Ngɔjue Fɛfɛ Kpa'n 1:5 - NYANMIƐN NDƐ'N 1998

⁵ Zerizalɛm talua mun, min wunnɛn'n ɔ dun, sanngɛ nanwlɛ n ti klanman kɛ Kedarfuɛ'm bé tannin sua'm be sa, n ti kɛ famiɛn i sua'n i rido nglanman'm be sa.

Ngɔjue Fɛfɛ Kpa'n 1:5 ပူးပေါင်းရင်းမြစ်များ

Jue Mun 120:5

Tranwlɛ nga n tran Mesɛk yɛ'n, m'an wun min nyrun o! Kedarfuɛ'm be afiɛn nga n trɛn i yɛ'n, m'an wun min nyrun wie!

Jue Mun 149:4

Afin Anannganman i nvlefuɛ'm bé ti, i klun ti jɔwa. Ɔ bu be nga be kan bé wun ase'n be sran, i ti ɔ de be.

Jue Mun 45:9

Mir, nin aloɛs, ɔ nin kanɛl bɔ be bɔn fannin'n, be bɔn ɔ tralɛ'm bé nun. Famiɛn sua bɔ sui je o nun sɛsɛsɛ'n, sran'm be bo ngowa kanlɛ like mun i nun lɔ, ɔ klun jɔ.

Jue Mun 90:17

Anannganman e Nyanmiɛn, yo man e wun kɛ a klo ye. Man e junman'm bé nuan ninnge'm be cɛ. Man e junman'm bé nuan ninnge'm be cɛ sakpa.

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ngɔjue Fɛfɛ Kpa'n 2:7

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga kle amun-ɔn.

Ngɔjue Fɛfɛ Kpa'n 3:10

Bia sɔ'n i ja'm be ti jɛtɛ ufue, kan ɔ kisa lɛ'n ɔ ti sika ɔkwlɛ. Tannin kpakpa ng'ɔ lɛ gua'n yɛ be fa yoli i kan be tran lɛ nin-ɔn. Zerizalɛm talua'm be yoli nun nzɔliɛ nglanman-nglanman mun. Klolɛ ti yɛ be yoli-ɔ.

Ngɔjue Fɛfɛ Kpa'n 3:5

Zerizalɛm talua mun, n ´srɛ amun kpa ti-ɔ, sɛ klolɛ'n ɔ ti sran'n, wuun n ´se kɛ nán amun tinnge i, wuun n ´se kɛ nán amun tinnge i ka nan i jasolɛ dɔ'n ɔ'a ju. Sɛ wannzannin nin flete mun bɔ be o blo lɔ'n be ti sran'n, wuun n ´kan kle amun kɛ be dunman nun yɛ n kan ndɛ nga n kle amun-ɔn.

Ngɔjue Fɛfɛ Kpa'n 4:3

Ɔ nuan bui'm be ti kɛ tannin tanmue tiaan ɔkwlɛ wie sa. Ɔ nuan'n ɔ yo nyɛnmɛn. Kɛ be nian ɔ tannin fɛtɛfɛtɛ ng'ɔ kata ɔ nyrun'n i bo lɔ'n, be wun ɔ fuka mun. Be ti mlanmlan ɔ waan grenadie mma yɛ b'a kpaci nun b'a fa utu-utu i lɛ sa.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ngɔjue Fɛfɛ Kpa'n 5:8

Ee! Zerizalɛm talua mun, ?Sɛ amun wun min adeba'n, amun ´se i sɛ? N ´srɛ amun kpa ti-ɔ, amun `se i kɛ m'an wu i ti kpo i klolɛ'n dunman nun.

Ngɔjue Fɛfɛ Kpa'n 6:4

A ti klanman o! Min adeba, a ti klanman kɛ Tirza klɔ'n sa. A ti klanman kɛ Zerizalɛm klɔ'n sa. Sanngɛ a yo sro kɛ sonja akpasua wie bɔ be titi be flanga'n i bo lɛ'n sa.

Ngɔjue Fɛfɛ Kpa'n 8:4

Zerizalɛm talua mun, n ´srɛ amun kpa ti-ɔ, nán amun tinnge klolɛ'n. Sɛ klolɛ'n ti sran'n, wuun n ´se kɛ nán an tinnge i ka nan i jasolɛ dɔ'n ɔ'a ju.

Ezai 21:16

Afin ndɛ nga Anannganman kan kleli min'n yɛ. I waan: «Ɔ'a ka afuɛ kun sɛsɛsɛ, Kedarfuɛ'm be anyrunnyan'n ɔ ´wie.

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 60:7

Be ´fa Kedar lɔ nnɛn'm be ´ba, be ´tian bé nuan wa, Nɛbazɔt lɔ bua nene'm be ´yo ɔ liɛ. Be ´fa nnɛn sɔ mun ´yi tɛ nga be yra be nnɛn'n kɔlikɔli'n. Be ´yi tɛ sɔ'm min sɔwlɛ'n su. Tɛ sɔ'm be wa jɔ min klun, yɛ n ´yi min nyrun nyannyan'n i nglo mín sua'n nun.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezekiɛl 16:14

Ɔ dunman'n fuli mɛnmɛn'm be nun ɔ klanman'n ti, yɛlɛ ke a yoli klanman boboli su ɔ talua nga n dili wɔ'n ti.» Anannganman Nyanmiɛn'n yɛ ɔ kan sɔ-ɔ.

Ezekiɛl 27:21

Arabi nin Kedar mɛn'n be kpɛn'm be to ninnge ɔ́ sa nun. Be tannin ɔ kalɛ nin bua bɔ b'a kpɛ cro'n, nin bua nene mun, ɔ nin boli mun.

Matthieu 10:25

Sɛ sran b'ɔ suan like'n ɔ yo kɛ sran b'ɔ kle i like'n sa'n, i sɔ'n ti kpa, yɛ sɛ sran b'ɔ su sran'n ɔ yo kɛ i min'n sa'n, i sɔ'n ti kpa. Sɛ be flɛ i awlo kpɛn'n kɛ Beɛlzebil'n, be wa flɛ awlofuɛ'm be kusu sɔ kpɛ blu .»

Matthieu 22:11

Kɛ famiɛn'n wluli lɔ b'ɔ ´nian be b'ɔ yiali be atɔnvlɛ'n bo'n, ɔ wunnin sran kun bɔ ɔ'a wla-man tralɛ nga be fa kɔ atɔnvlɛ bo'n wie.

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 15:22

Sanngɛ i si seli i sran'm be kɛ: ‹An `fa tralɛ klanman kpafuɛ'n bla ndɛndɛ fa wlɛ i wun, an `fa sama ti nga kun wlɛ i sa, yɛ an `wlɛ i ngbabua .

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 4:26

Sanngɛ Zerizalɛm ng'ɔ o nyanmiɛn su lɔ'n, ɔ ti kɛ bla'n b'ɔ ti diewa'n sa, i yɛ ɔ ti e nin nin-ɔn.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .