Rɔmfuɛ Mun 8:17 - NYANMIƐN NDƐ'N 1998

¹⁷ E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

Nyanmien nde Ufle

¹⁷ É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

Rɔmfuɛ Mun 8:17 ပူးပေါင်းရင်းမြစ်များ

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

JÉSUS-CHRIST I DYASIN FE'N BO LUC KLELI'N 12:32

«Amun bɔ an ti kɛ bua akpasua kaan kun sa'n, nán srɛ kun amun, yɛlɛ kɛ amun Si klo kɛ amun tran be ng'ɔ sie be'n be nun.

JÉSUS-CHRIST I DYASIN FE'N BO LUC KLELI'N 24:26

?B'a se-man kɛ Krist ´wun nyrɛnnɛn nan ɔ'a trɛn i bia'n su?»

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Sa nga bé yôli'n 20:32

Siɛn'n, min ´fa amun wla e Min'n sa nun, yɛ n ´fa ye dan bɔ Nyanmiɛn yoli ye'n i ndɛ'n n ´yaci amún sa nun. Ɔ yo man amun ´kwla jran cinnjin, yɛ kusu ɔ ´kwla fa like ng'ɔ sie mannin sran ng'ɔ ti i liɛ mlɔnmlɔn'n man amun.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

1 Korɛntfuɛ Mun 2:9

Sanngɛ b'a si-mɛn i, afin ɔ ti klɛwa kɛ: «Like nga sran fi nyinma a wun-mɛn i'n, bɔ bé su a ti-man, bɔ i wun akunndan a ba-man be klun'n, like sɔ'n yɛ Nyanmiɛn yo mɛnnin i klofuɛ mun-ɔn .»

2 Korɛntfuɛ Mun 1:5

Afin kɛ Krist ti e wun nyrɛnnɛn kɛ i bɔbɔ wunnin nyrɛnnɛn dan sa'n, i kunngba nin-ɔn, Krist ti'n, Nyanmiɛn fɔnvɔ e dan.

2 Korɛntfuɛ Mun 1:7

E lafi Nyanmiɛn su kpa, afin e si kɛ kɛ amun wun nyrɛnnɛn wie'n, Nyanmiɛn wa fɔnvɔ amun kusu.

Galasifuɛ Mun 3:29

Sɛ an ti Krist liɛ'n, wuun an ti Abraam anunman, ɔ man like nga Nyanmiɛn waan ɔ ´fa mɛn i sran mun'n, amun ´nyan wie.

Galasifuɛ Mun 4:7

I sɔ'n ti'n, an ti-man kanga mun kun, an ti Nyanmiɛn i mma mun. Kɛ an ti i mma mun'n ti'n, like ng'ɔ ti i liɛ'n ɔ ti amun liɛ.

Efɛzfuɛ Mun 3:6

Sa sɔ'n yɛlɛ kɛ like nga Nyanmiɛn waan ɔ ´fa mɛn i sran mun'n, ɔ nin like ng'ɔ se kɛ ɔ ´yo man be'n, be nga be ti-man Zuif'n be dunman ´tɛ nun wie, yɛ be nin Zuif mun b'a yo kun jasin fɛ b'ɔ man be nin Krist-Jésus b'a kaci sran wunmuan'n ti.

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

Filipfuɛ Mun 3:10

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa,

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Tite 3:7

nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 6:17

Nyanmiɛn klo kɛ be nga be ´nyan like nga i waan ɔ ´man be'n be wun i wlɛ kpa kɛ ɔ su kaci-mɛn i akunndan'n. I sɔ'n ti yɛ kɛ ɔ kannin'n ɔ tali su nda nin-ɔn.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 1:4

Ɔ wuli ye sɔ nan e `nyan like kpa ng'ɔ sieli i nyanmiɛn su lɔ'n. Like sɔ'n kwla saci-man, ɔ yo-man fiɛn, yɛ ɔ mlin-man.

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.