Rɔmfuɛ Mun 8:18 - NYANMIƐN NDƐ'N 1998

¹⁸ Kɛ m bu anyrunnyan like nga Nyanmiɛn wa yi i nglo kle ye'n i akunndan'n, m bu-man nyrɛnnɛn nga e wun i ndɛ'n i like fi.

Nyanmien nde Ufle

¹⁸ Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

Rɔmfuɛ Mun 8:18 ပူးပေါင်းရင်းမြစ်များ

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

Kolɔsfuɛ Mun 3:4

Kɛ Krist bɔ amun nguan'n wo i sa nun'n ɔ wa yi i wun nglo'n, ɔ ´yi amun nglo wie, yɛ nyrun ng'ɔ ´nyɛn i'n, amun ´nyan wie.

2 Tɛsalonikfuɛ Mun 2:14

Afin i sɔ'n ti yɛ kɛ e kan jasin fɛ'n kleli amun'n ɔ flɛli amun-ɔn, ɔ flɛli amun nan nyrun nga e Min Jésus-Krist ´nyɛn i'n, amun dunman'n ´tɛ nun wie.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 11:35

Bla wie'm be sran nga be wuli'n be cɛnnin, be wunnin be ekun. Be kleli wie'm be nyrɛnnɛn lele be kunnin be, b'a klo-man kɛ be de be, afin be klo kɛ be ´cɛn nan be ´nyan nguan kpa .

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

1 Piɛr 5:1

I sɔ'n ti, m ma srɛ amun bɔ an ti asɔnun kpɛnngbɛn'n amun like kun. M bɔbɔ n ti asɔnun kpɛnngbɛn kɛ amun sa, n kan Krist i nyrɛnnɛn b'ɔ wunnin i'n i ndɛ, yɛ anyrunnyan like nga Nyanmiɛn wa yi i nglo'n, n dunman'n ´tɛ nun wie. N ´srɛ amun,

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.