Ngɔjue Fɛfɛ Kpa'n 2:10 - NYANMIƐN NDƐ'N 1998

¹⁰ Min adeba'n ɔ su ijɔ. Ɔ se min kɛ: «Min janvuɛ, bla klanman, bla e wɔ.

Ngɔjue Fɛfɛ Kpa'n 2:10 ပူးပေါင်းရင်းမြစ်များ

2 Samiɛl 23:3

Izraɛl Nyanmiɛn'n ijɔli. Nyanmiɛn b'ɔ ti kɛ Izraɛl i yɛbuɛ'n sa'n b'ɔ talo i'n, ɔ seli min kɛ: ‹Sran ng'ɔ sie sran mun'n, sɛ ɔ ti nanwlɛfuɛ'n yɛ sɛ i nyin yi min'n,

Jue Mun 85:8

Anannganman, yi ɔ klun-ufue'n i nglo kle ye, yɛ de ye.

Ngɔjue Fɛfɛ Kpa'n 1:15

A ti klanman o, min janvuɛ kpa! A ti klanman dan o! Ɔ nyinma'm be klanman'n ti kɛ auble'm be klanman'n sa.

Ngɔjue Fɛfɛ Kpa'n 1:9

Ee! Min janvuɛ kpa, a ti kɛ min nnɛn kpanngɔ klanman nga ɔ cuɛn Ezipt famiɛn'n i kakaklolo'n sa.

Ngɔjue Fɛfɛ Kpa'n 2:11

Ayrɛ blɛ'n ɔ'a sin, nzue'n tɔ-man kun. I tɔlɛ blɛ'n ɔ'a sin.

Ngɔjue Fɛfɛ Kpa'n 2:13

Figie mma'm be su tin, Vinyi'm be nyrɛ'n i fannin'n ɔ bɔn lika'n nun fɛɛn. N janvuɛ klanman, min adeba, jaso bla.»

Ngɔjue Fɛfɛ Kpa'n 2:8

N ti min adeba'n i nɛn'n. I yɛ ɔ ´ba lɔ-ɔ! Ɔ tu tra oka nin kpɔlɛ mun yɛ ɔ ba-a.

Ngɔjue Fɛfɛ Kpa'n 5:2

Lafilɛ'n ɔ'a fa min, sanngɛ sɛ min akunndan'n ti sran'n, wuun n ´se kɛ i nyin o su. N ti min adeba'n i nɛn'n. Ɔ bobo anuan'n, i waan: Min niaan bla, n janvuɛ kpa, min auble, manmin klanman beblebe, tike min anuan. Bɔlɛ'n ɔ'a gua min ti'n su. Kɔnguɛ bɔlɛ'n ɔ'a lua mín timuɛn'n sa pɔtii.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Matthieu 9:9

Kɛ Jésus fin lɛ ɔli i nyrun lɔ kan'n, ɔ wunnin bian kun be flɛ i kɛ Matie, ɔ de gua bo sika, ɔ ti i junman diwlɛ lɛ. Jésus seli i kɛ: «Bla wa su n su.» Yɛ ɔ jao wa suli i su-ɔ.

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !