Rɔmfuɛ Mun 9:4 - NYANMIƐN NDƐ'N 1998

⁴ Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

Nyanmien nde Ufle

⁴ Bé ti Israëlfue, Nyanmien Kpli'n man bé katyii i wa, o nin bé trannin, o kléé bé liké ng'o sé ke oh yôh man bé'n, o fe i mmla'n maan bé, o kléé bé i sole wafa'n nin liké nga o wa yô'n.

Rɔmfuɛ Mun 9:4 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 17:10

Aenguɛ sɔ'n i su mmla'n yɛlɛ amun yasua'm be kwlaa be klɛn wlalɛ.

Bo Bolɛ 17:2

N wa tra wɔ aenguɛ. N ´yo man ɔ osu'n trɛ lele tratra su.»

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 32:28

Sran'n usɛli kɛ: «?Be flɛ wɔ sɛ?» Ɔ tɛli i su kɛ: «Be flɛ min Zakɔb.»

1 Famiɛn Mun 8:11

Nyanmiɛn ble sɔ'n ti Nyanmiɛn nyrun jranfuɛ'm b'a kwla tran-man lɔ b'a di-man be junman'n kun. Anannganman i nyrun nyannyan'n yili i sua'n .

Neemi 13:29

«Min Nyanmiɛn, nán ɔ́ wla fi su kɛ be yoli ɔ sɔlɛ junman'n i finfin. Nán ɔ́ wla fi su kɛ aenguɛ nga a nin ɔ nyrun jranfuɛ nin Levifuɛ'm be trali'n be yoli i finfin ekun.»

Jue Mun 147:19

Ɔ kɛn i nuan su ndɛ mun kle Zakɔb. Ɔ fɛ i mmla fanunfanun'n man Izraɛlfuɛ mun.

Jue Mun 63:2

Ee Nyanmiɛn, a ti min Nyanmiɛn, n kunndɛ kɛ m ´mantan wɔ. Mín wla lo wɔ. N ti kɛ asiɛ bɔ nzue tɔ-man su, bɔ ɔ'a wu kee, bɔ ɔ'a tɛtɛ ɔ su srɛ nzue'n sa.

Jue Mun 73:1

Jue nga ti Azaf liɛ. I waan: Nanwlɛ, Anannganman yo Izraɛl i kpa. Ɔ yo be nga be anwlɛn'n nun ti weiin'n be kpa kusu.

Jue Mun 78:61

Ɔ mannin atin kɛ i kpɔfuɛ'm be kuku i alaka b'ɔ ti i kwlalɛ b'ɔ kwla'n i nzɔliɛ'n be wɔ. Be fɛli i anyrunnyan'n i nzɔliɛ sɔ'n be ɔli be mɛn nun .

Jue Mun 89:3

Afin n kɛn i kɛ ɔ klun-ufue'n lɛ-man kpɛbo, yɛ ɔ nanwlɛ bɔ a di'n ɔ wie-man nyanmiɛn su lɔ.

Jue Mun 89:34

Sanngɛ nán kɛ n su yo-man be kpa kun ti-ɔ. N su kaci-man, like nga min waan n ´yo man be'n san n ´yo.

Jue Mun 90:16

Junman nga a di'n, man i nyin fite nan ɔ sufuɛ'm be wun i, nan e mma'm be kusu be wun kɛ a ti dan sakpa.

Ezipt Lɔ Tulɛ'n 12:25

Blɛ bɔ amun wlu mɛn nga Anannganman seli kɛ ɔ ´fa man amun'n i nun'n, amun `yo i sɔ titi.

Ezipt Lɔ Tulɛ'n 34:27

Anannganman seli Moiz kɛ: «Klɛ ndɛ nga n kannin be lɛ mun! Afin bé su yɛ n ´jran n ´siesie min nin wɔ yɛ Izraɛlfuɛ mun ye aenguɛ nga e ´tra nin-ɔn.»

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Ezai 41:8

Sanngɛ Izraɛlfuɛ mun, amun bɔ amun ti min sran mun'n, amun, Zakɔb i osu'n nunfuɛ mun, amun bɔ amun fin min janvuɛ Abraam i osu nun'n ,

Ezai 46:3

Zakɔb osu'n nunfuɛ mun, yɛ amun Izraɛlfuɛ nga amun kali lɛ'n, amun bɔ n niannin amun lika amun nin klun lɔ'n, amun bɔ n fali amun ń sa su kɛ be guali amun ase cɛ'n, amun `tie ndɛ nga n kan'n.

Ezai 5:2

Ɔ dili asiɛ'n su junman, ɔ yiyili i nun yɛbuɛ mun, ɔ tali nun vinyi nglanman nglanman mun. Ɔ kplannin akpa fleiin kun fie'n i afiɛn. Ɔ kpɛli kunman kun. Kunman sɔ'n ɔ ti vinyi mma nzue cuɛnwlɛ. Ɔ bu i kɛ vinyi'n ɔ wa su mma kpa, kpɛkuun ɔ ´su-ɔ, mma tɛtɛ yɛ ɔ'a su-ɔ.

Ezai 60:19

Nán wia'n yɛ ɔ wa kpaja ɔ́ su wia'n nun kun-ɔn, nán anglo'n yɛ ɔ wa ta ɔ́ su kɔnguɛ kun-ɔn, sanngɛ Anannganman yɛ ɔ ´yo kɛ ɔ kannin sa tititi-ɔ. Ɔ Nyanmiɛn'n yɛ ɔ ´yo kɛ like b'ɔ kpaja ɔ su sa-a .

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Ezekiɛl 1:28

Lika ng'ɔ kpaja weiin ng'ɔ sin yiɛ i'n, ɔ ti kɛ nyanngondin b'ɔ fite nzue tɔlɛ cɛn'n nun'n sa. Nyanmiɛn i nyannyan'n yɛ ɔ o lɛ-ɔ . Kɛ n wunnin i sɔ'n, n tɔli yɛ n utuli mín nyin ase. Kpɛkuun n tili sran kun i nɛn.

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Kalɛ 7:89

Sɛ Moiz wlu tannin sua'n nun lɔ kɛ ɔ nin Anannganman be ´ko koko yalɛ'n, ɔ ti aniɛn kun, ɔ tɛ Nyanmiɛn i alaka'n i ti tre i su, anz nnyɔn'm be afiɛn lɛ. Kpɛkuun Moiz nin Anannganman be koko yalɛ.

Matthieu 21:33

«An `tie nyanndra kun ekun. Awlo bo kpɛn kun o lɛ, ɔ dili vinyi fie, ɔ sili i wun. Ɔ kpɛli vinyi'n i mma i nzue cuɛnwlɛ, yɛ ɔ kplannin akpa fleiin kun, i sin ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun .

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 1:47

Kɛ Jésus wunnin Natanaɛl kɛ ɔ su bɛ i wun lɛ'n, ɔ kɛnnin i ndɛ kɛ: «An `nian, Izraɛlfuɛ kpa kun yɛ ɔ ´ba yɛ, ɔ ti-man gblɛfuɛ kaan sa.»

Sa nga bé yôli'n 2:39

Afin like ng'ɔ seli kɛ ɔ ´yo'n, i waan ɔ ´yo man amun, nin amun mma mun, nin be kwlaa bɔ be o mmua bɔ e Min Nyanmiɛn'n ɔ wa flɛ be'n .»

Rɔmfuɛ Mun 3:2

Like'n kwlaa nun, nga be nyɛn i'n tra sran wie'm be liɛ'n. Afin be yɛ Nyanmiɛn fɛ i ndɛ'n mannin be-ɔ.

Rɔmfuɛ Mun 8:15

Afin Nyanmiɛn i Wawɛ'n b'ɔ fa mannin amun'n, i liɛ'n, ɔ fa-man amun kaci-man kanga, yɛ ɔ wla-man amun srɛ, sanngɛ ɔ fa amun kaci kɛ Nyanmiɛn klun ba sa. I sɔ'n ti'n, e kwla kpan flɛ Nyanmiɛn kɛ: «Baba!»

Rɔmfuɛ Mun 9:6

Nanwlɛ, nán kɛ ndɛ nga Nyanmiɛn kannin'n ɔ'a kwlɛ-mɛn i yo ti-ɔ. Afin be kwlaa nga be fin Izraɛl osu nun'n, nán be ngba yɛ be ti Izraɛlfuɛ kpa-a.

2 Korɛntfuɛ Mun 11:22

Sɛ be ti Ebre'n, n kusu n ti sɔ wie, sɛ be ti Izraɛlfuɛ'n, n kusu n ti sɔ wie, sɛ be fin Abraam osu nun'n, n kusu n fin nun wie.

Galasifuɛ Mun 3:16

Nyanmiɛn seli Abraam kɛ ɔ ´yo like wie mɛn i nin i osufuɛ kun. Ɔ'a se-mɛn i kɛ ɔ ´yo mɛn i nin i osufuɛ mun. Nán sran kpanngban ndɛ yɛ ɔ kan-an, sanngɛ kɛ ɔ se kɛ ɔ nin wɔ osufuɛ kun, ɔ kan sran kun ndɛ. Sran sɔ'n yɛlɛ Krist .

Efɛzfuɛ Mun 2:12

I nun sɔ nun'n, amun nin Krist di-man mlɔnmlɔn, yɛ an ti Izraɛl nvle'n nun aofuɛ, like nga Nyanmiɛn seli kɛ ɔ ´yo man i sran mun ndɛ ng'ɔ kan kleli Abraam ti'n, amun liɛ nun-man nun, kɛ an wo lɛ'n, an lɛ-man like bɔ an fa amún wla gua su-ɔ, an si-man Nyanmiɛn.

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Mmla'n 29:1

Moiz flɛli Izraɛlfuɛ'm be kwlaa nan ɔ'a se be kɛ: «Like nga Anannganman yoli i Ezipt mɛn'n nun lɔ'n, like ng'ɔ fa yoli Ezipt famiɛn'n nin i mantanfuɛ mun'n, ɔ nin i mɛn'n nunfuɛ mun'n amun wunnin be.

Mmla'n 29:14

Ɔ ti amun bɔ amun wo Anannganman amun Nyanmiɛn'n i nyrun wa ndɛ'n, ɔ nin be nga be nun-man wa ndɛ yɛ'n be liɛ.

Mmla'n 31:16

Anannganman seli Moiz kɛ: «Nian a su wa wu. Kɛ a ko wu'n, Izraɛlfuɛ'm be ´ko tu lika nga be wa ko tran nun lɛ'n i nun lɔ amuɛn mun, be sɔ be. Be ´kaci be sin si min. Be ´saci aenguɛ nga e nin be e trali'n.

Mmla'n 4:13

Ɔ kannin aenguɛ nga ɔ nin amun trali'n i ndɛ kleli amun. I waan amun `nian su, nan amun `niɛn i mmla blu b'ɔ klɛli be yɛbuɛ paplaapla nnyɔn su'n be su `nanti.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

Hébreu 9:1

Aenguɛ nga Nyanmiɛn nin sran'm be trɛli i laa'n, ɔ lɛ i Nyanmiɛn sulɛ'n su mmla nin i sua asiɛ'n su wa .

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

Hébreu 9:3

Yɛ tannin i nnyɔn su'n i sin lɔ sua ba liɛ'n be flɛli Nyanmiɛn lika kpa tra su .

Hébreu 9:5

Anz bɔ be nian Nyanmiɛn i ninnge'm be su'n bɔ be yi Nyanmiɛn i wafa ng'ɔ ti'n i nglo'n, be o alaka sɔ'n su, be ndɛwa'n kata Nyanmiɛn sɔwlɛ'n su. Sanngɛ nɛ́n i kanlɛ'n ɔ nin i nun yiyilɛ i cɛn yɛlɛ ndɛ.

Hébreu 9:6

Kɛ be siesieli ninnge sɔ'n be kwlaa sɔ'n, cɛn'n kwlaa Nyanmiɛn nyrun jranfuɛ'm be wlu sua ba klikli'n nun be di be junman'n.