Rɔmfuɛ Mun 6:23 - NYANMIƐN NDƐ'N 1998

²³ Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Nyanmien nde Ufle

²³ Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

Rɔmfuɛ Mun 6:23 ပူးပေါင်းရင်းမြစ်များ

Bo Bolɛ 2:17

Sanngɛ sa kpa'n nin sa tɛ'n be silɛ waka'n i mma liɛ'n, nán di i li. Sɛ a di'n, san wulɛ cɛ yɛ a ´wu-ɔ.»

Bo Bolɛ 3:19

Nvufle ´tu wɔ kpa nan w'a nyan ɔ́ nuan nun aliɛ w'a di. Ɔ ´yo sɔ lele nan w'a fa sa ɔ sin a kaci fa ekun, afin fa yɛ n fa yili wɔ-ɔ. A ti fa yɛ a wa sa ɔ sin a ´kaci fa ekun.»

Nyanndra Mun 11:19

Nian, kpa yolɛ'n ɔ man be nguan tɛnndɛn. Sran nga kusu bɔ klunwi cɛ yɛ ɔ yo'n ɔ ´wu i nuan wie.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 3:9

Be wafa nga be ti'n, ɔ saci bé wun. Be yo be sa tɛtɛ mun wia klengle kpa'n nun kɛ Sodɔm lɔ fuɛ'm be sa, be fia-man bɔ kaan sa. Be yako! Afin be liɛ'n, be bɔbɔ be nyrɛnnɛn trɔ'n yɛ be su wlɛwlɛ i lɛ-ɔ.

Ezekiɛl 18:20

Sran ng'ɔ yo sa tɛ'n, i yɛ ɔ ´wu-ɔ. Ba'm be su tannin-man bé si'm be sa tɛ'n i ti kalɛ. Yɛ siɛ'm be su tua-man be mma'm bé sa tɛ'n i ti kalɛ. Sran ng'ɔ yo sa kpa'n, be ´tuɛ i sa kpa sɔ'n i ti kalɛ be mɛn i. Sran ng'ɔ yo sa tɛ'n, be ´tuɛ i sa tɛ'n i ti kalɛ be mɛn i.»

Ezekiɛl 18:4

Nian, sran'm be kwlaa, i ba o, i siɛ o, be nguan nyanman'n wo min sa nun. Be nnyɔn'n be nguan nyanman'n wo min sa nun, be ti min liɛ. Sran ng'ɔ yo sa tɛ'n yɛ ɔ ´wu-ɔ .

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 4:36

B'a bo awie kpɛfuɛ'n i kalɛ tualɛ'n bo, yɛ ɔ ´tiɛn i nuan minndɛ Anannganman nguan'n nan sran ng'ɔ gua awie'n nin i kpɛfuɛ'n be nnyɔn'n be klun `jɔ.

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Jean 6:68

Yɛ Simɔn Piɛr seli i kɛ: «Wan sin yɛ e ´kɔ-ɔ? Ɔ ndɛ'n yɛ man e nyan anannganman nguan-an.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

Rɔmfuɛ Mun 8:38

Afin n si kpa kɛ klolɛ nga Nyanmiɛn fa klo e b'ɔ man Jésus-Krist yi i nglo kle ye'n, like fi man i nyin kwla tu-man e su. Sɛ wie o, sɛ nguan o, sɛ anz mun o, sɛ mmusu mun o, sɛ bae o, sɛ blɛ nga nun ninnge mun o, sɛ cɛn wie ninnge mun o, sɛ nglo lɔ nin asiɛ'n su wa ninnge mun o, like fi nun-man lɛ b'ɔ man i nyin kwla tu e su-ɔ.

Rɔmfuɛ Mun 8:6

Be nga klɔ sran ninnge'n lo be'n, be ´wu, sanngɛ be nga Nyanmiɛn Wawɛ'n i ninnge'n lo be'n, be ´nyan nguan nin alaje.

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Jacques 1:15

Sɛ konvi'n ti sran'n, wuun e ´se kɛ, ɔ wunnzɛ, yɛ ɔ wu sa tɛ'n. Kɛ sa tɛ sɔ'n i nyin ko ti kpa'n, i like b'ɔ su i su'n yɛlɛ wie'n.

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»