Rɔmfuɛ Mun 7:21 - NYANMIƐN NDƐ'N 1998

²¹ Ɔ man m'an sie i nzɔliɛ kɛ cɛn kwlaa kɛ n klo kɛ n ´yo sa kpa'n, kpɛkuun sa tɛ'n jin m bue.

Nyanmien nde Ufle

²¹ O man man sié i nzolie ke, tyen kwlaa ke n klô ke nh yôh sa kpa'n, kpekuun sa te'n dyin m bué.

Rɔmfuɛ Mun 7:21 ပူးပေါင်းရင်းမြစ်များ

Jue Mun 119:133

Man n taka kpa ɔ ndɛ'n su, nán kplin su kɛ n yo tɛ'n wie fi kanga.

Jue Mun 119:37

Yo man n yi min nyin ninnge ngbɛn-ngbɛn'm be su, yo man n nanti wɔ atin'n su.

Jue Mun 40:12

Anannganman, ɔ liɛ'n, n si kɛ a ´si min aunnvuɛ titi. A ti nanwlɛfuɛ. Ye nga a yo min titi'n, i ti n si kɛ sa fi su nyan-man min.

Jue Mun 65:3

Sɛ be srɛ wɔ-ɔ, a ti. Sran'm be kwlaa be ´ba ɔ sin.

JÉSUS-CHRIST I DYASIN FE'N BO LUC KLELI'N 4:1

Kɛ Jésus fin Zurdɛn'n nun lɔ ɔ ´ba bɔ Nyanmiɛn Wawɛ'n sieli i'n, Wawɛ sɔ'n fɛ ɔli aawlɛ flɛnnɛn nun lɔ,

Jean 8:34

Jésus seli be kɛ: «Nanwlɛ, sɛ sa tɛ'n ti sran'n, wuun sran kwlaa ng'ɔ yo sa tɛ'n ɔ kaci i kanga.

Rɔmfuɛ Mun 6:12

I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 7:23

sanngɛ n wun kɛ sa uflɛ o lɛ. Min nzuɛn b'ɔ man n yo sa tɛ'n, ɔ nin akunndan nga b'ɔ man n klo kɛ n ´yo sa kpa'n, be ti kɛ sran nnyɔn bɔ be si akplowa sa, lele n fa tɛfuɛ'n su, ɔ man n kaci sa tɛ yofuɛ mlɔnmlɔn.

Rɔmfuɛ Mun 7:25

Nyanmiɛn kwla o! Afin i yɛ man e Min Jésus-Krist deli ye-ɔ. Kɛ n nian'n, n wun i bue kun kɛ min akunndan'n nun n fa Nyanmiɛn mmla'n su, sanngɛ i bue kun kusu n wun kɛ klɔ sran bɔ n ti'n ti, n yo sa tɛ.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

2 Piɛr 2:19

Be se be kɛ be man be ´nyan bé ti, sanngɛ be bɔbɔ be ti kɛ kanga sa sa tɛ b'ɔ ti be nzuɛn'n ti. Afin sɛ sran kun kwla sran kun'n, yɛ ɔ sie i-ɔ.