Rɔmfuɛ Mun 6:22 - NYANMIƐN NDƐ'N 1998

²² Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Nyanmien nde Ufle

²² Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

Rɔmfuɛ Mun 6:22 ပူးပေါင်းရင်းမြစ်များ

Bo Bolɛ 50:17

I waan be `se Zozɛf kɛ: ‹N ´srɛ wɔ kpa ti-ɔ, yaci sa nga ɔ niaan'm be yoli wɔ'n cɛ be, tɛ nga be yoli wɔ'n yaci cɛ be. Be ti ɔ́ si i Nyanmiɛn'n i sufuɛ!› » Kɛ be wa boli jasin sɔ'n kleli Zozɛf'n, ɔ sunnin.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Jue Mun 143:12

Nunnun min kpɔfuɛ mun ɔ klun-ufue'n ti. Be nga be nin min kun'n, yo man be kwlaa be wu, afin ɔ sufuɛ yɛlɛ min.

Jue Mun 86:2

Wɔ, min Nyanmiɛn, sasa min nguan'n, afin n ti ɔ liɛ mlɔnmlɔnmlɔn. De min bɔ n ti ɔ sufuɛ'n, n fa min wla'n gua ɔ su.

Jue Mun 92:14

Be ti kɛ waka bɔ b'a ta be Anannganman i awlo'n nun'n sa. Be nnyrɛ'n ɔ kpuke Nyanmiɛn i lika'n nun.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Daniɛl 3:26

I sin'n, Nɛbikadnɛzar ko jrannin fur nga be trɔli sin'n i nun'n i anuan'n nun, kpɛkuun ɔ flɛli be, i waan: «Sadrak, Mesak, Abɛd-Nego, Nyanmiɛn b'ɔ o nglo-nglo'n i sufuɛ mun, amun `fite amun `bla.» Yɛ be nsan'n be fin sin'n nun lɔ fiteli-ɔ.

Daniɛl 6:20

Nglɛmun ndɛ kɛ wia'n ɔ ´tu i bo'n, famiɛn'n jasoli, ɔ ɔli asɔmɔli'm bé kunman'n su lɔ ndɛndɛ.

Kalɛ 23:10

?Wan yɛ ɔ kwla ka Izraɛlfuɛ kpanngban nga mun-ɔn? ?Wan yɛ ɔ kwla si Zakɔb i osu'n nunfuɛ'm bé nuan-an? Sɛ Nyanmiɛn di su nan n wu kɛ sran kpa sɔ'm be wie wulɛ liɛ'n sa'n, sɛ min awieliɛ'n gua min kɛ be liɛ'n sa'n, ɔ ´yo min fɛ o!»

Matthieu 13:40

Be kpɛ awie ijre'n bɔ o fie'n nun'n, kɛ mɛn'n i awieliɛ'n ɔ wa yo sɔ kusu-ɔ.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Jean 4:36

B'a bo awie kpɛfuɛ'n i kalɛ tualɛ'n bo, yɛ ɔ ´tiɛn i nuan minndɛ Anannganman nguan'n nan sran ng'ɔ gua awie'n nin i kpɛfuɛ'n be nnyɔn'n be klun `jɔ.

Jean 8:32

wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:18

Nyanmiɛn deli amún nzuɛn tɛtɛ'n nun, sa kpa'n yɛ ɔ'a kaci amun nzuɛn-ɔn.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Rɔmfuɛ Mun 7:25

Nyanmiɛn kwla o! Afin i yɛ man e Min Jésus-Krist deli ye-ɔ. Kɛ n nian'n, n wun i bue kun kɛ min akunndan'n nun n fa Nyanmiɛn mmla'n su, sanngɛ i bue kun kusu n wun kɛ klɔ sran bɔ n ti'n ti, n yo sa tɛ.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

1 Korɛntfuɛ Mun 7:22

Sran kun nga kɛ Nyanmiɛn ´flɛ i'n ɔ ti kanga'n, ɔ kaci diewa ba e Min'n sa nun, i kunngba'n kusu sran nga kɛ Nyanmiɛn ´flɛ i'n ɔ ti diewa'n, ɔ kaci Krist i kanga.

2 Korɛntfuɛ Mun 3:17

E Min nga be kɛn i ndɛ wa'n yɛlɛ Nyanmiɛn Wawɛ'n, yɛ lika kwlaa nga e Min'n i Wawɛ'n wo lɛ'n, be di alaje .

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:17

Nán kɛ n klo kɛ be man n like ti-ɔ, sanngɛ n klo kɛ an nyan wie uka amun liɛ'n su.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Tite 1:1

M Pɔl n ti Nyanmiɛn i sran bɔ Jésus-Krist sunmannin min kɛ n uka be nga Nyanmiɛn kpali be'n man be lafi i su kpa, yɛ be wun ndɛ nanwlɛ nga be bɔ be nyin yi Nyanmiɛn'n be si i'n i wlɛ kpa

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Jacques 1:1

N Zak bɔ n ti Nyanmiɛn nin e Min Jésus-Krist be sran'n, n ´yo nvle blu-nin-nnyɔn bɔ b'a sanndi mɛn wunmuan nun'n be like.

1 Piɛr 1:9

Afin kɛ an lafi Nyanmiɛn su'n, i agualiɛ amun ´nyan amún ti.

1 Piɛr 2:16

Amu'an nyan amún ti, i sɔ'n ti, an `yo sa ng'ɔ ti kpa'n. Nán amún ti nyanlɛ sɔ'n kaci sa tɛ, sanngɛ man be wun kɛ an ti Nyanmiɛn i sran mun.

Sa nglô yile 7:13

Kpɛnngbɛn'm be nun kun usali n kɛ: «?Be nga tralɛ ufue o bé wun lɛ'n, wan mun-ɔn? ?Be fin nin?»