Rɔmfuɛ Mun 9:29 - NYANMIƐN NDƐ'N 1998

²⁹ Ezai kunngba'n kɛnnin i laa kɛ: «Sɛ e Min Anannganman Nyanmiɛn ɔ'a yaci-man e osu kaan sa'n, wuun e ´yo kɛ Sodɔm sa yɛ e ´kaci kɛ Gomɔr sa .»

Nyanmien nde Ufle

²⁹ Ésaïe kunngba'n keen laa ke: «Se é Min Anannganman Nyanmien Kpli'n Wa yatyi'a é ôsu kaan sa'n, Wuun éh yôh ke Sodome (*f36*) sa, Ye éh katyih ke Gomorrhe (*f36*) sa.»

Rɔmfuɛ Mun 9:29 ပူးပေါင်းရင်းမြစ်များ

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Ezai 1:9

Sɛ Anannganman b'ɔ sie mɛn wunmuan'n ɔ'a yaci-man e nun sran wie'm be lɛ'n, wuun e wieli nunnun kɛ Sodɔmfuɛ'm be sa, sɛ ɔ'a yaci-man be lɛ'n, wuun e wieli wu kɛ Gomɔrfuɛ'm be sa .

Ezai 13:19

Yɛ Babilɔni b'ɔ ti kɛ famiɛn diwlɛ'm be afle klanman sa'n, b'ɔ ti kɛ Kaldefuɛ'm bé wun fafalɛ like sa'n, bɔ be fa di bé nuan'n, ɔ wa yo kɛ Sodɔm nin Gomɔr bɔ Nyanmiɛn sacili be laa'n sa.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zeremi 49:18

Edɔm ´saci kɛ Sodɔm nin Gomɔr, ɔ nin be asa'n su klɔ mun sa. Ɔ ´tɔ srolo! Sran kun sa su tran-man su kun.»

Zeremi 50:40

Ɔ wa yo kɛ Sodɔm nin Gomɔr, ɔ nin be asa'n su klɔ bɔ Nyanmiɛn'n nunnunnin be'n sa, sran su tran-man su kun. Sran fi su ijɔ-man su kun le.

Ngwlɛ Yilɛ 3:22

Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Sofoni 2:6

Wɔ asiɛ ng'ɔ la jenvie'n nuan lɔ'n, ɔ ´kaci nnɛn'm be didiwlɛ, lɛ yɛ nnɛn kankanfuɛ'm be ´fa be nnɛn mun be ´sin-ɔn, lɛ yɛ be ´sisi be bua'm be kuku'n yɛ be ´fa be ´gua nun-ɔn.»

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .