Rɔmfuɛ Mun 7:7 - NYANMIƐN NDƐ'N 1998

⁷ ?Ɔ man e ´se sɛ? ?E ´se kɛ mmla'n ti sa tɛ? Ɔ ti-man sɔ mlɔnmlɔn! Afin sɛ ɔ ti-man mmla'n ti'n, wuun n si-man kɛ sa tɛ'n ti tɛ, yɛlɛ kɛ sɛ ɔ ti-man kɛ be klɛli i mmla'n nun kɛ: «Nán ɔ́ nyin blo ɔ wiengu like su'n,» wuun n si-man like nga be flɛ i kɛ bé nyin blo like su'n .

Nyanmien nde Ufle

⁷ ?O man é sé se? ?É sé ke mmla'n ti sa te? O ti'a so mlonmlon! Afin se o ti'a mmla'n ti'n, n si'a ke sa te'n ti te, yele ke se o ti'a ke bé klee mmla'n nun ke: «Nanh o nyin blô swran liké su'n,» wuun n si'a liké nga bé flee ke bé nyin blô liké su'n.

Rɔmfuɛ Mun 7:7 ပူးပေါင်းရင်းမြစ်များ

Bo Bolɛ 3:6

Kɛ bla'n nian waka nin-ɔn, i mma'm be yo nyɛnmɛn. Ɔ wun kɛ be wa yo fɛ nan be man sran ngwlɛlɛ-ɔ ɔ yo ye, yɛ ɔ ´ti wie di-ɔ, yɛ ɔ ´fa wie mɛn i wun b'ɔ o i wun lɛ nin-ɔn, yɛ i kusu ɔ ´di wie-ɔ.

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

Jue Mun 119:96

Kɛ n nian sa'n, n wun kɛ like'n kwlaa ´sin, sanngɛ ɔ mmla'n, i liɛ ɔ sin-man.

Ezipt Lɔ Tulɛ'n 20:17

Nán man ɔ́ nyin blo ɔ wiengu like su, i sua o, i yi o, i sa nun junman difuɛ bla o, i sa nun junman difuɛ yasua o, i nannin o, i aflunmun o, nán man ɔ nyin blo i wie fi su .»

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

JÉSUS-CHRIST I DYASIN FE'N BO LUC KLELI'N 20:16

Ɔ ´ba, ɔ wa kun fie'n i sunianfuɛ sɔ mun, yɛ ɔ ´fa fie'n man sran uflɛ mun.» Kɛ be tili ndɛ sɔ'n, be seli kɛ: «Nán man ɔ yo sɔ!»

Sa nga bé yôli'n 20:33

Min nyin a blo-man sran fi i jɛtɛ ufue, nin i sika ɔkwlɛ, ɔ nin i tralɛ'm be wun.

Rɔmfuɛ Mun 13:9

Afin kɛ be se kɛ: «Nán kunndɛ bla ɔ́ yi bo annzɛ bian ɔ́ wun bo, nán kun sran, nán wua, nán man ɔ́ nyin blo ɔ wiengu i like su'n,» sɛ mmla wie o lɛ, sɛ ɔ ti sɛ ti sɛ o, i kwlaa sɔ'n be bo i kpɔlɛ se kɛ: «Klo ɔ wiengu kɛ a fa klo ɔ bɔbɔ ɔ wun'n sa .»

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 3:5

?Sɛ sa tɛ nga e yo'n man be wun kɛ Nyanmiɛn ti kpa'n, e ´se sɛ? ?Yɛ sɛ i ya'n jao'n, e ´se kɛ ɔ ti-man kpa? Klɔ sran akunndan yɛ n fa kɛn i sɔ-ɔ.

Rɔmfuɛ Mun 4:1

?Sɛ ɔ ti sɔ'n, e ´kan e nannan Abraam i liɛ'n sɛ? ?Nzu yɛ ɔ nyɛnnin i-ɔ?

Rɔmfuɛ Mun 4:15

Mmla'n yɛ man sran kun Nyanmiɛn ya-a, afin sɛ mmla'n nun-man lɛ'n, wuun be tɔn-man.

Rɔmfuɛ Mun 5:20

Kɛ ɔ ´yo nan sa tɛtɛ'n ɔ'a sɔn'n, i ti yɛ mmla'n ɔ'a kpɛn afiɛn lɛ-ɔ, sanngɛ lika nga be yo sa tɛtɛ kpanngban lɛ'n, lɛ yɛ Nyanmiɛn i aklunye'n i nyin fite dan-an.

Rɔmfuɛ Mun 6:15

?Sɛ ɔ ti sɔ'n, e ´yo i sɛ? ?Kɛ Nyanmiɛn jran-man mmla'n su yɛ ɔ sie ye'n, b'ɔ yo e ye titi'n, i sɔ'n ti e ´yo sa tɛ? E su yo-mɛn i sɔ mlɔnmlɔn!

Rɔmfuɛ Mun 7:11

Sɛ n kwla se kɛ sa tɛ b'ɔ ti min nzuɛn'n ti sran'n, wuun n ´se kɛ mmla kun sɔ'n ti like bɔ sa tɛ ɔ'a fa laka min a kun min.

Rɔmfuɛ Mun 7:13

?Ɔ man like ng'ɔ ti kpa'n yɛ man n nyannin wie nin-ɔn? Ɔ ti-man sɔ mlɔnmlɔn! Sɛ sa tɛ'n ti sran'n, wuun n ´se kɛ i yɛ ɔ fa like kpa sɔ'n yo like b'ɔ man n nyannin wie nin-ɔn, ɔ man ɔ kle kɛ sa tɛ'n ti tɛ. Kɛ ɔ ´yo sɔ'n, ɔ fa mmla kun sɔ'n kle weiin kɛ sa tɛ'n ti tɛ sakpa.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 7:8

Kɛ mmla kun sɔ'n wo lɛ'n, sa tɛ b'ɔ ti min nzuɛn'n yɛ man min nyin blo like fanunfanun'n kwlaa su nin-ɔn, afin sɛ mmla'n nun-man lɛ'n, be bu-man sa tɛ'n like fi.

1 Korɛntfuɛ Mun 15:56

Wie'n i je'n yɛlɛ sa tɛ'n, yɛ mmla'n yɛ man sa tɛ'n lɛ ta nin-ɔn.

Efɛzfuɛ Mun 5:3

An ti Nyanmiɛn i sran, i sɔ'n ti'n, nán man be ti bla nin bian kunndɛlɛ, nin sa tɛtɛ yolɛ, nin bé nyin b'ɔ yi-man like'n be ndɛ fi amún nuan nun.

Mmla'n 5:21

Nán man ɔ́ nyin blo ɔ wiengu i like wie su, i yi o, i sua o, i fie o, i sa nun junman difuɛ yasua o, i sa nun junman difuɛ bla o, i nannin o, i aflunmun o, nán man ɔ́ nyin blo wie fi su .»

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

Hébreu 7:19

Mmla sɔ'n man like fi kwla yo-man kpa, yɛ like uflɛ bɔ i kpa trɛ i'n, bɔ e kwla fa é wla'n gua su'n, be fa sieli i osu, ɔ man e kwla mantan Nyanmiɛn.

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»