Ngɔjue Fɛfɛ Kpa'n 1:7 - NYANMIƐN NDƐ'N 1998

⁷ N wan yoo, wɔ bɔ a ti min anwlɛn su sran'n, n waan n usa kɛ: «?Ninfan li yɛ a kankan ɔ bua mun kɔ didilɛ-ɔ? ?Kɛ wia'n sie be ti afiɛn'n, ninfan yɛ a nin be ko de wunmiɛn-ɔn?» Kan kle min, ɔ'a yo-man sɔ-ɔ, kan ɔ janvuɛ'm be bua liɛ'm be o lɛ'n, lɛ yɛ n ´wlan daan sa ngbɛn-ɔn.

Ngɔjue Fɛfɛ Kpa'n 1:7 ပူးပေါင်းရင်းမြစ်များ

Bo Bolɛ 37:16

Zozɛf tɛli i su kɛ: «N su kunndɛ min niaan mun. Yaci, kle min kan be kankan nnɛn mun kɔ'n.»

Jue Mun 116:1

N klo Anannganman, afin ɔ ti min aniɛn'n, ɔ ti srɛwa tantrantan nga n srɛ'n,

Jue Mun 18:1

Jue nga ti David b'ɔ ti Anannganman i sufuɛ'n i liɛ. Ɔ o jue tofuɛ'n be su kpɛn'n i fluwa'm be nun wie. Kɛ Anannganman deli David i kpɔfuɛ'm bé sa nun'n nin Sail i sa nun'n, yɛ ɔ kpɛli jue nga-a. Ɔ fa bo flɛli Anannganman. I waan:

Jue Mun 28:1

Jue nga ti David liɛ. I waan: Anannganman, wɔ yɛ n kpan flɛ wɔ-ɔ. Nán bu ɔ su nun waka. A ti kɛ yɛbuɛ sa, n talo wɔ. Sɛ n flɛ wɔ nan a tɛ-man min su'n, wuun min liɛ ɔ'a wie.

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Ngɔjue Fɛfɛ Kpa'n 2:16

Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 5:10

Min adeba'n ɔ ti sa ɔkwlɛ biaii. Sɛ ɔ o sran akpi blu (10.000) be afiɛn bɔbɔ'n, i wlɛ wunlɛ yo-man ya.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ngɔjue Fɛfɛ Kpa'n 5:8

Ee! Zerizalɛm talua mun, ?Sɛ amun wun min adeba'n, amun ´se i sɛ? N ´srɛ amun kpa ti-ɔ, amun `se i kɛ m'an wu i ti kpo i klolɛ'n dunman nun.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ngɔjue Fɛfɛ Kpa'n 6:3

Min adeba'n ɔ ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 8:13

Mmo klanman ɔ bɔ a o tro fie'm be nun lɔ'n, janvuɛ wie'm be kunndɛ kɛ be ´ti ɔ nɛn'n. Ijɔ man n ti. Se min kɛ:

Ezai 13:20

Sran'm be su tran-man nun mlɔnmlɔn kun, sran'm be su tran-man lɛ kun nan kɛ ɔ ´yo-ɔ ɔ'a yo. Arabfuɛ'm be su kplan-man be tannin sua'n lɛ, yɛ bua kankanfuɛ'm be su jran-man lɛ.

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 5:1

Min waan n ´to jue m bo flɛ min aenguɛ'n. Min aenguɛ'n ɔ nin i vinyi fie bé wun jue yɛ min waan n ´to-ɔ . Min aenguɛ'n ɔ lɛ i vinyi fie kun, i vinyi fie sɔ'n wo kpɔlɛ wie bɔ i asiɛ'n ti kpa'n su.

Zeremi 33:12

Anannganman b'ɔ sie mɛn wunmuan'n wan yoo: «Lika nga ɔ'a nunnun bɔ sran nin nnɛn fi nun-man nun'n, nnɛn sunianfuɛ'm be wa nyan be lika bɔ i nun yɛ nnɛn'm be ´la-a. Be ´nyan wie lika sɔ'n i klɔ dandan'm be su kusu.

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

Jean 10:11

N liɛ'n, n ti bua tafuɛ kpa, bua tafuɛ kpa'n fɛ i wun to i bua'm bé ti .

Jean 21:17

Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

1 Piɛr 2:7

Amun bɔ an lafi yɛbuɛ sɔ'n su'n, ɔ ti amun like kpa. Sanngɛ ɔ seli be nga be lafi-mɛn i su'm be kɛ: «Yɛbuɛ bɔ sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase nin-ɔn .

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»

Rit I Wun Ndɛ 2:21

Yɛ Rit seli i kɛ: «I waan e nin i gbanflɛn mun e `di junman lele man be wie i ɔrz'n kpɛ.»