Rɔmfuɛ Mun 9:1 - NYANMIƐN NDƐ'N 1998

^1-2 Kɛ n se kɛ awlaboɛ'n wo n su dan yɛ min anwlɛn'n kpɛ n klun'n, Kristfuɛ bɔ n ti'n ti n di nanwlɛ, Nyanmiɛn Wawɛ'n kusu man n si n klun lɔ weiin kɛ m bua-man ato.

Nyanmien nde Ufle

^1-2 Ke n sé ke awlabôe'n wô n su dan, ye min awlen'n kpe n klun'n, Christfue bo n ti'n ti, n di nanwle, Nyanmien Wawe'n kusu man n si n klun lo wéiin ke m bua'a atô.

Rɔmfuɛ Mun 9:1 ပူးပေါင်းရင်းမြစ်များ

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 2:15

Kɛ be yo sɔ'n, ɔ kle kɛ be si sa nga be klɛli i mmla'n nun kɛ sran `yo'n be anwlɛn'n nun lɔ. Sa wlɛ bɔ be wun i'n nin be akunndan bɔ be bu'n man be wun sa nga sran yo'n i wlɛ, sɛ ɔ ti kpa o, sɛ ɔ ti tɛ o, be wun i wlɛ.

Rɔmfuɛ Mun 8:16

Nyanmiɛn Wawɛ'n kle ye weiin kpa e anwlɛn'n nun kɛ e ti Nyanmiɛn i wa sakpa.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 1:23

Sa ti bɔ n nian ɔ-man Korɛnt lɔ kun'n, amun nyrun aunnvuɛ ti-ɔ. Sɛ nɛ́n i sɔ ti'n, man Nyanmiɛn wun min.

2 Korɛntfuɛ Mun 11:10

Krist i nanwlɛ b'ɔ di bɔ n fa su'n ti'n, Akai mɛn wunmuan'n nun sran fi kwla se-man n kɛ nán n di min nuan.

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

2 Korɛntfuɛ Mun 12:19

Amun akunndan nga an bu i titi'n yɛlɛ kɛ an bu i kɛ ndɛ fɛ yɛ e kunndɛ-ɔ. Nɛ́n i sɔ-ɔ, sanngɛ Nyanmiɛn nyrun'n, sa ng'ɔ jɔ Krist klun'n yɛ e kan-an. N sran kpa mun, amun sran yolɛ ti yɛ e kan ndɛ sɔ'n kwlaa-a.

Galasifuɛ Mun 1:20

Nanwlɛ, ndɛ nga n klɛli i yɛ'n, m bua-man ato, Nyanmiɛn ti n lalofuɛ.

Filipfuɛ Mun 1:8

afin klolɛ dan nga Krist-Jésus fa kloli amun'n yɛ n fa klo amun-ɔn, Nyanmiɛn'n ti n lalofuɛ.

1 Tɛsalonikfuɛ Mun 2:5

Amun bɔbɔ an si kɛ e nian kan-man ndɛ gblɛ nun annzɛ ndɛ b'ɔ kle kɛ e nyin blo amun ninnge'm be su'n, nian kle-man amun le. Nyanmiɛn yɛ ɔ ti e lalofuɛ-ɔ.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.