Ngɔjue Fɛfɛ Kpa'n 2:1 - NYANMIƐN NDƐ'N 1998

¹ Sarɔn lɔ lika kpɛtɛkplɛɛ'n nun ijre nyrɛ'n yɛlɛ min. Kongo'm be nun ijre nyrɛ nga be flɛ i kɛ lis'n yɛlɛ min.

Ngɔjue Fɛfɛ Kpa'n 2:1 ပူးပေါင်းရင်းမြစ်များ

1 Be Nyoliɛ 5:16

Gadfuɛ'm be trannin Galaad mɛn'n nin Bazan mɛn'n nun. Be trannin lika nga be o Galaad nin Bazan be asa'n su'n be nun. Yɛ be trannin Sarɔn lɔ nnɛn'm be didiwlɛ lika'm be nun lele fa ju lika sɔ'm be awieliɛ lɔ.

Jue Mun 85:11

Sɛ e ´kwla se'n, klun-ufue yolɛ'n, nin nanwlɛ dilɛ'n be yia nun. Yɛ sa bɔ be yo i nuan su'n nin fɔun tranlɛ'n be ´ti bé wun aniɛn.

Ngɔjue Fɛfɛ Kpa'n 2:16

Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 6:3

Min adeba'n ɔ ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ezai 33:9

Ɔ yo kɛ sɛ yɛ ɔ'a tɔ mɛn'n su sa, ɔ'a wu kee. Sɛ Liban'n ti sran'n, wuun e ´se kɛ ɔ'a wun nyannzuɛn, yɛ i wunmiɛn'n ɔ'a wie. A wun Sarɔn lɔ lika kpɛtɛkplɛɛ'n sa-a ɔ waan aawlɛ flɛnnɛn wie-ɔ. Sɛ Bazan mɛn'n nin Karmɛl oka'n be ti waka'n, wuun e ´se kɛ bé ti'm b'a kpa.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ndɛ Nga Nyanmiɛn I Nuan Ijɔfuɛ Oze Kannin'n 14:5

«N ´yo man Izraɛlfuɛ'm be ´yaci bé nyin nyɔnnyɔn siesielɛ. N wa klo be klolɛ kpa, n su fa-man bé wun ya tɛ kun.