Rɔmfuɛ Mun 9:25 - NYANMIƐN NDƐ'N 1998

²⁵ E kɛnngɛn Oze fluwa'n nun kɛ Nyanmiɛn seli kɛ: «Be bɔ be ti-man n sran'n, n ´flɛ be n sran. Yɛ nvle nga n klo-mɛn i'n, n ´flɛ nvle sɔ'n nunfuɛ mun n sran kpa .»

Nyanmien nde Ufle

²⁵ É kenngen Osée fluwa'n nun ke Nyanmien sé ke: «Bé bo bé ti'a n swran'n, nh fleh bé n swran, Ye nvlé nga n klômen'n, nh fleh nvlé so'n nunfue mun n swran kpa.

Rɔmfuɛ Mun 9:25 ပူးပေါင်းရင်းမြစ်များ

2 Samiɛl 7:24

A yoli man Izraɛl nyannin wunmiɛn yɛ a fɛli i yoli ɔ nvle tititi, yɛ wɔ Anannganman a yoli i Nyanmiɛn.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Jean 16:27

afin e Si'n bɔbɔ klo amun. Ɔ klo amun yɛlɛ kɛ an klo min, yɛ an lafi su kɛ Nyanmiɛn yɛ ɔ sunmannin min-ɔn.

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .