Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmfuɛ Mun 8:24 - NYANMIƐN NDƐ'N 1998

24 Nyanmiɛn su bɔ e lafi'n ti yɛ e si kɛ ɔ'a de ye-ɔ. Sanngɛ sɛ sran i nyin o like bɔ be waan be fa mɛn i'n i sin'n, sɛ ɔ nyɛn i'n, i nyin trɛn-mɛn i sin kun. ?Wan yɛ sɛ ɔ nyan like ng'ɔ kunndɛ'n, i nyin tɛ o like sɔ'n i sin ekun-ɔn?

အခန်းကိုကြည့်ပါ။ ကော်ပီ

Nyanmien nde Ufle

24 Nyanmien su bo é lafi'n ti ye é si ke wa dé yéo. Sannge se swran i nyin ô liké bo bé waan béh fah men'n i sin'n, se o nyen'n, i nyin tre'en i sin kun. ?Wan ye se o nyan liké ng'o kunnde'n, i nyin te ô liké so'n i sin ékuon?

အခန်းကိုကြည့်ပါ။ ကော်ပီ




Rɔmfuɛ Mun 8:24
29 ပူးပေါင်းရင်းမြစ်များ  

Sran nga bɔ Zakɔb i Nyanmiɛn'n yɛ ɔ ti i ukafuɛ'n, b'ɔ fɛ i wla gua Anannganman b'ɔ ti i Nyanmiɛn'n i su'n, i liɛ su ti ye!


Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.


Anannganman, ye nga e sunnzun kɛ a `yo ye'n, fa yo ye.


Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.


Sran nga i wla'n taka Anannganman'n su'n, bɔ Anannganman'n su yɛ ɔ lafi'n, i liɛ su ti ye!


Bisuafuɛ mun, amun nga an sunnzun kɛ amun ´nyan be ti'n, an `sa amun sin bla klɔ bɔ b'a sisi i wun'n nun. Afɛ nga an fɛli'n, n ´nian su n ´yo amun ye. Ye sɔ bɔ n ´yo amun'n, ɔ ´ju amun afɛ'n i sɔ kpɛ nnyɔn .


Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.


Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.


Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.


Abraam lɛ-man like fi b'ɔ kwla fɛ i wla'n gua su-ɔ, kannzɛ ɔ ti sɔ'n, ɔ fɛ i wla'n guali Nyanmiɛn su, ɔ lafi ndɛ nga Nyanmiɛn kannin'n su, ɔ seli kɛ: «Kɛ ɔ osu nunfuɛ'm be wa sɔn kpanngban sɔ-ɔ.» Ɔ man ɔ yoli nvle kpanngban kpa bé si.


I yɛ man e sili kɛ Nyanmiɛn yo e ye-ɔ, i su bɔ e lafi'n ti siɛn'n e su di ye sɔ'n. Anyrunnyan bɔ Nyanmiɛn waan ɔ ´man e bɔ é nyin wo i sin'n ti, é wun blibli ye.


Afin like ng'ɔ yili be'n, ɔ sieli be kwlaa be kɛ be saci. Be sacilɛ sɔ'n fin-man be bɔbɔ, ɔ fin i b'ɔ sieli be sɔ'n . Sanngɛ bé wla tɛ wo i su,


Siɛn'n, like nsan nga be ka lɛ'm be yɛ: Nyanmiɛn su lafilɛ, é wla bɔ e fa guɛ i Nyanmiɛn su'n, nin klolɛ bɔ e fa klo Nyanmiɛn nin sran'n, sanngɛ be nun dan'n yɛlɛ Nyanmiɛn nin sran be klolɛ.


Nán ninnge nga be wun be'n be akunndan yɛ e bu-ɔ, nga be wun-man be'n, be akunndan yɛ e bu-ɔ, afin ninnge nga be wun be'n, be cɛ-man, sanngɛ nga be wun-man be'n, be cɛ be saci-man le.


E wun-mɛn i, sanngɛ i su bɔ e lafi'n ti'n, e kɔ e nyrun.


E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.


Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.


Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.


Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.


Sanngɛ e bɔ e o wia nun'n, man e nian e wun su. Man Krist su bɔ e lafi'n nin e sran nin Nyanmiɛn klolɛ'n ɔ yo kɛ like kokloko bɔ e fa kata e wue su'n sa. Man é ti bɔ é wla o su kɛ e ´nyɛn i'n ɔ yo kɛ kpongbo kle sa .


Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,


nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.


Nyanmiɛn su bɔ e lafi'n ti, e si weiin kpa kɛ y'a nyan like nga é wla o su'n, ɔ man e si kpa kɛ like nga e wun-mɛn i'n wo lɛ.


Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.


E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.


Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ