Rɔmfuɛ Mun 8:9 - NYANMIƐN NDƐ'N 1998

⁹ Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

Nyanmien nde Ufle

⁹ Sannge amun lie'n, se Nyanmien Wawe'n tran amun nun ke i awlô sa'n, amun nzuen'n ti'a klo swran lie kun, liké ng'o klé amun ke an yô'n, ye an yôo. Swran ng'o le'a Christ i Wawe'n o ti'e i lie.

Rɔmfuɛ Mun 8:9 ပူးပေါင်းရင်းမြစ်များ

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

JÉSUS-CHRIST I DYASIN FE'N BO LUC KLELI'N 11:13

Sɛ amun bɔ an ti sran tɛ'n, an fa like kpa cɛ amun mma mun'n, wuun e Si b'ɔ o Nyanmiɛn su lɔ'n kusu, ɔ ´fɛ i Wawɛ'n man be nga be srɛ i'n kpɛ blu.»

Jean 14:23

Jésus tɛli i su kɛ: «Sran ng'ɔ klo min'n, ɔ ´fa min ndɛ'n su, yɛ n Si wa klo i, e ´bɛ i wun, e nin i e ´tran.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Jean 3:6

Sran nga klɔ sran wu i'n, ɔ ti klɔ sran, yɛ nga Nyanmiɛn Wawɛ'n wu i'n, ɔ ti i liɛ.

Sa nga bé yôli'n 16:7

Kɛ be mantannin Mizi mɛn'n, be waan be ´kɔ Bitini mɛn'n nun, sanngɛ Jésus Wawɛ'n ɔ'a man-man be atin.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

1 Korɛntfuɛ Mun 15:23

sanngɛ ɔ to be ɔ to be. Krist yɛ ɔ ti be klikli-ɔ, i sin be nga be ti Krist liɛ'n, kɛ ɔ ´ba'n, be yɛ ɔ ´to be-ɔ.

1 Korɛntfuɛ Mun 3:16

?An si-man kɛ an ti Nyanmiɛn i sua bɔ i nun yɛ i Wawɛ'n tran-an ?

1 Korɛntfuɛ Mun 6:17

I kunngba nin-ɔn, sran b'ɔ nin e Min'n kaci kun'n, be wawɛ'n sɛ.

1 Korɛntfuɛ Mun 6:19

?An si-man kɛ amun wunnɛn'n ti Nyanmiɛn i Wawɛ'n b'ɔ fa mannin amun b'ɔ wo amun nun'n i sua, ɔ man an di-man amun tiaun?

2 Korɛntfuɛ Mun 10:7

Like nga an wun be'n, yɛ an nian-an! Sɛ sran wie bu i klun lɔ kɛ ɔ ti Krist liɛ'n, man ɔ bu kusu kɛ kɛ ɔ ti Krist liɛ'n, e kusu e ti i liɛ wie.

2 Korɛntfuɛ Mun 6:16

?Be kwla fa sua kun yo Nyanmiɛn nin amuɛn'm bé sua? Afin e ti Nyanmiɛn b'ɔ lafi-man'n i sua, afin Nyanmiɛn bɔbɔ waan: «Min nin be e ´tran, e ´san nun, n ´yo be Nyanmiɛn, yɛ be kusu be ´yo n sran .»

Galasifuɛ Mun 4:6

Nyanmiɛn i mma mun bɔ an ti'n ti'n, ɔ sunmɛnnin i Wa'n i Wawɛ'n kɛ ɔ wa tran ye anwlɛn'n nun, ɔ kpan flɛ Nyanmiɛn kɛ: «Baba!»

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 1:13

Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 2:22

Amun kusu, sran wunmuan bɔ amun nin i amu'an kaci'n ti'n, Nyanmiɛn Wawɛ'n i fanngan nun an ti sua bɔ Nyanmiɛn tran nun'n i yɛbuɛ'n wie.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Filipfuɛ Mun 1:19

afin n si kɛ i kwlaa sɔ'n ɔ man n ´nyan n ti Nyanmiɛn bɔ an srɛ i kɛ ɔ jran ń sin nin Jésus-Krist i Wawɛ b'ɔ jin n sin'n ti.

2 Timote 1:14

Like kpa nga be fa wlali ɔ́ sa nun'n, Nyanmiɛn Wawɛ b'ɔ tran ye anwlɛn nun'n, i fanngan nun nian su kpa.

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.

1 Jean 3:24

Sran ng'ɔ fa Nyanmiɛn ndɛ'n su'n, wuun ɔ nin i b'a kaci sran wunmuan, yɛ ɔ nin i be tran. Sa ti bɔ e si sɔ'n, yɛlɛ i Wawɛ'n b'ɔ fa mannin ye'n.

1 Jean 4:13

Sa nga b'ɔ man e si kɛ e nin Nyanmiɛn y'a kaci sran wunmuan nan e nin i e tran'n yɛlɛ kɛ ɔ fɛ i Wawɛ'n mannin ye.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.