Rɔmfuɛ Mun 8:11 - NYANMIƐN NDƐ'N 1998

¹¹ Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Nyanmien nde Ufle

¹¹ Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

Rɔmfuɛ Mun 8:11 ပူးပေါင်းရင်းမြစ်များ

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Ezekiɛl 37:14

N ´fa min wawɛ n wla amun nun, yɛ amun ´nyan nguan, yɛ amun wa si jrɛiin kɛ n ti Anannganman, nan ndɛ nga n kannin'n, n yoli i su sa.› » Anannganman Nyanmiɛn yɛ ɔ kan sɔ-ɔ.

Jean 5:21

Kɛ i Si'n cɛn sran mun b'ɔ man be nyan nguan'n, Ba'n kusu man sran ng'ɔ klo kɛ ɔ ´nyan nguan'n, ɔ nyɛn i.

Sa nga bé yôli'n 2:24

Wie'n fɛli i, Nyanmiɛn deli i wie sɔ'n i sa nun, ɔ cɛnnin i, yɛlɛ kɛ wie'n kwlɛ-mɛn i sie.

Rɔmfuɛ Mun 16:10

N ´yo Apɛlɛs b'ɔ ti Kristfuɛ kpa'n, i like. N ´yo Aristɔbil i awlofuɛ mun be like.

Rɔmfuɛ Mun 16:3

N ´yo Priska nin Akilas bɔ be ti n wiengu bɔ e nin be di Krist-Jésus i junman'n, be like.

Rɔmfuɛ Mun 16:7

N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Rɔmfuɛ Mun 16:9

N ´yo Irbɛn bɔ ti e wiengu'n bɔ e nin e di Krist i junman ɔ nin Stasis b'ɔ ti n sran kpa'n, be like.

Rɔmfuɛ Mun 6:12

I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Rɔmfuɛ Mun 8:1

I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

Rɔmfuɛ Mun 8:12

I sɔ'n ti'n, aniaan mun, e ti mianfuɛ, sanngɛ e ti-man mianfuɛ kɛ e `yo klɔ sran nzuɛn ngba'n kun.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

1 Korɛntfuɛ Mun 15:16

Afin sɛ ɔ cɛn-man sran'n, wuun ɔ'a cɛn-man Krist kusu.

1 Korɛntfuɛ Mun 6:14

Nyanmiɛn b'ɔ cɛnnin e Min'n i fanngan nun, ɔ man e ´cɛn wie.

2 Korɛntfuɛ Mun 4:11

Kɛ ɔ ´yo nan b'a wun kɛ e bɔ e ti wie'n i nnɛn'n y'a nyan nguan kunngba nga Jésus lɛ i'n wie'n, e ´jran wie'n i nuan Jésus ti lele e ´fa wu.

2 Korɛntfuɛ Mun 4:14

E si kɛ Nyanmiɛn b'ɔ cɛnnin e Min Jésus'n ɔ wa cɛn e wie kɛ ɔ cɛnnin Jésus'n sa, yɛ ɔ ´fa e nin amun e ´ko yiɛ i nyrun lɔ.

2 Korɛntfuɛ Mun 5:4

Kɛ e tɛ o kpata nga bo'n, otolɛ'n kun ye, nán kɛ e wunnɛn ng'ɔ o yɛ'n e klo kɛ e kpa gua kɛ kondro sa-a, sanngɛ uflɛ yɛ e konvi o su kɛ e ´fa kla su nan anannganman nguan'n ɔ'a kaci like kwlaa ng'ɔ ti wie'n i nnɛn nin-ɔn.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

Filipfuɛ Mun 3:21

Ɔ wa fa e wunnɛn b'ɔ ti-man like fi'n ɔ ´yo man ɔ ´kaci kɛ i wunnɛn b'ɔ fa ɔli lika ng'ɔ lɛ nyrun lɔ nun'n sa. I kwlalɛ b'ɔ fa sie like'n kwlaa'n yɛ ɔ ´fa kaci i-ɔ.

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 11:11

Kɛ cɛn ba nsan nin sin'n wieli'n, Nyanmiɛn man be deli wunmiɛn ekun, be jao jrannin. Be kwlaa nga be wunnin be'n, srɛ kunnin be dan kpa .