Rɔmfuɛ Mun 9:6 - NYANMIƐN NDƐ'N 1998

⁶ Nanwlɛ, nán kɛ ndɛ nga Nyanmiɛn kannin'n ɔ'a kwlɛ-mɛn i yo ti-ɔ. Afin be kwlaa nga be fin Izraɛl osu nun'n, nán be ngba yɛ be ti Izraɛlfuɛ kpa-a.

Nyanmien nde Ufle

⁶ Nanwle, nanh ke nde nga Nyanmien kannin'n wa kwle'e i yô tio. Afin bé kwlaa nga bé fin Israël ôsu'n nun'n, nanh bé ngba ye bé ti Israëlfue kpaa.

Rɔmfuɛ Mun 9:6 ပူးပေါင်းရင်းမြစ်များ

Ezai 55:11

kɛ min ndɛ b'ɔ fin mín nuan fite'n ɔ ti sɔ-ɔ, sɛ ɔ ti sran'n, wuun n ´se kɛ ɔ sɛ-mɛn i sin mín wun wa sa ngbɛn, san ɔ ´yo min klun sa, san ɔ ´yo nga bɔ i ti yɛ n sunmɛnnin i'n.»

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Matthieu 24:35

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

Jean 10:35

E si kɛ sran fi kwla nunnun-man Nyanmiɛn ndɛ nga be klɛli'n. Be klɛli i kɛ be nga Nyanmiɛn fɛ i mmla mannin be'n be ti kɛ Nyanmiɛn sa.

Rɔmfuɛ Mun 3:3

?Ɔ man e ´se sɛ? ?Sɛ sran wie'm be lafi-man Nyanmiɛn su'n, i su bɔ be lafi-man'n ti'n, ɔ man i nanwlɛfuɛ b'ɔ ti'n ɔ ´kaci?

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

Galasifuɛ Mun 6:16

Be kwlaa nga be fa ndɛ sɔ'n su'n, nin Izraɛlfuɛ nga be ti i liɛ sakpa'n, man Nyanmiɛn wun be aunnvuɛ nan bé wun jɔ be fɔuun !

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

2 Timote 2:13

Sɛ e di-man nanwlɛ'n, i liɛ'n ɔ di nanwlɛ, afin ndɛ ng'ɔ kan'n, ɔ kaci-mɛn i.