Rɔmfuɛ Mun 7:6 - NYANMIƐN NDƐ'N 1998

⁶ Sanngɛ siɛn'n, e di-man mmla'n su kun yɛlɛ kɛ y'a wu, ɔ man like ng'ɔ tra e nun laa'n, e nin i y'a bu. I sɔ'n ti'n, ɔ man e su Nyanmiɛn i sulɛ wafa uflɛ nga i Wawɛ'n kle ye'n su, e su-mɛn i sulɛ wafa laa liɛ nga be klɛli mmla nun'n su kun.

Nyanmien nde Ufle

⁶ Sannge sien'n, é di'a mmla'n su kun yele ke ya wu, o man liké ng'o tra é nun laa'n, é nin i ya bu. I so'n ti, o man é su Nyanmien i sule wafa ufle nga i Wawe'n klé yé'n su, é sunmen i sule wafa laa lie nga bé klee mmla'n nun'n su kun.

Rɔmfuɛ Mun 7:6 ပူးပေါင်းရင်းမြစ်များ

Ezekiɛl 11:19

N wa man amun anwlɛn kunngba. N ´fa wawɛ uflɛ n ´wla amun nun, n ´yi anwlɛn kekleke kɛ yɛbuɛ sa b'ɔ o amun nun'n, kpɛkuun m ´man amun anwlɛn wɛtɛɛ

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 6:11

I sɔ'n ti'n, amun nin Krist-Jésus amun sran wunmuan bɔ amu'an kaci'n ti, amun kusu an `bu amun wun kɛ an wuli, ɔ man amun nin sa tɛ'n amu'an bu, yɛ an wo Nyanmiɛn dunman nun.

Rɔmfuɛ Mun 6:19

Klɔ sran bɔ amun ti bɔ amun anwlɛn sɔ-man'n ti yɛ n fa sran akunndan n kɛn i sɔ-ɔ. Laa'n, an fa amun wun mannin sa tɛtɛ yolɛ'n nin mmla tɔnlɛ'n nan amun ´yo sa sukusuku mun, ɔ man siɛn'n, an `fa amun wun man sa kpa yolɛ'n nan an `fa Nyanmiɛn i nzuɛn'n.

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 6:4

I sɔ'n ti'n, kɛ e nin Krist e wuli e batɛm yolɛ sɔ'n nun bɔ be sieli ye nin i'n, ɔ man kɛ e Si Nyanmiɛn cɛnnin i'n, e kusu e ´cɛn e ´nanti ajalɛ uflɛ su .

Rɔmfuɛ Mun 7:1

Aniaan mun, an si ndɛ nga m ma kan kle amun yɛ'n, afin an si mmla'n, an si kɛ kɛ sran i nyin tɛ o su'n yɛ ɔ di mmla'n su-ɔ.

Rɔmfuɛ Mun 7:2

I kunngba'n, bla nga ɔ'a ja bian'n, kɛ i wun'n i nyin tɛ o su'n, ɔ di aja'n i nun mmla'n su, sanngɛ sɛ yasua'n wu'n, ɔ di-man mmla'n b'ɔ o ɔ nin i wun be afiɛn'n su kun.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

2 Korɛntfuɛ Mun 3:6

I kunngba sɔ'n i yɛ man e kwla di aenguɛ uflɛ nga ɔ nin sran'm be trali'n i junman nin-ɔn. Ɔ ti-man mmla bɔ be klɛli-ɔ, sanngɛ ɔ ti Nyanmiɛn Wawɛ'n liɛ. Afin mmla nga be klɛli'n, ɔ man sran wu, sanngɛ Nyanmiɛn Wawɛ'n liɛ'n, ɔ man sran nyan nguan .

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Efɛzfuɛ Mun 4:24

Yɛ an `fa nzuɛn uflɛ b'ɔ fa Nyanmiɛn liɛ'n b'ɔ man amun ´yo kpa'n, amun ´yo i klun sa nanwlɛ bɔ an di'n ti.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Kolɔsfuɛ Mun 3:10

yɛ amu'an fa nzuɛn uflɛ b'ɔ man amu'an yo kɛ sran bɔ Nyanmiɛn yili i uflɛ'n sa, Nyanmiɛn kaci sran sɔ'n titi lele ɔ si i kpa yɛ ɔ fɛ i mlɔnmlɔn .