Rɔmfuɛ Mun 8:31 - NYANMIƐN NDƐ'N 1998

³¹ ?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Nyanmien nde Ufle

³¹ ?Se o ti so'n, nzu nde ye é ken ékuon? ?Se Nyanmien yô é yé'n, wan ye o kwla yô é saa?

Rɔmfuɛ Mun 8:31 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

1 Famiɛn Mun 8:57

Man Anannganman e Nyanmiɛn'n ɔ nin ye tran kɛ ɔ nin e nannan mun fa trannin'n sa. Nán ɔ kpɔci ye, nán ɔ yi ye ase.

2 Famiɛn Mun 6:16

Ɔ tɛli gbanflɛn'n su kɛ: «Nán srɛ kun wɔ. Be nga be wo e sin'n, be sɔnnin tra be sran liɛ mun.»

1 Be Nyoliɛ 19:15

Amɔnfuɛ'm be ´nian-an, Sirifuɛ be su wanndi, yɛ be kusu be wanndili Zoab niaan bian Abisai nin i sran'm be nyrun be wluli klɔ'n nun lɔ-ɔ. Yɛ Zoab ɔli Zerizalɛm-ɔ.

1 Be Nyoliɛ 5:22

Be kunnin sran sunman, afin alɛ sɔ'n fin Nyanmiɛn. Be trannin be kpɔfuɛ'm be osu'n nun lɛ lele. I sin yɛ be kpɔfuɛ uflɛ'm be wa fali be ko yoli be kanga-a.

Jue Mun 118:6

Anannganman jin mín sin, n sro-man like fi. ?Kɛ nguɛ like sa yɛ sran'm be kwla yo min-ɔn ?

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Jue Mun 56:11

N ´la Nyanmiɛn ase i ndɛ'n ti. Sakpa, n ´yo Anannganman kwla i ndɛ'n ti.

Jue Mun 56:4

Kɛ srɛ kun min'n, ɔ́ su yɛ n lafi-ɔ.

Jue Mun 56:9

Nán ɔ wla fi min ngwlɛ nga n yi'n su. Sɔ min nyinmuɛn nzue'n ɔ sɛ'n nun nian. Sɛ m bua-man ato-ɔ, a sunnzunnin min nyinmuɛn sɔ'n a niannin.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezai 8:10

Kannzɛ amun bu like nga amun ´yo'n be akunndan sie, be su kpɛn-man su! Kannzɛ amun kan ndɛ wie'n, ɔ su kpɛn-man su, afin Nyanmiɛn nin ye o nun.

Zeremi 1:19

Be nin wɔ be ´kun, sanngɛ be su kwla-man wɔ, afin n jin ɔ́ sin, n ´de wɔ.» Anannganman'n yɛ ɔ kan sɔ-ɔ.

Zeremi 20:11

Sanngɛ Anannganman'n b'ɔ ti kɛ safunyrɛn sa'n, ɔ jin min sin. Min kpɔfuɛ'm be wa tɔ. Nán be yɛ be ´kwla-a. Be su nyan-man jranwlɛ, ɔ man be ´wun nyannzuɛn. Nyannzuɛn nga be wun i'n, ɔ su titi-man le. Bé wla su fi-mɛn i le.

Zeremi 42:11

Amun `yaci Babilɔni famiɛn'n i srolɛ. M bɔbɔ min Anannganman'n yɛ n kan kle amun-ɔn. Nan an sro i, afin n jin amun sin. N ´de amun, n ´de amun i sa nun.

Kalɛ 14:9

Sanngɛ like kunngba ng'ɔ fata-man kɛ amun yo'n, yɛlɛ Anannganman su nyin kekle yolɛ'n. Nán amun sro mɛn sɔ'n nun sran mun. Be su ju-man e lika fi, e ´kwla be ndɛndɛ kpa. Afin be amuɛn nga be sasa be'n b'a wanndi be, sanngɛ Anannganman jin é sin. I ti nán man srɛ kun amun.»

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Rɔmfuɛ Mun 3:5

?Sɛ sa tɛ nga e yo'n man be wun kɛ Nyanmiɛn ti kpa'n, e ´se sɛ? ?Yɛ sɛ i ya'n jao'n, e ´se kɛ ɔ ti-man kpa? Klɔ sran akunndan yɛ n fa kɛn i sɔ-ɔ.

Rɔmfuɛ Mun 4:1

?Sɛ ɔ ti sɔ'n, e ´kan e nannan Abraam i liɛ'n sɛ? ?Nzu yɛ ɔ nyɛnnin i-ɔ?

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»