Ngɔjue Fɛfɛ Kpa'n 1:4 - NYANMIƐN NDƐ'N 1998

⁴ Tra n sa man e wanndi. A ti famiɛn , wɔ yɛ a sie min-ɔn, fa min wlu ɔ sua ba nun lɔ, yɛ yo man e nnyɔn'n e klun jɔ tratra su. Ɔ klolɛ nga a fa klo min'n bɔ i fɛ'n tra nzan'n, e ´yi i nglo. Sɛ be klo wɔ'n, kannzu nán ngbɛn-ɔn.

Ngɔjue Fɛfɛ Kpa'n 1:4 ပူးပေါင်းရင်းမြစ်များ

Jue Mun 111:4

Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

Jue Mun 119:32

Atin nga ɔ mmla'n kle'n i su yɛ n nanti wawa-a, afin a yo man min wla'n ɔ gua ase.

Jue Mun 119:60

Wɔ mmla'm be su falɛ'n, n ´jran mín ja nun n ´yo. N fa sie-man lele.

Jue Mun 149:2

Izraɛlfuɛ mun, man amun klun jɔ i b'ɔ yili amun'n i dunman nun. Man Siɔnfuɛ'm bé wun kpaja be be famiɛn'n ti .

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 48:9

Nga be kan kleli ye'n, e wunnin i Anannganman b'ɔ sie mɛn wunmuan'n i klɔ'n nun lɔ, e wunnin i e Nyanmiɛn'n i klɔ'n nun lɔ. Nyanmiɛn man i klɔ'n su tɔ-man le nan kɛ ɔ ´yo-ɔ ɔ'a yo.

Jue Mun 63:5

Kɛ min nyin tɛ o su'n, wɔ asenna'n su wie-man n sa nun le. M ´man n sa'm be su m ´manman wɔ.

Ngɔjue Fɛfɛ Kpa'n 3:4

Kɛ n sannin bé wun cɛ'n, n ´nian-an, n sran bɔ n klo i'n yɛ ɔ o yɛ. Nan m'an trɛ i kplo. M'an yaci-mɛn i nun kun. N cuɛnnin i lele e ko wluli mín nin b'ɔ wunnzɛli min'n i sua ba'n nun lɔ.

Ngɔjue Fɛfɛ Kpa'n 4:10

Min niaan bla, min yi, kɛ n klo wɔ'n ti, kɛ n wun wɔ'n, n jran-an ɔ jran-man kun. Klolɛ bɔ a klo min'n, sɛ ɔ ti nzan'n, wuun n ´se kɛ i fɛ liɛ'n tra ngba. Ɔ parfɛn liɛ'm be bɔn fannin tra nguɛn wafa-wafa'm be kwlaa.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Ezai 63:7

N ´kan Anannganman i klun-ufue b'ɔ ti'n i wun ndɛ, n ´kan n ´flan nun. Yɛ n ´kan ye b'ɔ yo ye'n, b'ɔ i ti yɛ e mɛnmɛn i'n, i kwlaa i wun ndɛ. Yɛ n ´kɛn i klun-ufue b'ɔ yi i nglo Izraɛlfuɛ'm be lika'n i wun ndɛ. Like ng'ɔ yoli mannin be i klolɛ'n nin i klun-ufue dan'n ti, n ´kɛn i kwlaa i wun ndɛ.

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Ndɛ Nga Nyanmiɛn I Nuan Ijɔfuɛ Oze Kannin'n 11:4

Kɛ n ko yo'n yɛ n yoli i-ɔ, n kloli i klolɛ kpa, e nin i e trannin kɛ siɛ nin ba sa, n fɛli i m boli min wue su, n wlɛli i nuan nun aliɛ.

Sofoni 3:14

Siɔnfuɛ mun, an `kpan aklunjuɛ kpanlɛ! Izraɛlfuɛ mun, an `bo sro! Zerizalɛmfuɛ mun, man amun klun jɔ kpa kɛ sran klun fa jɔ'n sa,

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 25:10

Kɛ be ´kɔ i tolɛ'n yɛ bian'n juli lɛ-ɔ, be nga be buabuali bé wun'n, be nin bian'n be wluli kan be fa atɔnvlɛ'n lɔ'n nan b'a to anuan'n nun.

JÉSUS-CHRIST I DYASIN FE'N BO LUC KLELI'N 2:10

Sanngɛ anz'n seli be kɛ: «Nán srɛ kun amun mlɔnmlɔn, m ma bo jasin fɛ kun kle amun b'ɔ wa jɔ sran'm be kwlaa be klun.

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

Jean 12:32

Yɛ n kusu, sɛ be man n su'n, n yo man sran'm be kwlaa be ´ba n sin.»

Jean 6:44

Sran fi kwla ba-man ń sin san be nga n Si b'ɔ sunmannin min'n ɔ man be ba ń sin'n, be yɛ n ´cɛn be mɛn'n i awieliɛ-ɔ.

Efɛzfuɛ Mun 2:6

Sran wunmuan bɔ e nin Krist-Jésus é ti'n ti, Nyanmiɛn man e nin i e cɛnnin, yɛ ɔ ´yo man e nin i e ´tran nyanmiɛn su lɔ

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

Hébreu 12:1

I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.