Rɔmfuɛ Mun 8:25 - NYANMIƐN NDƐ'N 1998

²⁵ Sɛ é nyin o like bɔ be waan be ´fa man ye bɔ e nian wun-mɛn i'n i sin'n, e tra e anwlɛn e tran minndɛ.

Nyanmien nde Ufle

²⁵ Se é nyin ô liké bo bé waan béh fah man é bo é nian wunmen'n, i sin'n, é tra é awlen é tran minnde.

Rɔmfuɛ Mun 8:25 ပူးပေါင်းရင်းမြစ်များ

Bo Bolɛ 49:18

Ee! Anannganman, n lafi su kɛ a ´de min.

Jue Mun 27:14

Fa ɔ́ wla'n gua Anannganman su. Jran kekle, yɛ tra wɔ anwlɛn. Fa ɔ́ wla'n gua Anannganman su.

Jue Mun 62:1

Jue nga ti David liɛ. Ɔ o Zɛditɛn nin jue tofuɛ'm be su kpɛn'n i fluwa'm be nun wie. I waan:

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

JÉSUS-CHRIST I DYASIN FE'N BO LUC KLELI'N 21:19

Sɛ an tra amun anwlɛn'n, amun ´nyan amún ti.»

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Rɔmfuɛ Mun 12:12

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 8:23

Nán be ngunmin-ɔn, sanngɛ e bɔ Nyanmiɛn fɛ i Wawɛ'n b'ɔ ti like b'ɔ ´fa man ye'n i nun klikli'n, e kusu e oto, yɛ e minndɛ cɛn nga be ´wun kɛ e ti Nyanmiɛn wa sakpa'n, b'ɔ ´de ye b'ɔ ´kaci e wunnɛn nga'n .

Kolɔsfuɛ Mun 1:11

E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

2 Tɛsalonikfuɛ Mun 3:5

Man e Min'n man an wun klolɛ nga Nyanmiɛn fa klo amun'n, yɛ ɔ man an tra amun anwlɛn kɛ Krist liɛ'n sa.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 6:12

E klo-man kɛ an yo nvɛɛfuɛ, sanngɛ be nga be lafi Nyanmiɛn su'n, bɔ be tra be anwlɛn b'ɔ man be nyan like nga i waan ɔ ´fa man be'n, an nian be liɛ'n su yo.

Hébreu 6:15

Ɔ man i sɔ'n ti'n, kɛ Abraam trɛli i anwlɛn lele'n, ɔ nyannin like nga Nyanmiɛn seli kɛ ɔ ´mɛn i'n.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

Sa nglô yile 13:10

Sran nga be sieli kɛ be `wlɛ bisua'n, san be ´wlɛ, yɛ sran ng'ɔ fa tokofi kun sran'n, san be ´fa tokofi kun i wie. I kwlaa sɔ'n nun'n, man be wun kɛ Nyanmiɛn i sran'm be lɛ anwlɛn yɛ be lafi i su .

Sa nglô yile 14:12

Nyanmiɛn i sran bɔ be tra be anwlɛn be fɛ i mmla'n su'n, bɔ be lafi Jésus su kpa'n, wa yɛ be ´wun be-ɔ.