Rɔmfuɛ Mun 8:38 - NYANMIƐN NDƐ'N 1998

^38-39 Afin n si kpa kɛ klolɛ nga Nyanmiɛn fa klo e b'ɔ man Jésus-Krist yi i nglo kle ye'n, like fi man i nyin kwla tu-man e su. Sɛ wie o, sɛ nguan o, sɛ anz mun o, sɛ mmusu mun o, sɛ bae o, sɛ blɛ nga nun ninnge mun o, sɛ cɛn wie ninnge mun o, sɛ nglo lɔ nin asiɛ'n su wa ninnge mun o, like fi nun-man lɛ b'ɔ man i nyin kwla tu e su-ɔ.

Nyanmien nde Ufle

^38-39 Afin n si kpa ke klôle nga Nyanmien fa klô é b'o man Jésus-Christ yi i nglô klé yé'n, liké fi man i nyin kwla tu'a é su. Se wié ô, nguan ô, ange mun ô, mmusu mun ô, baé ô, ble nga nun ninngé mun ô, tyen wié ninngé mun ô, nglô lo nin asie'n su wa ninngé mun ô, liké fi nu'an le b'o man i nyin kwla tu é suo.

Rɔmfuɛ Mun 8:38 ပူးပေါင်းရင်းမြစ်များ

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Rɔmfuɛ Mun 14:7

Olɛ nga e o yɛ'n, e di-man e tiaun, ɔ man sɛ e ´wu o, ɔ ti-man e ndɛ.

Rɔmfuɛ Mun 14:8

Sɛ e wu o, sɛ e wu-man o, e ti e Min'n liɛ.

Rɔmfuɛ Mun 4:21

I wla trannin su kpa kɛ like nga Nyanmiɛn seli i kɛ ɔ ´yo'n, ɔ kwla yo.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

1 Korɛntfuɛ Mun 15:24

I sin kɛ mɛn'n ɔ wa wie'n, Krist wa tu mmusu nin kpɛnngbɛn'm be kwlaa nin bae'n, yɛ ɔ ´fa bia'n mɛn i Si Nyanmiɛn.

2 Korɛntfuɛ Mun 11:14

Ɔ ti-man abonuan, afin Satan bɔbɔ kaci i wun kɛ anz b'ɔ kpaja'n sa.

2 Korɛntfuɛ Mun 4:13

Be klɛli i Nyanmiɛn ndɛ'n nun kɛ: «N lafili Nyanmiɛn su, i ti yɛ man n kannin-ɔn.» E kusu, kɛ e lɛ anwlɛn kunngba sɔ'n bɔ e fa lafi i su'n, i sɔ'n ti yɛ e kan-an .

Efɛzfuɛ Mun 1:21

Krist sie like'n kwlaa blɛ nga e o nun yɛ'n. Yɛ ɔ ´sie like'n kwlaa blɛ ng'ɔ ´ba lɔ'n. Krist sie mmusu mun, nin kpɛnngbɛn mun, nin bae, nin be nga be sie sran mun ɔ nin sran nga be lɛ dunman'm be kwlaa.

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

Kolɔsfuɛ Mun 2:15

Krist i waka sɔ'n ti, Nyanmiɛn buli mmusu mun nin kpɛnngbɛn'm be kwlalɛ'n i bue, kɛ ɔ fa be yili i kwlalɛ'n nglo'n, ɔ man be wun be wafa nga be ti'n.

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

Hébreu 11:13

Be kwlaa be lafi Nyanmiɛn su lele be fa wuli, sanngɛ ɔ nin i sɔ'n ngba'n, b'a nyan-man ninnge nga i waan ɔ ´fa man be'n. Be wunnin be mmua lɔ, ɔ man be klun jɔli. Yɛ be dili bé wun nanwlɛ kɛ be ti aofuɛ nin wlan-wlanfuɛ asiɛ'n su .

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.