Rɔmfuɛ Mun 8:13 - NYANMIƐN NDƐ'N 1998

¹³ Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

Nyanmien nde Ufle

¹³ Afin se an yô sa ng'o ti klo swran nzuen'n, amunh wuh. Sannge se Nyanmien Wawe'n i fanngan nun an wla amun nyôlie tete'm bé asé'n, amunh nyanh nguan.

Rɔmfuɛ Mun 8:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 20:13

I waan ɔ yi-mɛn i ase mlɔnmlɔn, kɛ ɔ ´yo nan i fɛ'n ɔ'a kɛ i nuan nun lɛ'n ti.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 8:12

I sɔ'n ti'n, aniaan mun, e ti mianfuɛ, sanngɛ e ti-man mianfuɛ kɛ e `yo klɔ sran nzuɛn ngba'n kun.

1 Korɛntfuɛ Mun 9:27

Kɛ n ko yo nan b'a se-man m bɔ n kannin ndɛ kleli sran mun'n kɛ n nun-man be nun wie'n, i ti n nian min wun su kpa, yɛ n tra min anwlɛn lele ɔ si min wun.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

Efɛzfuɛ Mun 5:18

Nán an nɔn nzan bo, afin ɔ yo sran wannzo, sanngɛ man Nyanmiɛn Wawɛ'n sie amun mlɔnmlɔn.

Tite 2:12

Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.