Rɔmfuɛ Mun 8:28 - NYANMIƐN NDƐ'N 1998

²⁸ E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

Nyanmien nde Ufle

²⁸ É si ke sa kwlaa nga b'o yô'n, é bo é klô Nyanmien b'o flee é yele ke o bu é akunndan siéé laa'n, é kpa yôle ti ye o man sa so'm bé yôo.

Rɔmfuɛ Mun 8:28 ပူးပေါင်းရင်းမြစ်များ

Bo Bolɛ 50:20

An guguli kɛ an ´yo min tɛ kpɛkuun Nyanmiɛn'n fali tɛ sɔ'n kacili ye, yɛ man e o ye nga e o nun andɛ yɛ nun nin-ɔn, yɛ man sran beblebe nga be fiteli nun-ɔn.

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

Neemi 1:5

N seli i kɛ: «Ee! Anannganman, nglo lɔ Nyanmiɛn, Nyanmiɛn Kpli b'ɔ yo sro, wɔ bɔ a nin sran tra aenguɛ-ɔ, a saci-mɛn i'n, wɔ bɔ sran nga be klo wɔ'n, bɔ be fa ɔ mmla'n su'n, a nin be nanti klanman'n,

Jue Mun 69:36

Afin ɔ ´de Siɔn. Ɔ ´kplan Zida klɔ mun. I sran'm be wa tran lɛ, be ´fa yo be liɛ.

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Zeremi 51:29

Babilɔni i wun akunndan nga Anannganman'n buli'n, kɛ bɔ ɔ su yo i su sa'n, asiɛ ɔ lɛ kejelɛ! Anannganman'n man Babilɔni mɛn ɔ'a kaci i liɛ kɛ aawlɛ flɛnnɛn wie sa. Sran ba kun sa ijɔ-man su kun.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Marc 12:30

Amun `klo amun Nyanmiɛn'n kpa, amun `fa amún wla'n kwlaa guɛ i su, man amun akunndan'n kwlaa trɛn i su, yɛ amun fa amun wunmiɛn'n kwlaa yo like ng'ɔ kle kɛ amun klo i'n.»

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Rɔmfuɛ Mun 11:29

Afin kɛ Nyanmiɛn fa like man sran'n, yɛ kɛ ɔ flɛ sran'n, ɔ koko-mɛn i sin.

Rɔmfuɛ Mun 8:30

Be ng'ɔ sieli be sɔ'n, ɔ flɛli be, yɛ be ng'ɔ flɛli be'n, ɔ buli be sran kpa, yɛ be nga ɔ buli be sran kpa'n, ɔ man be nyannin nyrun kɛ i liɛ'n sa.

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

1 Korɛntfuɛ Mun 1:2

e ´klɛ fluwa nga blɛ amun bɔ an ti Nyanmiɛn i asɔnunfuɛ Korɛnt lɔ. Amun b'ɔ flɛli amun kɛ an ´kaci i liɛ mlɔnmlɔn sran wunmuan bɔ amun nin Jésus-Krist amu'an yo'n ti'n, amun nin be kwlaa nga be bo Jésus-Krist b'ɔ ti e kwlaa e Min'n i dunman'n, amun yɛ e klɛ blɛ amun-ɔn.

1 Korɛntfuɛ Mun 1:24

Sanngɛ e nga Nyanmiɛn flɛli ye'n, sɛ e ti Zuif o, sɛ e ti Grɛk o, Krist ti e si kɛ Nyanmiɛn kwla sa kwlaa yo, yɛ ɔ si sa'n kwlaa.

1 Korɛntfuɛ Mun 1:9

Nyanmiɛn b'ɔ flɛli amun kɛ amun nin i Wa Jésus-Krist b'ɔ ti e Min'n an di anuansɛ'n, ɔ ti nanwlɛfuɛ.

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Galasifuɛ Mun 1:15

Sanngɛ Nyanmiɛn dun mmua fali min nan min nin a gua min ase, yɛ i klun-ufue'n ti ɔ flɛli min .

Galasifuɛ Mun 1:6

Kɛ e ´se yɛ'n, amu'an kaci amún sin a si Nyanmiɛn b'ɔ flɛli amun'n ye bɔ Krist yoli amun'n ti'n yɛ amu'an fa jasin uflɛ su-ɔ. I sɔ'n ɔ bo min nuan kpa.

Galasifuɛ Mun 5:8

Ndɛ nga be kan kleli amun'n, ɔ fin-man Nyanmiɛn b'ɔ flɛli amun'n.

Efɛzfuɛ Mun 3:11

Kɛ ɔ yoli sɔ'n, sa ng'ɔ dun mmua buli i akunndan lalafuɛ nun kɛ ɔ man e Min Krist-Jésus yo'n, ɔ kpɛnnin su.

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Filipfuɛ Mun 3:14

Ɔ man m mian mín nyin nan n ´ju juwlɛ nga be sieli'n nun nan n ´nyan like nga Nyanmiɛn flɛ e kɛ e ´nyɛn i nyanmiɛn su lɔ'n sran wunmuan bɔ e nin Krist-Jésus y'a yo'n ti.

1 Tɛsalonikfuɛ Mun 5:9

Afin nán é wun ya falɛ ti yɛ Nyanmiɛn fali ye-ɔ, sanngɛ ɔ fali ye kɛ e Min Jésus-Krist ti e nyan é ti.

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Hébreu 9:15

I sɔ'n ti yɛ Krist ti aenguɛ uflɛ nga Nyanmiɛn waan ɔ nin sran'm be tra i nun jranfuɛ nin-ɔn. I wulɛ b'ɔ wuli'n ti'n, be nga be fa aenguɛ klikli nga Nyanmiɛn ɔ nin sran'm be ´trali'n su, bɔ be yo sa tɛ'n, ɔ de be i su saɛ'n nun. Ɔ man be nga Nyanmiɛn flɛli be'n, be ´nyan like kpakpa ng'ɔ wie-man mlɔnmlɔn bɔ i waan ɔ ´fa man be'n.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ:

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

1 Jean 4:10

Klolɛ sɔ'n, nán e yɛ e kloli Nyanmiɛn-ɔn, i yɛ ɔ kloli ye-ɔ nan ɔ'a sunmɛn i Wa kunngba'n kɛ ɔ fɛ i wun yi é ti tɛ.

1 Jean 4:19

E liɛ'n, e klo Nyanmiɛn, afin ɔ dun mmua kloli ye.

Sa nglô yile 3:19

Be kwlaa nga n klo bé sa'n, n ijɔ be, yɛ n tu be fɔ. I sɔ'n ti, an `yaci amun nyrun kouun yolɛ'n, yɛ an kaci amun nzuɛn'n .