Rɔmfuɛ Mun 9:18 - NYANMIƐN NDƐ'N 1998

¹⁸ Ɔ man e si kɛ sran nga i waan ɔ ´yo i ye, ɔ yo i ye, yɛ sran nga i waan ɔ ´kete i'n, ɔ kete i.

Nyanmien nde Ufle

¹⁸ O man é si ke swran ng'o klô ke oh wunh i aunnvue'n, o wun i aunnvue, ye swran ng'o klô ke oh kétééh'n, o kétéé.

Rɔmfuɛ Mun 9:18 ပူးပေါင်းရင်းမြစ်များ

Ezipt Lɔ Tulɛ'n 10:1

Anannganman seli Moiz kɛ: «Kɔ famiɛn'n i wun lɔ. Min yɛ n keteli i nin i mantanfuɛ'm be anwlɛn nin-ɔn, kɛ ɔ ´yo nan m'an yo min abonuan sa mun be afiɛn'n ti.

Ezipt Lɔ Tulɛ'n 10:20

Sanngɛ Anannganman yoli man famiɛn'n i anwlɛn'n keteli, ɔ man i waan ɔ yaci-man Izraɛlfuɛ'm be nun be kɔ-man.

Ezipt Lɔ Tulɛ'n 10:27

Anannganman yoli man famiɛn'n keteli i anwlɛn'n, ɔ man i waan ɔ man-man be atin be kɔ-man.

Ezipt Lɔ Tulɛ'n 11:10

Moiz nin Aarɔn b'a dun mmua b'a yi atrɛ kpanngban kpa famiɛn'n nyrun, sanngɛ Anannganman yoli man i anwlɛn'n keteli. I sɔ'n ti, ɔ'a yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 14:17

Min liɛ kusu, n wa kete Eziptfuɛ'm be anwlɛn'n, nan be wlu amún sin jenvie'n nun. Kwlalɛ bɔ n wa kwla Ezipt famiɛn'n nin i alɛ kunfuɛ mun, ɔ nin i nnɛn kpanngɔ su fufuɛ mun'n, yɛ sacilɛ bɔ n wa saci i kakaklolo mun'n i dunman nun ti sran'm be wa manman min.

Ezipt Lɔ Tulɛ'n 14:4

N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 7:13

Famiɛn'n i anwlɛn'n keteli ti ɔ'a sie-mɛn i su ndɛ nga Moiz nin Aarɔn be kannin'n i bo. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 7:3

Yɛ n kusu n wa kete Ezipt famiɛn i anwlɛn'n. N wa yo atrɛ ninnge nin abonuan sa mun kaka kpa i mɛn'n nun.

Ezipt Lɔ Tulɛ'n 9:12

Anannganman yoli man Ezipt famiɛn'n i anwlɛn'n keteli kɛ Anannganman bɔbɔ dun mmua kan kleli Moiz'n sa. Ɔ'a fɛ-mɛn i su ɔ'a sie-mɛn i Moiz nin Aarɔn be ndɛ'n bo.

Ezipt Lɔ Tulɛ'n 9:7

Famiɛn'n sunmannin sran ko niannin Izraɛlfuɛ'm be wun lɔ, be wunnin kɛ Izraɛlfuɛ'm be nnɛn ba kun sa ɔ'a wu-man. Sanngɛ famiɛn'n i anwlɛn'n keteli ekun, kpɛkuun i waan ɔ yaci-man be nun nan be kɔ-man.

Ezai 63:17

?Anannganman, ɔ yo sɛ ti yɛ a yo man e wlan-wlan vaa bɔ e fa-man wɔ atin nin-ɔn? ?Ɔ yo sɛ ti yɛ a kete ye anwlɛn'n bɔ e sro-man wɔ nin-ɔn? E bɔ e ti ɔ sufuɛ mun'n, bɔ e ti ɔ liɛ'n, e dunman nun ti, sa ɔ́ sin bla.

Jean 12:40

«Nyanmiɛn kacili be anyansifuɛ, ɔ man be keteli. Ɔ yoli sɔ nan be nyinma a wun-man ase, nan b'a wun-man sa wlɛ, nan b'a sa-man bé sin min wun nan m'an yo-man be juejue.»

Rɔmfuɛ Mun 11:25

Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Mmla'n 2:30

Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.