Ngɔjue Fɛfɛ Kpa'n 1:10 - NYANMIƐN NDƐ'N 1998

¹⁰ Wɔ asunmanndi man ɔ fuka'm be ti klanman lele tra su. Ɔ kɔmin nyanman man ɔ kɔmin'n ti klanman lele tra su.

Ngɔjue Fɛfɛ Kpa'n 1:10 ပူးပေါင်းရင်းမြစ်များ

Bo Bolɛ 24:22

Kɛ nyɔnngɔnmɛn'm be nɔnnin nzue'n wieli'n, bian'n fali bé sama ti nga kun, ɔ ti sika ɔkwlɛ, ɔ ti gram nsiɛn, yɛ ɔ fali bé sa kɔmin nun nga nnyɔn, kun ti gram ya tra su, kun ti gram ya tra su ɔ fa be mɛnnin i.

Bo Bolɛ 24:47

N usɛli i kɛ: ‹?Wan wa yɛlɛ wɔ?› Ɔ tɛli min su kɛ: ‹Milka nin Nakɔr bé wa Bɛtiɛl i wa yɛlɛ min.› Yɛ n fali nga'n n wlɛli i bue'n nun yɛ n fali bé sa kɔmin nun nga n wlɛli i sa-a.

Bo Bolɛ 24:53

Nan ɔ'a yi sika nin sika ɔkwlɛ ninnge mun, ɔ nin tralɛ mun ɔ'a fa man Rebeka, nan ɔ'a mɛn i niaan bian nin i nin be ninnge kpakpa kpanngban.

Bo Bolɛ 41:42

Famiɛn'n yili i sama ti nga'n ɔ fa wlali Zozɛf sa. Ɔ fali lɛn tralɛ kplɔkɔɔ fa wlɛli i wun. Ɔ wlɛli i njuaba .

Nyanndra Mun 1:9

Afin ɔ ti ɔ bɔbɔ ɔ nyrunnyan. Ɔ ti kɛ njuaba yɛ ɔ wla ɔ kɔmin sa.

Ngɔjue Fɛfɛ Kpa'n 1:11

E wa yo sika ɔkwlɛ asunmanndi e ´man wɔ, e ´fa sika e ´wlawla nun.

Ngɔjue Fɛfɛ Kpa'n 4:9

Min niaan bla, min yi, kɛ a to ɔ́ nyin mín su sa'n, sɛ kpɛ kunngba bɔbɔ-ɔ, n jran-an ɔ jran-man kun. Kɛ n nian ɔ kɔmin afle'n, sɛ kpɛ kunngba cɛ yɛ n niannin bɔbɔ-ɔ, n jran-an ɔ jran-man kun.

Ngɔjue Fɛfɛ Kpa'n 5:13

A wun i fuka mun-ɔn, ɔ waan b'a kpɛ lika wie nan b'a ta nun nnya-nnya nin ijre fannin fannin sa. I fuka'm be ti fuaii mlanmlan kɛ lis sa. Be su'n ti mir ngunmin.

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Kalɛ 31:50

I sɔ'n ti, e su fa like e wa cɛ Anannganman nan ɔ `sasa ye. E kwlaa e sika ɔkwlɛ ninnge nga e nyɛnnin i'n, e ´fa cɛ: kɔmin nyanman o, be sa nga o, bé sama ti nga o, asunmanndi o, be kɔmin afle o.»

1 Piɛr 3:4

Sanngɛ man be wun amun klanman'n amun nzuɛn'n, nin amun anwlɛn wɛtɛɛ'n, ɔ nin diin bɔ an ti'n nun. Klanman sɔ'n wie-man, ɔ ti kpa Nyanmiɛn nyrun.