Rɔmfuɛ Mun 6:21 - NYANMIƐN NDƐ'N 1998

²¹ ?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Nyanmien nde Ufle

²¹ ?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

Rɔmfuɛ Mun 6:21 ပူးပေါင်းရင်းမြစ်များ

1 Famiɛn Mun 2:26

Famiɛn'n seli Abiatar b'ɔ ti Nyanmiɛn nyrun jranfuɛ'n kɛ: «Kɔ Anatɔt ɔ lika'n nun lɔ. A nin wulɛ fata, sanngɛ be su kun-man wɔ ndɛkɛn, afin a suali Anannganman i alaka'n mín si i blɛ su, yɛ kusu afɛ kwlaa nga min si fɛli'n, a nin i yɛ be fɛli-ɔ. »

Ɛsdras 9:6

Yɛ n srɛli i n seli kɛ: «Min Nyanmiɛn, nyannzuɛn'n ti dan, m man mín ti'n su n nian ɔ nyrun-ɔn, ɔ yo-man ye. E sa tɛ'm b'a sɔn dan, b'a tra e su fuun! E fɔnlɛ'n ɔ'a tra fɔnlɛ su ɔ'a fu lele ɔ'a ju nyanmiɛn su lɔ.

Zɔb I Nyrɛnnɛn Wunlɛ 33:27

Ɔ sro jue. Kɛ ɔ wun sran mun'n ɔ se be kɛ: «N yoli sa tɛ, m'an nanti-man atin'n su kɛ ɔ fata'n sa. Sanngɛ Nyanmiɛn ɔ'a nian-man sa nga n yoli'n su ɔ'a bu-man min fɔ.

Zɔb I Nyrɛnnɛn Wunlɛ 40:4

«N ti-man like fi. ?N ´tɛ wɔ su n ´se sɛ? Mín nuan cɛ yɛ m ´muan-an .

Zɔb I Nyrɛnnɛn Wunlɛ 42:6

Ɔ man nga n kannin'n, m'an se-man sɔ kun. N ´tran ndutre nin nzuɛn'n nun, n ´kan min wun ase.»

Jue Mun 73:17

San cɛn bɔ n wluli Nyanmiɛn i lika'n nun'n yɛ n wunnin i wlɛ weiin kɛ kannzu sa su be su-ɔ.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 14:12

Atin wie o lɛ, an wun i-ɔ ɔ waan ɔ ti kpa, sanngɛ i agualiɛ'n yɛlɛ wie.

Nyanndra Mun 16:25

Atin wie o lɛ'n a wun i-ɔ, ɔ waan ɔ ti kpa sanngɛ i agualiɛ'n yɛlɛ wie.

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Zeremi 12:13

Be guali ble, sanngɛ like nga be kpɛ'n yɛlɛ owie. Be fɛli lele ngbɛn, be su nyan-man like. Anannganman i ya dan b'ɔ fali'n ti'n like nga amun luali'n i su mma nga amun tili'n ti, man nyannzuɛn ´kun amun.»

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 31:19

E kacili é sin sili wɔ, siɛn'n, y'a kaci ajalɛ'n. E bɔbɔ e wun kɛ nga e yoli'n ɔ'a yo-man kpa. Ɔ man e fin e wue'n nun. E gbanflɛn nun sa nga e yoli'n ɔ yo e nyannzuɛn.›

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ezekiɛl 43:11

Sɛ nyannzuɛn kun be bé sa tɛ'm be ti'n, fa min sua i wafa'n fa kle be: i takawlɛ nin o, i fitewlɛ nin o, i wluwlɛ'n i su nzɔliɛ nga be yoli'n i kwlaa o, i su mmla wafa i kwlaa o, sua sɔ'n i su nzɔliɛ'm be kwlaa o, yo man be nyinma wun kɛ ninnge sɔ'm be fa ti'n. Be `nian nzɔliɛ sɔ'n kwlaa nin mmla sɔ'n kwlaa, yɛ be `fa su, sua'n i su mmla'n yɛ ɔ o lɛ-ɔ.

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 7:5

Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

Rɔmfuɛ Mun 8:6

Be nga klɔ sran ninnge'n lo be'n, be ´wu, sanngɛ be nga Nyanmiɛn Wawɛ'n i ninnge'n lo be'n, be ´nyan nguan nin alaje.

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

2 Korɛntfuɛ Mun 7:11

An `nian amun ngokoɛ'n b'ɔ yo Nyanmiɛn fɛ'n, kɛ i agualiɛ ti kpa-a. Ɔ man an nian amun wun su kpa, an kpli amún ti, an fa ya sa tɛ'n ti, amun nyin yi Nyanmiɛn, an de min awuliɛ kpa, an jran min sin, yɛ an tu sran ng'ɔ yo sa'n i fɔ kpa! Sa sɔ'n kwlaa nun, e wun kɛ amún wun sa'n ɔ'a wie .

Mmla'n 17:6

Sran nga be ´kun i'n man i wun lalo difuɛ'n yo nnyɔn annzɛ nsan. Sɛ sran kunngba yɛ ɔ di i wun lalo'n, be kun i-ɔ ɔ yo-man ye .

Mmla'n 21:22

Sɛ sran kun yo sa tɛ nan ɔ nin kunlɛ fata bɔ amu'an bo i kɔmin'n,

Filipfuɛ Mun 3:19

Be agualiɛ yɛlɛ be mlinlɛ, be Nyanmiɛn'n yɛlɛ be ku'n. Like nga sran yo-ɔ ɔ guɛ i nyin ase'n yɛ be fa di bé nuan-an. Mɛn'n nun ninnge'n yɛ ɔ lo be-ɔ.

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Hébreu 6:8

Sanngɛ sɛ ɔ yo-man like ye bɔ owie nin aintɔnman yɛ ɔ yo ye lɛ'n, be bu-mɛn i like fi, ɔ cɛ-man nan Nyanmiɛn a se kɛ nán man i su like yo ye mlɔnmlɔn, i agualiɛ yɛlɛ i nun wɔlɛ .

Jacques 1:15

Sɛ konvi'n ti sran'n, wuun e ´se kɛ, ɔ wunnzɛ, yɛ ɔ wu sa tɛ'n. Kɛ sa tɛ sɔ'n i nyin ko ti kpa'n, i like b'ɔ su i su'n yɛlɛ wie'n.

Jacques 5:20

sran sɔ'n b'ɔ kle sa tɛ yofuɛ'n i atin kpa'n, ɔ ´de i wie'n sa nun, yɛ ɔ man i wun sa kpanngban'n be ´wie .

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?

1 Jean 2:28

M mma mun, amun nin i `tran titi nan cɛn nga ɔ ´ba'n, bɔ ɔ ´yi i wun nglo'n é wla'n ɔ'a gua ase nan b'a kan-man e bo, yɛ y'a wun-man nyannzuɛn.

Sa nglô yile 16:6

Afin be kunnin ɔ sran mun nin ɔ́ nuan ijɔfuɛ mun, ɔ man mmoja nga a fa mannin sran kunfuɛ sɔ mun'n be kɛ be nɔn'n, ɔ ti su .»

Sa nglô yile 20:14

Nan b'a fa wie'n nin blɔlɔ'n b'a yi be sin dan'n nun. Sin dan sɔ'n yɛ ɔ ti wie'n i nnyɔn su nin-ɔn.