Ngɔjue Fɛfɛ Kpa'n 1:3 - NYANMIƐN NDƐ'N 1998

³ Sɛ ɔ ti nyanngo bɔ be kpakpa'n, wuun n ´se kɛ ɔ bɔn fannin dan. Ɔ bɔbɔ wunmuan'n a ti kɛ nyanngo fannin sa. Sɛ talua'm be klo wɔ'n, kannzu nán ngbɛn-ɔn!

Ngɔjue Fɛfɛ Kpa'n 1:3 ပူးပေါင်းရင်းမြစ်များ

Jue Mun 133:2

Like bɔ i sɔ'n ɔ fɛ i'n yɛlɛ ngo kpa bɔ be fa gua aofuɛ kpa kun ti'n su b'ɔ sonji lele ju i akanza nun'n sa. Ɔ ti kɛ Aarɔn i akanza'n nun ngo b'ɔ sonji lele kpɛn i tralɛ dan'n i nuan buwlɛ'n su'n sa .

Jue Mun 45:14

Kɛ famiɛn'n i wa bla'n ti famiɛn sua'n nun sa'n, ɔ yo nyɛnmɛn dan o! Tralɛ ng'ɔ wlɛ i wun'n, sika ɔkwlɛ o nun sɛsɛsɛ.

Ezipt Lɔ Tulɛ'n 33:12

Moiz seli Anannganman kɛ: «Anannganman, a seli min kɛ n dun mmua sran nga'm be nyrun, sanngɛ w'a kle-man min sran nga a ´sunmɛn i b'ɔ ´uka min'n. I kusu a seli min kɛ a si min dunman'n, yɛ a ´yo min ye.

Ezipt Lɔ Tulɛ'n 33:19

Anannganman tɛli i su kɛ: «N ´sin ɔ nyrun lɛ, n ´yi min aklunye'n i nglo n ´kle wɔ, yɛ m ´bo min dunman'n kɛ: Anannganman, Sran nga n waan n ´yo i ye'n, n ´yo i ye. Sran nga n waan n ´si i aunnvuɛ'n, n ´si i aunnvuɛ .»

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

Akunndanfuɛ'n 7:1

Sran i dunman kpa nga be bo i sa'n, ɔ ti kpa tra ayre fanninfannin i kpafuɛ'n bɔbɔ. Sran i wie cɛn'n i kpa trɛ i awuliɛ cɛn'n.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ngɔjue Fɛfɛ Kpa'n 4:10

Min niaan bla, min yi, kɛ n klo wɔ'n ti, kɛ n wun wɔ'n, n jran-an ɔ jran-man kun. Klolɛ bɔ a klo min'n, sɛ ɔ ti nzan'n, wuun n ´se kɛ i fɛ liɛ'n tra ngba. Ɔ parfɛn liɛ'm be bɔn fannin tra nguɛn wafa-wafa'm be kwlaa.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ngɔjue Fɛfɛ Kpa'n 5:5

Yɛ kle, yɛ n ´jaso n ´ko tike min adeba'n i anuan-an. Min sa nun'n ti mir ngunmin. Kɛ n ´ko tra anuan'n i like bɔ be fa tike'n, mir'n b'ɔ sonji-sonji min sama'm be su'n, ɔ kali su.

Ngɔjue Fɛfɛ Kpa'n 6:8

Famiɛn'n i yi'm be ti ablesiɛn, i soman'm be ti ablaɔcuɛ, yɛ i talua'm be liɛ be si-man be nuan.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Matthieu 25:1

«I blɛ sɔ'n nun'n Nyanmiɛn sielɛ'n ɔ ´yo kɛ talua blu bɔ be fali bé kannin mun kɛ be ´ko kpa yasua kun b'ɔ su fa atɔnvlɛ'n i atin'n sa.

Jean 12:3

Mari fali nar ngo muɛn litri sin bɔ i gua'n ti kekle kpa'n guali Jésus ja'n su, ɔ fɛ i timuɛn'n nunnunnin. Parfɛn sɔ'n i fannin'n deli sua'n.

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.