Rɔmfuɛ Mun 7:4 - NYANMIƐN NDƐ'N 1998

⁴ Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Nyanmien nde Ufle

⁴ N niaan mun, amun kusu, swran wunmuan bo amun nin Christ amuan katyi'n ti, amuan wu, o man amun nin mmla'n amuan bu, ye amuan yô swran ufle bo Nyanmien tyenniin'n i lie. Sa so'n yô so nan é yô sa kpa man Nyanmien.

Rɔmfuɛ Mun 7:4 ပူးပေါင်းရင်းမြစ်များ

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Ezai 62:5

Kɛ gbanflɛn kun yo talua kun i wun'n, i kunngba nin-ɔn, ɔ mma'm be wa kaci kɛ ɔ́ wun sa. Kɛ talua kun i wun yo i wun'n i fɛ'n, ɔ kusu ɔ́ wun wa yo ɔ Nyanmiɛn'n i fɛ.

Matthieu 26:26

Kɛ be ´di like'n, Jésus fali kpaun yɛ ɔ lali Nyanmiɛn ase. Kɛ ɔ lali Nyanmiɛn ase wieli'n, ɔ bubuli nun fa mɛnnin i sɔnnzɔnfuɛ mun nan ɔ'a se be kɛ: «Kpaun ng'ɔ o yɛ'n ti min wunnɛn, an `fa di»

Marc 4:20

Asiɛ kpa nga kusu bɔ awie'n wie tɔli su'n yɛlɛ be nga kɛ be ti Nyanmiɛn ndɛ'n, be fa su. Be ti kɛ awie b'ɔ yo ye'n sa, kun wlɔ ablasan, kun ekun wlɔ ablesiɛn, yɛ kun ekun wlɔ ya.»

Jean 15:8

Sɛ an yo kɛ waka sama b'ɔ su kpanngban sa'n, b'ɔ man be wun kɛ an ti n sɔnnzɔnfuɛ'n, i sɔ'n nun yɛ n Si'n ´nyan kɔmin-ɔn.

Jean 3:29

Atɔnvlɛ bla'n ti bian b'ɔ su fa atɔnvlɛ'n i liɛ, sanngɛ bian'n i janvuɛ'n b'ɔ jin lɛ'n, ɔ tie i ndɛ ng'ɔ kan'n, kɛ ɔ ti i nɛn'n, i klun jɔ dan, n kusu kɛ n klun liɛ'n wa jɔ dan sɔ-ɔ .

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Rɔmfuɛ Mun 6:11

I sɔ'n ti'n, amun nin Krist-Jésus amun sran wunmuan bɔ amu'an kaci'n ti, amun kusu an `bu amun wun kɛ an wuli, ɔ man amun nin sa tɛ'n amu'an bu, yɛ an wo Nyanmiɛn dunman nun.

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 7:3

I sɔ'n ti, kɛ i wun'n i nyin tɛ o su'n, sɛ ɔ kaci yasua uflɛ i yi'n, be ´flɛ i bla b'ɔ kunndɛ bian i wun bo, sanngɛ sɛ i wun'n ko wu'n, ɔ di-man mmla sɔ'n su kun, ɔ man sɛ ɔ ja bian uflɛ'n, ɔ ti-man kɛ ɔ'a kunndɛ bian i wun bo.

Rɔmfuɛ Mun 7:6

Sanngɛ siɛn'n, e di-man mmla'n su kun yɛlɛ kɛ y'a wu, ɔ man like ng'ɔ tra e nun laa'n, e nin i y'a bu. I sɔ'n ti'n, ɔ man e su Nyanmiɛn i sulɛ wafa uflɛ nga i Wawɛ'n kle ye'n su, e su-mɛn i sulɛ wafa laa liɛ nga be klɛli mmla nun'n su kun.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

1 Korɛntfuɛ Mun 10:16

?Kɛ e ´nɔn kɔminiɔn nzan'n bɔ e la Nyanmiɛn ase'n, Krist mmoja'n ti-man e kwlaa e liɛ? ?Kɛ e ´bubu kɔminiɔn kpaun'n nun bɔ e ´di'n, Krist wunnɛn'n ti-man e kwlaa e liɛ ?

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Galasifuɛ Mun 5:18

Sɛ an fa atin nga Nyanmiɛn Wawɛ'n kle amun su'n, Nyanmiɛn jran-man mmla'n su yɛ ɔ ´sie amun-ɔn.

Efɛzfuɛ Mun 2:15

toli mmla'n nin i nun ndɛ'n nan be nvle nnyɔn sɔ'n be kaci nvle uflɛ kun sran wunmuan bɔ be nin i b'a kaci'n ti yɛ be `di anuansɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:17

Nán kɛ n klo kɛ be man n like ti-ɔ, sanngɛ n klo kɛ an nyan wie uka amun liɛ'n su.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Kolɔsfuɛ Mun 2:14

Ɔ nunnunnin mmla'n i nun ndɛ ng'ɔ ti é wun ndɛ b'ɔ man e di-man alaje'n. Ɔ guɛli i ase, ɔ ti kɛ ɔ boboli i waka'n su sa.

Kolɔsfuɛ Mun 2:20

?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Hébreu 10:10

Kɛ Jésus-Krist yoli Nyanmiɛn klun sa'n, b'ɔ fɛ i wun mɛnnin i kpɛ kunngba b'ɔ su yo-mɛn i kun'n, é ti tɛ yɛ ɔ fɛ i wun yili-ɔ.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

Sa nglô yile 19:7

E klun bɔ ɔ'a jɔ'n ti, man e si able, man e kpan, man e yi i ayɛ, afin Bua Gbanflɛn'n i atɔnvlɛ falɛ'n ɔ'a ju, yɛ i atɔnvlɛ'n ɔ'a fɛfɛ i wun .

Sa nglô yile 21:9

Yɛ anz nso bɔ klowa nso bɔ nyrɛnnɛn kasiɛn nso'n wo num'n wo bé sa nun'n, be nun kun wa seli n kɛ: «Bla man n kle wɔ atɔnvlɛ'n, b'ɔ ti Bua Gbanflɛn'n i yi'n.»