Rɔmfuɛ Mun 8:1 - NYANMIƐN NDƐ'N 1998

¹ I sɔ'n ti siɛn'n be nga be nin Krist-Jésus b'a kaci sran wunmuan'n, Nyanmiɛn su bu-man be fɔ kun .

Nyanmien nde Ufle

¹ O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 8:1 ပူးပေါင်းရင်းမြစ်များ

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Ezekiɛl 18:9

Ɔ fa mín nuan su ndɛ'n nin min mmla nga n kleli'n kwlaa su kpa. I sɔ sran liɛ'n ti sran kpa, ɔ ´nyan nguan.» Anannganman Nyanmiɛn'n yɛ ɔ kan sɔ-ɔ .

Jean 14:20

I cɛn sɔ'n nun'n, amun ´wun i wlɛ kɛ min nin n Si e ti sran wunmuan, yɛ amun wun i wlɛ kɛ min nin amun kusu y'a kaci sran wunmuan.

Jean 15:4

Kɛ min nin amun y'a yo sran wunmuan'n, man e tran sɔ tititi. Waka sama'n i ngunmin kwla su-man, san ɔ ´tɛ i bo'n su, yɛ ɔ ´su-ɔ, i kunngba nin-ɔn, amun kusu sɛ amun nin min a yo-man kun'n, an su yo-man like fi ye.

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Rɔmfuɛ Mun 16:3

N ´yo Priska nin Akilas bɔ be ti n wiengu bɔ e nin be di Krist-Jésus i junman'n, be like.

Rɔmfuɛ Mun 16:7

N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Rɔmfuɛ Mun 5:16

Like nga Nyanmiɛn fa cɛ'n, ɔ nin sa nga sran kunngba yoli'n, be agualiɛ ti-man kun. Afin sa nga sran kun sɔ'n yoli'n ɔ man Nyanmiɛn bu sran'm be fɔ, sanngɛ kusu like nga Nyanmiɛn fa cɛ ye'n ti, ɔ man ɔ bu be bɔ be yoli sa tɛ kpanngban kpa'n be sran kpa.

Rɔmfuɛ Mun 7:17

I sɔ'n nun'n, like nga n yo be'n, nán min nyinfu-ɔ, sanngɛ sa tɛ b'ɔ ti min nzuɛn'n yɛ man n yo be-ɔ.

Rɔmfuɛ Mun 7:20

I sɔ'n ti'n, sɛ n yo like nga n klo-man kɛ n yo'n, nán min nyinfu-ɔ, sanngɛ sa tɛ b'ɔ ti min nzuɛn'n yɛ man n yo-ɔ.

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 8:14

Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

Rɔmfuɛ Mun 8:4

Nyanmiɛn yoli i sɔ nan e bɔ e fa-man sran'm be nzuɛn'n su kun'n, bɔ e yo sa nga Nyanmiɛn Wawɛ'n kle ye kɛ e yo'n, e yo sa kpa nga be klɛli i mmla'n nun kɛ e yo'n.

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 15:22

Kɛ Adam ti sran'm be kwlaa be wu'n, i kunngba'n, Krist ti Nyanmiɛn man sran'm be kwlaa be ´nyan nguan ekun,

2 Korɛntfuɛ Mun 12:2

N si Kristfuɛ kun bɔ Nyanmiɛn mɛnnin i su lele fa juli nyanmiɛn su mmua kpa lɔ i afuɛ blu-nin-nnan yɛ, sɛ ɔ mɛnnin i su sakpa o, sɛ kusu ɔ man ɔ wunnin like aolia nun o, n wun-mɛn i wlɛ, Nyanmiɛn yɛ ɔ wun i wlɛ-ɔ.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Galasifuɛ Mun 5:16

N se kɛ yo, an `yo sa nga Nyanmiɛn Wawɛ'n kle amun'n yɛ an su yo-man like nga klɔ sran konvi sɔ i'n kun.

Galasifuɛ Mun 5:25

Sɛ Nyanmiɛn Wawɛ'n man y'a nyan nguan'n, man e yo like ng'ɔ kle ye'n kusu.

Efɛzfuɛ Mun 1:1

M Pɔl yɛ n klɛ fluwa nga blɛ amun bɔ an wo Efɛz lɔ mun-ɔn. Ɔ ti amun bɔ an ti Kristfuɛ bɔ amun nin Krist-Jésus amu'an kaci sran wunmuan'n bɔ amun nin i nanti kpa'n amun liɛ. Krist-Jésus sunmannin min yɛ n sunmanlɛ sɔ'n ti Nyanmiɛn klun su.