Rɔmfuɛ Mun 8:23 - NYANMIƐN NDƐ'N 1998

²³ Nán be ngunmin-ɔn, sanngɛ e bɔ Nyanmiɛn fɛ i Wawɛ'n b'ɔ ti like b'ɔ ´fa man ye'n i nun klikli'n, e kusu e oto, yɛ e minndɛ cɛn nga be ´wun kɛ e ti Nyanmiɛn wa sakpa'n, b'ɔ ´de ye b'ɔ ´kaci e wunnɛn nga'n .

Nyanmien nde Ufle

²³ Nanh bé ngunmion, sannge é bo Nyanmien fe i Wawe'n b'o ti liké b'o wa fa man yé'n i nun klikli'n, é kusu é ôtô, é minnde tyen nga béh wunh ke é ti Nyanmien wa sakpa, b'o dé é, o katyi é wunnen nga'n.

Rɔmfuɛ Mun 8:23 ပူးပေါင်းရင်းမြစ်များ

2 Be Nyoliɛ 31:5

Kɛ Izraɛlfuɛ'm be tili ndɛ sɔ'n, be kwlaa be fali be fie'm be su ninnge'm be mma klikli'm be bali kaka kpa: ble nin nzan, nin ngo, nin awɛma nzue, ɔ nin like uflɛ mun. Yɛ be fali be fie kunngba'm be su ninnge nga be nyannin be'n be blusu'n bali ekun .

JÉSUS-CHRIST I DYASIN FE'N BO LUC KLELI'N 20:36

Yɛ be su wu-man kun, yɛlɛ kɛ be ´kaci kɛ anz'm be sa, cɛnlɛ bɔ Nyanmiɛn cɛn be'n ti, be ´yo i mma mun.

JÉSUS-CHRIST I DYASIN FE'N BO LUC KLELI'N 21:28

Kɛ amun ´wun kɛ sa sɔ'm be su yo'n, an `jao jran, an `man amún ti'n su, kɛ ɔ ´yo sɔ'n, wuun an su wa nyan amún ti.»

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

Rɔmfuɛ Mun 5:5

Yɛ é wla bɔ e fa gua Nyanmiɛn su'n ti é nyin su gua-man ase, afin Nyanmiɛn man i Wawɛ b'ɔ fa mannin ye'n kle ye klolɛ dan nga Nyanmiɛn bɔbɔ fa klo ye'n ye anwlɛn'n nun weiin.

Rɔmfuɛ Mun 7:24

Eee, n ti nyrɛnnɛnfuɛ dan! ?Wan yɛ ɔ ´tu min nzuɛn nga b'ɔ man n ´wu'n, i su-ɔ?

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

1 Korɛntfuɛ Mun 1:7

I sɔ'n ti, kɛ amun ´minndɛ e Min Jésus-Krist i wun nglo yilɛ cɛn'n, Nyanmiɛn i ninnge b'ɔ fa man sran mun'n, i wie fi su mian-man amun.

2 Korɛntfuɛ Mun 1:22

ɔ sieli e nzɔliɛ ɔ man i Wawɛ'n tran e anwlɛn'n nun, ɔ man e si kɛ ɔ'a tra e ase.

2 Korɛntfuɛ Mun 7:5

Afin kɛ e juli Maseduani lɔ'n, y'a nyan-man alaje bɔ kaan sa, sa kekleekle'n kwlaa sin yiali ye. Ndɛnngan'n jin e wun, srɛ kunnin ye.

Galasifuɛ Mun 5:5

E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.

Efɛzfuɛ Mun 1:14

Like nga Nyanmiɛn seli e kɛ e ´nyɛn i'n, i Wawɛ sɔ'n yɛ ɔ kle kɛ e ´nyɛn i sakpa nin-ɔn. Ɔ kle e weiin kɛ cɛn nga ɔ ko de i sran'm bé ti mlɔnmlɔn'n e ´nyɛn, yɛ ɔ ´nyan kɔmin.

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 9:28

I kunngba'n, kɛ ɔ ´yo nan Krist a fa sran kpanngban bé wun sa'n, i kusu fɛ i wun sɔli Nyanmiɛn kpɛ kunngba. Balɛ nga ɔ wa ba ekun'n, nán sa tɛ'n ti-ɔ, sanngɛ ɔ ´ba be nga bé nyin tɛ i sin'n be delɛ .

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.