Rɔmfuɛ Mun 7:15 - NYANMIƐN NDƐ'N 1998

¹⁵ Nanwlɛ, sa nga n yo be'n, n wun-mɛn i wlɛ, like nga n klo kɛ n ´yo be'n, nán be yɛ n yo be-ɔ, sanngɛ like nga n klo-man be'n yɛ n yo be-ɔ.

Nyanmien nde Ufle

¹⁵ Nanwle, sa nga n yô bé'n, n wu'en i wle, liké nga n klô ke nh yôh'n, nenh i ye n yôo, sannge liké nga n klô'a bé'n ye n yôo.

Rɔmfuɛ Mun 7:15 ပူးပေါင်းရင်းမြစ်များ

1 Famiɛn Mun 8:46

Sran kun nun-man lɛ b'ɔ yo-man sa tɛ-ɔ. I sɔ'n ti, sɛ Izraɛlfuɛ'm be yo wɔ sa'n, atrɛkpa-a, a ´fa bé wun ya, yɛ a ´fa be ´wla be kpɔfuɛ'm bé sa nun. Yɛ be kpɔfuɛ sɔ'm be ´fa be kɔ bé mɛn nun mmua lɔ annzɛ koko lɛ.

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 101:3

Sa ng'ɔ nin yolɛ fata-man'n, ɔ su kpɛn-man n klun kɛ n ´yo. Be nga be kaci bé sin be si wɔ'n, n kpɔ be nantilɛ'n. N su yo-man be aeliɛ'n wie mlɔnmlɔn.

Jue Mun 119:104

Sɛ n ´si ngwlɛlɛ'n, ɔ fin ɔ mmla bɔ a sie be'n i sɔ'n ti n fa-man atin tɛ fi su.

Jue Mun 119:113

N klo-man sran nga be akunndan'n ti nnyɔn-nnyɔn'n bé sa. Min liɛ'n, ɔ mmla'n yɛ n klo i-ɔ.

Jue Mun 119:128

Wɔ mmla nga a sie be'n, be kwlaa be ti su. Atin ng'ɔ ti gblɛ atin'n, mín nyin ci i.

Jue Mun 119:163

N klo-man ato'n, n kpɔ i kpa. N klo ɔ mmla'n.

Jue Mun 119:32

Atin nga ɔ mmla'n kle'n i su yɛ n nanti wawa-a, afin a yo man min wla'n ɔ gua ase.

Jue Mun 119:40

Mmla nga a sie be'n, yɛ n fɛfɛ n kunndɛ be-ɔ. Wɔ bɔ a yo sa mun i nuan su'n, yo man n nyan nguan!

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Jue Mun 36:4

Ato bualɛ'n nin sran'm be lakalɛ'n yɛ ɔ wo i nuan'n nun-ɔn. Ɔ bu-man sa kpa yolɛ'n i akunndan bɔ kaan sa.

Jue Mun 65:3

Sɛ be srɛ wɔ-ɔ, a ti. Sran'm be kwlaa be ´ba ɔ sin.

Jue Mun 97:10

Amun bɔ an klo Anannganman'n, an `kpɔ sa tɛ'n. Ɔ sasa i sufuɛ nanwlɛfuɛ'm be nguan'n. Ɔ de be klunwifuɛ'm bé sa nun .

Nyanndra Mun 13:5

Gblɛ ndɛ'n, nanwlɛ difuɛ'n klo-mɛn i. Klunwifuɛ'n ɔ fa suɛn'n kuɛkuɛ i wiengu.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Naɔm 1:7

Anannganman'n ti kpa. Awlaboɛ blɛ nun'n, i sin yɛ be fia-a. Be nga be fiɛ i fɔnvɔ'n bo'n, ɔ nian be lika .

JÉSUS-CHRIST I DYASIN FE'N BO LUC KLELI'N 11:48

Ɔ kle kɛ an jin amun nannan'm bé ja nun, yɛ o kle kɛ sa nga be yoli'n ɔ yo amun fɛ, afin be yɛ be kunnin Nyanmiɛn nuan ijɔfuɛ mun-ɔn, yɛ amun kusu an kplan be ndia'm be su sua!

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Rɔmfuɛ Mun 14:22

Ɔ sa wlɛ'n bɔ a wun i sɔ'n, man ɔ tran a nin Nyanmiɛn amun afiɛn. Sran ng'ɔ wun like ng'ɔ yo'n i wlɛ b'ɔ wun kɛ sɛ ɔ yo-ɔ i klun su ti-mɛn i'n, i liɛ su ti ye!

Rɔmfuɛ Mun 7:16

Sɛ n yo like nga n klo-man kɛ n yo be'n, n wun kɛ mmla'n ti kpa.

Galasifuɛ Mun 5:17

Like nga klɔ sran klo i'n, Nyanmiɛn Wawɛ'n klo-mɛn i, yɛ like nga Nyanmiɛn Wawɛ'n klo i'n, klɔ sran klo-mɛn i, be nnyɔn'n bé nuan sɛ-man, ɔ man sa nga an klo kɛ amun ´yo'n, an kwla yo-man .

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

Hébreu 1:9

A klo sa ng'ɔ ti kpa'n, a klo-man sa tɛ'n mlɔnmlɔn. I sɔ'n ti yɛ min Nyanmiɛn b'ɔ ti ɔ Nyanmiɛn'n fali wɔ b'ɔ guali be klun jɔlɛ ngo ɔ su nin-ɔn. Ɔ yacili ɔ wiengu'm be lɛ ɔ fali wɔ .»

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

Jude 1:23

an `de be kɛ sran tɔ sin nun-ɔn be de i'n sa. An `wun wie'm be kusu be aunnvuɛ, sanngɛ an `nian amún wun, afin sɛ e kwla se kɛ be nzuɛn tɛ'n ti tralɛ fiɛn'n, wuun an klo-mɛn i mlɔnmlɔn .