Rɔmfuɛ Mun 9:20 - NYANMIƐN NDƐ'N 1998

²⁰ ?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

Nyanmien nde Ufle

²⁰ ?O bo a usa so'n, a ti o lie se bo a yiyi Nyanmien nuan nuon? «?Liké nga bé fa ufa wu'n, o kwla use i ufue'n ke: O yô se ti ye a wuu n soo?»

Rɔmfuɛ Mun 9:20 ပူးပေါင်းရင်းမြစ်များ

2 Samiɛl 16:10

Yɛ famiɛn'n waan: «?Zɛriza mma mun, amun li amun ndɛ o nun sɛ? Sɛ Anannganman ɔ'a se-mɛn i kɛ: ‹Ko bo David sannzan'n,› wuun ɔ kwla bo-man. ?Kɛ ɔ o lɛ'n, sran kun kwla se i kɛ: ‹?Ɔ yo sɛ ti yɛ a yo sɔ-ɔ?› »

Zɔb I Nyrɛnnɛn Wunlɛ 16:3

?Cɛn onin nan ndɛ ngbɛn-ngbɛn nga'm b'a wie? Be ti kɛ aunngban sa. ?Nzu like cɛ yɛ ɔ su ɔ bo bɔ man a tɛ su ya su-ɔ?

Zɔb I Nyrɛnnɛn Wunlɛ 33:13

?Ɔ yo sɛ ti yɛ kɛ ɔ tɛ-man sa nga a usɛ i'n be su'n, a kɛn i ndɛ nin-ɔn?

Zɔb I Nyrɛnnɛn Wunlɛ 36:23

?Wan cɛ yɛ ɔ lɛ atin kle Nyanmiɛn i ajalɛ ng'ɔ ti b'ɔ tu nin-ɔn? ?Wan cɛ yɛ ɔ lɛ atin se i kɛ: «Sa nga a yo i yɛ'n ɔ ti tɛ-ɔ?»

Zɔb I Nyrɛnnɛn Wunlɛ 40:2

«Nja b'ɔ nin min Nyanmiɛn b'ɔ n kwla like kwlaa yo'n si akplowa'n, sɛ a nin min lɛ ndɛ-ɔ, kan! Nja bɔ i yɛ ɔ kle ngwlɛlɛ'n, sɛ a ´tɛ min su o!»

Zɔb I Nyrɛnnɛn Wunlɛ 40:5

Ndɛ nga n dun mmua n kannin'n, i nuan su-ɔ. N kɛn-mɛn i kpɛ nnyɔn su kun.»

Zɔb I Nyrɛnnɛn Wunlɛ 40:8

?Sakpa yɛ ɔ waan jɔlɛ nga n di be'n be jɔ-man ɔ klun nin-ɔn? ?ɔ waan a ´bu min fɔ a ´fa kunndɛ ɔ ndɛ fɛ?

Zɔb I Nyrɛnnɛn Wunlɛ 9:32

Min nin Nyanmiɛn sɛ-man. Ɔ ti-man sran, e nin i e kwla kan-man ndɛ. N kwla n ko sɛnmɛn-mɛn i.

Ezai 10:15

?Kpɛliɛ'n ɔ tu i wun gua sran ng'ɔ fɛ i di junman'n i su? ?Annzɛ bese'n ɔ yo i wun kpakpa sran ng'ɔ fɛ i kpɛ like'n i su? ?Ngble'n kwla fa sran ng'ɔ trɛ i nun yo like? Kannzɛ e fa sran sunnzun waka'n, sanngɛ nyantiaan'n ɔ kwla mɛn-mɛn i su.

Ezai 29:16

?Nguɛ sinnzin sa yɛ amun yo i sɔ-ɔ? ?Ɔ yo sɛ ti yɛ amun fa ufa'n sunnzun sɛ wufuɛ nin-ɔn?» ?Sɛ'n ɔ kwla se i ufuɛ'n kɛ: «Nán wɔ yɛ a wuli min-ɔn?» ?Sɛ'n ɔ kwla se i ufuɛ'n kɛ ɔ si-man ngwlɛlɛ?

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 18:6

«?Izraɛlfuɛ mun, min nin amun e kwla yo-man kɛ sɛ ufuɛ ng'ɔ lɛ'n sa? Afin amun wo mín sa nun kɛ wufa'n fa o sɛ ufuɛ'n i sa nun'n sa.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

JÉSUS-CHRIST I DYASIN FE'N BO LUC KLELI'N 12:14

Yɛ Jésus seli i kɛ: «?Nja, wan yɛ ɔ fa min sieli kɛ n yo amun jɔlɛ difuɛ nin amun ninnge cɛfuɛ-ɔ?»

Rɔmfuɛ Mun 14:4

?A ti ɔ liɛ sɛ bɔ a kan ɔ niaan wie i junman difuɛ'n i wun ndɛ-ɔ? Sɛ i nzuɛn ti kpa o, sɛ ɔ ti-man kpa o, nán ɔ ndɛ-ɔ, i min'n i ndɛ-ɔ. Ɔ ´yo kpa, afin e Min'n kwla suɛn i bo man ɔ yo kpa.

Rɔmfuɛ Mun 2:1

I sɔ'n ti'n, amun kwlaa bɔ an bu sran fɔ'n, an lɛ-man ndɛ fi. Afin kɛ an bu sran fɔ bɔ an yo sa kunngba nga sran sɔ'n yo'n, an bu amun bɔbɔ amun wun fɔ.

Rɔmfuɛ Mun 2:3

?Amun bɔ an bu sran fɔ i sɔ sa'n ti'n bɔ sanngɛ an yo sa kunngba'n, an bu kɛ Nyanmiɛn su bu-man amun fɔ wie?

Rɔmfuɛ Mun 9:21

?Sɛ ufuɛ'n ɔ kwla fa-man ufa tɔlɛ kunngba'n wu-man sɛ wafa ng'ɔ klo'n, sɛ ɔ wu i klanman o, sɛ ɔ wu-mɛn i klanman kpa o, ɔ kwla yo-mɛn i sɔ?

Rɔmfuɛ Mun 9:22

?Yɛ Nyanmiɛn kusu yo-man sran'm be kɛ sɛ ufuɛ'n yo i sɛ mun'n sa? ?Sɛ ɔ klo kɛ sran'm be si kɛ ɔ'a fa be wun ya, sɛ ɔ klo kɛ be si kɛ ɔ kwla sa kwlaa yo'n, yɛ sɛ be nga be kun i ya bɔ be nin kunlɛ fata'n b'ɔ blu su'n, ɔ kwla yo-mɛn i sɔ ?

1 Korɛntfuɛ Mun 1:20

?Ngwlɛlɛ sifuɛ'n wo nin? ?Mmla sifuɛ'n wo nin? ?Blɛ nga nun be bɔ be kunndɛ kɛ be ´si sa'm bé bo'n be o nin? ?Sran nga be ti ngwlɛlɛfuɛ mɛn nga nun'n, Nyanmiɛn bu-man be sinnglinfuɛ?

1 Korɛntfuɛ Mun 7:16

? Mmo, sɛ ɔ ti yɛ man ɔ́ wun'n ɔ ´nyɛn i ti o, a wun i wlɛ sɛ? ?Nja, sɛ ɔ ti yɛ man ɔ́ yi'n ɔ ´nyɛn i ti o, a wun i wlɛ sɛ?

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

2 Timote 2:20

Awlo dan kun nun'n nán sika ɔkwlɛ sɛ nin jɛtɛ ufue sɛ ngunmin yɛ be o nun-ɔn, sanngɛ like nga be fa waka be sɛli'n, ɔ nin nga be fa ufa wuli'n be wie o lɔ. Be sie wie fa di cɛn, yɛ be fa wie yo like kwlaa nga be klo'n.

Tite 2:9

Kan kle kanga'm be kɛ sa'n kwlaa nun be bu be min'm be sran, yɛ be yo sa ng'ɔ jɔ be klun'n, nán man be kpalo bé nuan

Jacques 2:20

Eee, sran finfinfuɛ! ?A klo kɛ a wun i wlɛ kɛ sran ng'ɔ se kɛ ɔ lafi Nyanmiɛn su, sanngɛ ɔ yo-man sa kpakpa'n, i Nyanmiɛn su b'ɔ lafi'n ɔ yo-man sa fi ye?