Rɔmfuɛ Mun 7:14 - NYANMIƐN NDƐ'N 1998

¹⁴ E si kɛ mmla'n ti Nyanmiɛn Wawɛ'n i like, sanngɛ n liɛ'n, n ti klɔ sran, sɛ sa tɛ b'ɔ ti min nzuɛn'n ti sran'n, wuun n ´se kɛ b'a yo min atɛ i sa nun.

Nyanmien nde Ufle

¹⁴ É si ke mmla'n ti Nyanmien Wawe liké, sannge n lie'n, n ti klo swran, se sa te b'o ti min nzuen'n ti swran'n, nh séh ke ba yô min ate i sa nun.

Rɔmfuɛ Mun 7:14 ပူးပေါင်းရင်းမြစ်များ

Bo Bolɛ 37:27

Man e yo i atɛ Ismaɛlfuɛ'm bé sa nun, nán é sa kɛn i. Afin kannzɛ ɔ yo sɛ é niaan-an, e nin i e ti sran kunngba.» I niaan'm be fɛli i ndɛ'n su.

Bo Bolɛ 37:36

Madianfuɛ'm be kusu be fali Zozɛf be ɔli Ezipt, be yoli i atɛ Ezipt famiɛn'n i mantanfuɛ kun i sa nun. Be flɛ bian sɔ'n kɛ Potifar. Ɔ ti gladi difuɛ'm be su kpɛn.

Bo Bolɛ 40:15

Be ko trali min Ebre'm bé mɛn'n nun lɔ. M bali wa, kusu m'an yo-man sa yɛ b'a wla min bisua wa yɛ.»

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 21:25

Nanwlɛ, be nian wun-man sran kɛ Akab sa le bɔ i waan san like ng'ɔ kun Nyanmiɛn i ya'n i cɛ yɛ i waan ɔ ´yo-ɔ! I yi Zezabɛl yɛ ɔ wlɛwlɛli i kɛ ɔ yo sa tɛ sɔ nin-ɔn.

2 Famiɛn Mun 17:17

Be fali be mma'm be yili tɛ, be yrali be. Be yili wunnzue wafa-wafa'n kwlaa. Be fali bé wun mannin ninnge nga be yo-man Anannganman fɛ'n be yolɛ. Ɔ man be kunnin i ya.

Zɔb I Nyrɛnnɛn Wunlɛ 42:6

Ɔ man nga n kannin'n, m'an se-man sɔ kun. N ´tran ndutre nin nzuɛn'n nun, n ´kan min wun ase.»

Jue Mun 119:25

Min yɛ n la ndutre nun yɛ, yo man n nyan nguan kɛ a fa kannin'n sa.

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Ezipt Lɔ Tulɛ'n 22:3

Sɛ ɔ ko wuali nannin annzɛ aflunmun, annzɛ bua, annzɛ boli nan ɔ tɛ o i sa nun'n, ɔ `yi nnɛn sɔ'n man nan ɔ `su i bo nin nnɛn kun ekun.

Nyanndra Mun 30:2

Min sinnzin liɛ'n nin sran fi liɛ'n sɛ-man. Sran'm be ngwlɛlɛ liɛ nga be si i'n, n si-man wie.

Nyanndra Mun 30:5

Nyanmiɛn ndɛ'n i kwlaa ti nanwlɛ lele kpe nun. Be nga be talo Nyanmiɛn'n, ɔ sasa be kɛ nyrɛn sa.

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Ezai 52:3

Afin Anannganman wan yoo: «Be yoli amun atɛ sa ngbɛn, sika a fite-man amun atɛ yolɛ sɔ'n nun, ɔ man i ti'n, amún ti kpɔlɛ nun'n, be su tannin-man deiin.»

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Saun Yolɛ 13:12

I kusu sɛ min nyrun jranfuɛ'n nian-an like'n ɔ'a fite sran'n i wunnɛn'n su nan ɔ fɛ i nglo guɛ i ngua'n, min nyrun jranfuɛ'n

Saun Yolɛ 13:16

Sɛ kannin tuwlɛ lika'n yo fuai'n, man ɔ `sɛ sin mín nyrun jranfuɛ'n i wun lɔ ekun.

Saun Yolɛ 19:18

Nán amun se kɛ sran nga sa ɔ'a yo amun sa ti amun ´yo i wie. Nán amun fa amun wiengu wun ndɛ be sie amun klun. Ɔ fata kɛ sran kun klo i wiengu kɛ ɔ fa klo i bɔbɔ wun'n sa. Min yɛ n ti Anannganman nin-ɔn .

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Matthieu 16:23

Sanngɛ Jésus kpɛli i nyin seli Piɛr kɛ: «Satan fa jao min wun lɛ, a su saci min ti nun, afin wɔ akunndan'n ti-man Nyanmiɛn liɛ, sran liɛ-ɔ.»

Matthieu 18:25

Kɛ ɔ lɛ-man like fi nan ɔ'a fa tua kalɛ sɔ'n, i min'n seli kɛ be `yo i bɔbɔ, nin i yi, nin i mma mun, ɔ nin i bo ninnge'n kwlaa be atɛ be `fa tua kalɛ sɔ'n.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

JÉSUS-CHRIST I DYASIN FE'N BO LUC KLELI'N 5:8

Kɛ Simɔn Piɛr wunnin i sɔ'n, ɔ kotoli Jésus bo ɔ seli i kɛ: «Nannan, cuɛn ɔ wun kan, afin n ti sa tɛ yofuɛ.»

JÉSUS-CHRIST I DYASIN FE'N BO LUC KLELI'N 7:6

Jésus nin be ɔli, kɛ be wa ju awlo lɔ'n, sonja ya su kpɛn'n sunmɛnnin i janvuɛ mun kɛ be wa se i kɛ: «Nannan, bian waan e se wɔ kɛ nán a kle ɔ́ wun yalɛ, ɔ ti-man bɔ a tu ɔ́ ja ju i awlo lɔ-ɔ, afin ɔ nin i nyrun fata-man.

Rɔmfuɛ Mun 3:9

?Sɛ ɔ ti sɔ'n, e ´yo i sɛ? ?E Zuif mun e ti kpa tra sran nga mun? Ɔ ti-man sɔ mlɔnmlɔn! Afin y'a dun mmua se kɛ sa tɛ'n ɔ'a ka sran'm be kwlaa be nun, Zuif mun o, sran wie mun o.

Rɔmfuɛ Mun 6:6

E si kpa kɛ be boboli e wafa nga e ti laa'n nin i waka'n su kɛ ɔ yo sɔ nan e nzuɛn tɛtɛ'n ɔ wie nan nán man sa tɛtɛ'n yo e nzuɛn kun.

Rɔmfuɛ Mun 7:18

Afin n si kɛ, klɔ sran bɔ n ti'n ti, min nzuɛn fi ti-man kpa, yɛlɛ kɛ sa kpa yolɛ'n wo min anwlɛn'n nun, sanngɛ n kwlɛ-mɛn i yo.

Galasifuɛ Mun 4:3

E kusu, sɛ e kwla se kɛ ninnge nga e nannan'm be kle'n be ti sran'n, wuun e ´se kɛ kɛ e tɛ yo kɛ bakan sa'n, e ti be akua.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Mmla'n 6:5

Amun `klo Anannganman amun Nyanmiɛn'n kpa, amun `fa amún wla'n kwlaa guɛ i su, amun `fa amun wunmiɛn'n kwlaa yo like ng'ɔ kle kɛ amun klo i'n.

Hébreu 4:12

Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.