Rɔmfuɛ Mun 9:26 - NYANMIƐN NDƐ'N 1998

²⁶ Lika nga n seli lɔfuɛ'm be kɛ: «Nán min sran yɛlɛ amun kun'n, be ´flɛ lɔfuɛ mun Nyanmiɛn b'ɔ lafi-man i mma mun .»

Nyanmien nde Ufle

²⁶ Lika nga n séé lofue'm bé ke: An ti'a n swran'n, Béh fleh lofue mun Anannganman Nyanmien mma mun.»

Rɔmfuɛ Mun 9:26 ပူးပေါင်းရင်းမြစ်များ

Jue Mun 42:2

Kɛ flete'n ɔ fɛfɛ kunndɛ nzue ba mun'n, min Nyanmiɛn, i kunngba nin-ɔn, n fɛfɛ n kunndɛ kɛ n ´fa min wun m mantan wɔ.

Ezai 43:6

Sɛ mɛn'n i nglo lo lika'n ti sran'n, wuun n ´se i kɛ: ‹Yaci be nun!› Yɛ n ´se ngua lɔ lika liɛ'n kɛ: ‹Nán tra be nun! Amun `fa min wa yasua mun mmua lɔ bla, amun `fa min mma bla mun asiɛ'n i awieliɛ lɔ bla.

Daniɛl 6:26

Kɛ ɔ cɛli kan'n, famiɛn Dariis klɛli fluwa ko mannin nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa bɔ be tran asiɛ wunmuan'n su'n. I waan: «Man amún wun jɔ amun fɔuun kpa.

Matthieu 16:16

Simɔn Piɛr tɛli su kɛ: «A ti Krist, Nyanmiɛn'n b'ɔ lafi-man i Wa'n yɛlɛ wɔ.»

Jean 11:52

Nán kɛ nvle sɔ'n ngunmin ti-ɔ, sanngɛ ɔ ´yo sɔ nan Nyanmiɛn `kɛn i mma'm bɔ be sanndili'n be kwlaa bo nun.

Rɔmfuɛ Mun 8:14

Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Rɔmfuɛ Mun 8:16

Nyanmiɛn Wawɛ'n kle ye weiin kpa e anwlɛn'n nun kɛ e ti Nyanmiɛn i wa sakpa.

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

2 Korɛntfuɛ Mun 6:18

N ´yo amún si, yɛ amun kusu amun ´yo min wa yasua nin min wa bla.» Kɛ e Min Nyanmiɛn b'ɔ kwla like'n kwlaa yo'n ɔ se sɔ-ɔ .

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .