ɔ kwla tu mín bo wa-a?›

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Matthieu 3:16

Kɛ ɔ yoli Jésus batɛm b'ɔ fin nzue'n nun fiteli cɛ'n, kpɛkuun nyanmiɛn su lɔ'n i su tikeli muaan, Jésus wunnin Nyanmiɛn Wawɛ'n, ɔ jra ba kɛ auble sa, ɔ wa trɛnnin i su.

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

1 Piɛr 3:4

Sanngɛ man be wun amun klanman'n amun nzuɛn'n, nin amun anwlɛn wɛtɛɛ'n, ɔ nin diin bɔ an ti'n nun. Klanman sɔ'n wie-man, ɔ ti kpa Nyanmiɛn nyrun.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,

Sa nglô yile 5:8

Kɛ Bua Gbanflɛn'n sɔli fluwa nun'n, like nnan bɔ be ti kɛ nnɛn sa'n, be nin kpɛnngbɛn ablaɔn-nin-nnan'n be wa kotoli i bo. Aluku nin sika klowa mun be o be kwlakwla bé sa nun. Ansans o klowa sɔ'm be nun. Ansans'n yɛlɛ yalɛ nga Nyanmiɛn sran'm be koko kle i'n.