Rɔmfuɛ Mun 8:14 - NYANMIƐN NDƐ'N 1998

¹⁴ Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Nyanmien nde Ufle

¹⁴ Bé kwlaa nga bé fa atin nga Nyanmien Wawe'n klé bé'n su'n, bé ti Nyanmien wa.

Rɔmfuɛ Mun 8:14 ပူးပေါင်းရင်းမြစ်များ

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Matthieu 5:9

Be nga be ti ndɛ siesiefuɛ'n, be liɛ su ti ye, afin Nyanmiɛn wa flɛ be i mma mun!

Jean 1:12

Sanngɛ be kwlaa nga be sɔli i nun bɔ be lafi i su'n, ɔ man be kaci Nyanmiɛn wa .

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

Rɔmfuɛ Mun 8:5

Afin be nga klɔ sran nzuɛn'n tɛ yo be fɛ'n, klɔ sran ninnge'n yɛ ɔ lo be-ɔ, sanngɛ be nga be ti Nyanmiɛn Wawɛ'n liɛ'n, i ninnge'n yɛ ɔ lo be-ɔ.

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

Rɔmfuɛ Mun 9:26

Lika nga n seli lɔfuɛ'm be kɛ: «Nán min sran yɛlɛ amun kun'n, be ´flɛ lɔfuɛ mun Nyanmiɛn b'ɔ lafi-man i mma mun .»

Rɔmfuɛ Mun 9:8

Ɔ man, nán be nga be ti Abraam osufuɛ be awuliɛ nun'n be yɛ be ti Nyanmiɛn wa kpa-a, sanngɛ be nga Nyanmiɛn dun mmua seli kɛ be ´wu be'n, be yɛ be bu kɛ be ti i wa kpa-a.

2 Korɛntfuɛ Mun 6:18

N ´yo amún si, yɛ amun kusu amun ´yo min wa yasua nin min wa bla.» Kɛ e Min Nyanmiɛn b'ɔ kwla like'n kwlaa yo'n ɔ se sɔ-ɔ .

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 4:5

Ɔ bali kɛ ɔ ´de be nga be di mmla'n su'n nan e `kaci Nyanmiɛn klun ba mun.

Galasifuɛ Mun 4:6

Nyanmiɛn i mma mun bɔ an ti'n ti'n, ɔ sunmɛnnin i Wa'n i Wawɛ'n kɛ ɔ wa tran ye anwlɛn'n nun, ɔ kpan flɛ Nyanmiɛn kɛ: «Baba!»

Galasifuɛ Mun 5:16

N se kɛ yo, an `yo sa nga Nyanmiɛn Wawɛ'n kle amun'n yɛ an su yo-man like nga klɔ sran konvi sɔ i'n kun.

Galasifuɛ Mun 5:18

Sɛ an fa atin nga Nyanmiɛn Wawɛ'n kle amun su'n, Nyanmiɛn jran-man mmla'n su yɛ ɔ ´sie amun-ɔn.

Efɛzfuɛ Mun 1:5

Klolɛ b'ɔ klo ye'n ti, ɔ dun mmua buli ye akunndan kɛ sa nga Jésus-Krist yoli'n ti ɔ ´fa e kaci i klun ba. I klun jɔli su kɛ ɔ ´yo i sɔ'n ti yɛ ɔ yoli sɔ

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 3:24

Sran ng'ɔ fa Nyanmiɛn ndɛ'n su'n, wuun ɔ nin i b'a kaci sran wunmuan, yɛ ɔ nin i be tran. Sa ti bɔ e si sɔ'n, yɛlɛ i Wawɛ'n b'ɔ fa mannin ye'n.

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .