Rɔmfuɛ Mun 9:5 - NYANMIƐN NDƐ'N 1998

⁵ Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

Nyanmien nde Ufle

⁵ Bé ti é nannan'm bé anunman, Christ kusu ke o katyii swran'n, ôsu so'n nun ye o balio. I ye o ti Nyanmien b'o sié liké'n kwlaaa, bé bô i dunman titi. Mon o yô so!

Rɔmfuɛ Mun 9:5 ပူးပေါင်းရင်းမြစ်များ

Bo Bolɛ 12:3

Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

1 Famiɛn Mun 1:36

Bɛnaza seli famiɛn'n kɛ: «Man ɔ yo sɔ! Anannganman ɔ Nyanmiɛn'n i bɔbɔ yɛ ɔ fali ndɛ nga a kɛnnin i lɛ'n wlali ɔ nuan-an.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

Jue Mun 103:19

Anannganman takali i famiɛn bia'n nyanmiɛn su lɔ, ɔ sie ninnge'n kwlaa.

Jue Mun 106:48

Amun `la Anannganman b'ɔ ti Izraɛl Nyanmiɛn'n i ase tititi! Yɛ man sran'm be kwlaa be se kɛ: «Man ɔ yo sɔ!» An `manman Anannganman!

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 45:6

Ɔ cua'm be ti piembie, sɛ a ´to be'n, be ´sran famiɛn'n i kpɔfuɛ'm be anwlɛn ba'n sɛsɛsɛ. Nvle wie'm be nunfuɛ wie'm be ´tɔ ɔ ja bo lɛ.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 89:52

Anannganman, nán ɔ wla fi nzowa nga ɔ kpɔfuɛ'm be kpɛ sran nga a kpali i fa sieli famiɛn'n. Be kpɛli i lelele.

Ezai 11:1

Sran kun ɔ ´jaso su Izai osu'n nun kɛ waka sama'n ɔ fɛfɛ waka'n i bo'n su'n sa. Ɔ wa jaso su kɛ waka nɔnman'n ɔ fɛfɛ waka i olui'n su'n sa .

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Zeremi 28:6

«Fiaa! Man ɔ yo sɔ. Man Anannganman'n yo i sɔ. Man Anannganman'n nian ndɛ nga a ´kɛn i lɛ'n su yo, man Anannganman fɛ i sua'n i nun ninnge nga be fa ɔli Babilɔni'n bla.

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

JÉSUS-CHRIST I DYASIN FE'N BO LUC KLELI'N 20:44

Ɔ man David bɔbɔ flɛ i Nannan. ?Ɔ yo sɛ yɛ man ɔ ko yo i Anunman-an?»

Jean 10:30

Min nin n Si e ti kun.»

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Rɔmfuɛ Mun 1:25

Be fa ato'n kaci Nyanmiɛn ndɛ b'ɔ ti nanwlɛ'n, yɛ be fa bé wun man ninnge bɔ Nyanmiɛn yili be'n, be sɔ be, be yaci Nyanmiɛn bɔbɔ b'ɔ yili ninnge sɔ mun i lɛ. I yɛ ɔ fata kɛ be `bo i dunman tititi nin-ɔn. Man ɔ yo sɔ !

Rɔmfuɛ Mun 1:3

Jasin fɛ sɔ'n ti i Wa'n i ndɛ. Kɛ ɔ kacili sran'n, be wuli i David osu'n nun,

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

Mmla'n 10:15

Amun nannan'm be kunngba cɛ yɛ Anannganman fɛli i wun mantannin be-ɔ. Be kunngba cɛ yɛ ɔ kloli be-ɔ. Ɔ man nvle'm be kwlaa be nun'n, ɔ fali amun bɔ amun wo lɛ ndɛkɛn yɛ'n, bɔ amun ti be anunman mun'n. Amun si sɔ.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Timote 6:15

Kɛ cɛn nga Nyanmiɛn sieli'n ko ju'n, Nyanmiɛn bɔ i kunngba yɛ ɔ ti famiɛn'n, bɔ be bo i dunman fɛ titi'n, b'ɔ sie famiɛn nin be kwlaa nga be sie sran'n, i yɛ ɔ ´yi i nglo sɔ nin-ɔn.

2 Timote 2:8

Bu Jésus-Krist, David i anunman b'ɔ cɛnnin'n i akunndan. Kɛ n fa kɛn i jasin fɛ bɔ n bo'n i nun sa.

Hébreu 7:24

sanngɛ Jésus liɛ'n, kɛ ɔ wu-man'n ti'n, i Nyanmiɛn nyrun jranlɛ'n, be su fa man-man sran uflɛ.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 22:16

Min Jésus, n sunmannin min anz'n kɛ ɔ wa kan sa sɔ'n kwlaa kle amun asɔnun'm be nun. N fin David osu'n nun, i anunman yɛlɛ min. Min yɛ n ti awuɛ nzraama nin-ɔn .»

Sa nglô yile 22:20

Sran ng'ɔ seli kɛ sa sɔ'n ɔ ´yo sɔ'n, ɔ se kɛ: «Nanwlɛ, m ´ba icra'n.» Man ɔ yo sɔ! E min Jésus, bla!

Sa nglô yile 5:14

Yɛ like nnan bɔ be ti kɛ nnɛn sa'n be se kɛ: «Man ɔ yo sɔ!» Yɛ kpɛnngbɛn'm be kotoli sran ng'ɔ ti bia'n su'n nin Bua Gbanflɛn'n bé bo be manmannin be-ɔ.