Rɔmfuɛ Mun 9:31 - NYANMIƐN NDƐ'N 1998

³¹ Sanngɛ Izraɛlfuɛ'm bɔ be kunndɛ kɛ be ´nyan mmla kun be ´fa su nan Nyanmiɛn bu be sran kpa'n, b'a nyɛn-mɛn i .

Nyanmien nde Ufle

³¹ Sannge Israëlfue'm bo bé kunnde ke béh nyanh mmla kun béh fah su nan Nyanmien bu bé swran kpa'n, ba nyenmen.

Rɔmfuɛ Mun 9:31 ပူးပေါင်းရင်းမြစ်များ

Ezai 51:1

Amun nga bɔ amun kunndɛ nanwlɛ'n, bɔ amun fa amún wun mantan Anannganman'n, amun `tie ndɛ nga n kan'n! Sɛ amun ti yɛbuɛ'n, wuun n ´se kɛ amun `nian yɛbuɛ nga bɔ i nun yɛ be sɛli amun'n, yɛ amun `nian kunman nga be fali amun nun'n.

Rɔmfuɛ Mun 10:20

Ezai kusu trɛ i anwlɛn seli kɛ: «Be nga b'a fa-man bé wun a mantan-man min'n, be wunnin min. Be nga b'a usa-man n osu'n, n yi mín wun kleli be .»

Rɔmfuɛ Mun 11:7

Sɛ ɔ ti sɔ'n, e ´se kɛ like nga Izraɛlfuɛ'm be kunndɛ'n, b'a nyɛn-mɛn i, san be kaan nga Nyanmiɛn fali be'n, be ngunmin yɛ be nyɛnnin i-ɔ. Sanngɛ ndɛ nga be klɛli i kɛ be nga'm be wa yo sran bɔ be wun-man sa wlɛ'n, yɛ ɔ'a kpɛn su yɛ'n. Be klɛli i kɛ: «Nyanmiɛn man be kacili kɛ sran bɔ be akunndan nun-man lɛ sa, yɛ ɔ man be wun-man ase. Be ti-man sa lele fa ju ndɛ .»

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 3:27

?Sɛ ɔ ti sɔ'n, nguɛ su yɛ e jran fa di é nuan-an? E lɛ-mɛn i sɔ like mlɔnmlɔn! ?Nguɛ ti yɛ e lɛ-mɛn i sɔ like nin-ɔn? ?Mmla'n b'ɔ man e si like nga e yo'n ti-ɔ? Cɛcɛ, Nyanmiɛn bɔ e lafi i su'n ti-ɔ.

Galasifuɛ Mun 3:21

?Like nga Nyanmiɛn waan ɔ ´yo'n, mmla'n ti ɔ yo-mɛn i kun? Ɔ ti-man sɔ mlɔnmlɔn! Sɛ Nyanmiɛn kwla fa mmla kun man sran b'ɔ man be ´nyan nguan'n, wuun ɔ mannin, yɛ mmla sɔ'n su falɛ'n ti ɔ ´bu sran'n i sran kpa.

Filipfuɛ Mun 3:6

Nyanmiɛn ndɛ'n lo min kpa ti yɛ n kleli asɔnunfuɛ'm be yalɛ nin-ɔn. Sɛ mmla'n i su falɛ'n kwla yo sran sran kpa'n, wuun be kwla saci-man min wun kaan sa,