Rɔmfuɛ Mun 8:2 - NYANMIƐN NDƐ'N 1998

² Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Nyanmien nde Ufle

² Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

Rɔmfuɛ Mun 8:2 ပူးပေါင်းရင်းမြစ်များ

Jue Mun 51:12

Ee Nyanmiɛn, man min anwlɛn kun bɔ i nun ti weiin, yo man n sin min osu nun n `fa akunndan kpa nan ɔ ka min nun.

Ezekiɛl 1:21

Sɛ nnɛn'm be tu be bo'n, kondokaa'm be tu be bo wie, sɛ nnɛn'm be jran'n, kondokaa'm be jran wie, sɛ nnɛn'm be tu'n, kondokaa'm be tu wie. Afin nnɛn sɔ'm be wawɛ'n wo kondokaa'm be nun.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Jean 8:32

wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Jean 8:36

Sɛ Nyanmiɛn Wa'n kpɔ amún ti'n, amun ´nyan amún ti mlɔnmlɔn.

Rɔmfuɛ Mun 16:3

N ´yo Priska nin Akilas bɔ be ti n wiengu bɔ e nin be di Krist-Jésus i junman'n, be like.

Rɔmfuɛ Mun 3:27

?Sɛ ɔ ti sɔ'n, nguɛ su yɛ e jran fa di é nuan-an? E lɛ-mɛn i sɔ like mlɔnmlɔn! ?Nguɛ ti yɛ e lɛ-mɛn i sɔ like nin-ɔn? ?Mmla'n b'ɔ man e si like nga e yo'n ti-ɔ? Cɛcɛ, Nyanmiɛn bɔ e lafi i su'n ti-ɔ.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:18

Nyanmiɛn deli amún nzuɛn tɛtɛ'n nun, sa kpa'n yɛ ɔ'a kaci amun nzuɛn-ɔn.

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 7:21

Ɔ man m'an sie i nzɔliɛ kɛ cɛn kwlaa kɛ n klo kɛ n ´yo sa kpa'n, kpɛkuun sa tɛ'n jin m bue.

Rɔmfuɛ Mun 7:23

sanngɛ n wun kɛ sa uflɛ o lɛ. Min nzuɛn b'ɔ man n yo sa tɛ'n, ɔ nin akunndan nga b'ɔ man n klo kɛ n ´yo sa kpa'n, be ti kɛ sran nnyɔn bɔ be si akplowa sa, lele n fa tɛfuɛ'n su, ɔ man n kaci sa tɛ yofuɛ mlɔnmlɔn.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

2 Korɛntfuɛ Mun 3:17

E Min nga be kɛn i ndɛ wa'n yɛlɛ Nyanmiɛn Wawɛ'n, yɛ lika kwlaa nga e Min'n i Wawɛ'n wo lɛ'n, be di alaje .

2 Korɛntfuɛ Mun 3:6

I kunngba sɔ'n i yɛ man e kwla di aenguɛ uflɛ nga ɔ nin sran'm be trali'n i junman nin-ɔn. Ɔ ti-man mmla bɔ be klɛli-ɔ, sanngɛ ɔ ti Nyanmiɛn Wawɛ'n liɛ. Afin mmla nga be klɛli'n, ɔ man sran wu, sanngɛ Nyanmiɛn Wawɛ'n liɛ'n, ɔ man sran nyan nguan .

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Galasifuɛ Mun 5:1

Alaje dilɛ ti yɛ Krist kpɔli é ti-ɔ. I sɔ'n ti'n, an `jran kekle, nán an fa amun wun wla kanga'n nun.

Galasifuɛ Mun 6:2

Sɛ an wun amun niaan kun bɔ i trɔ'n su ti i'n, an `ukɛ i. Sɛ an yo i sɔ'n, wuun amu'an wie Krist mmla'n su fa.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Sa nglô yile 11:11

Kɛ cɛn ba nsan nin sin'n wieli'n, Nyanmiɛn man be deli wunmiɛn ekun, be jao jrannin. Be kwlaa nga be wunnin be'n, srɛ kunnin be dan kpa .

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.