Rɔmfuɛ Mun 6:2 - NYANMIƐN NDƐ'N 1998

² E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Nyanmien nde Ufle

² É su yô'e i so mlonmlon! ?Sa te'n, ke é wuli bo é nin i a bu'n, o yô se ye éh yôéh ékuon?

Rɔmfuɛ Mun 6:2 ပူးပေါင်းရင်းမြစ်များ

Bo Bolɛ 39:9

Awlo'n nun wa'n, ɔ lɛ-man dunman tra-man min. Ɔ'a tannin-man min kɛ nán n kan like'n wie fi, san ɔ bɔ a ti i yi'n yɛ ɔ fata-man kɛ n kan wɔ-ɔ. Ɔ mɛn i ti, n yo sa tɛ dan nga-a ɔ yo-man ye. Sɛ n yo sɔ-ɔ, wuun Nyanmiɛn yɛ m'an wɔ i safle-ɔ.»

Jue Mun 119:104

Sɛ n ´si ngwlɛlɛ'n, ɔ fin ɔ mmla bɔ a sie be'n i sɔ'n ti n fa-man atin tɛ fi su.

JÉSUS-CHRIST I DYASIN FE'N BO LUC KLELI'N 20:16

Ɔ ´ba, ɔ wa kun fie'n i sunianfuɛ sɔ mun, yɛ ɔ ´fa fie'n man sran uflɛ mun.» Kɛ be tili ndɛ sɔ'n, be seli kɛ: «Nán man ɔ yo sɔ!»

Rɔmfuɛ Mun 5:11

Nán é delɛ sɔ'n ngunmin ti-ɔ, sanngɛ Nyanmiɛn man e klun jɔ e Min Jésus-Krist bɔ i fanngan nun yɛ e nin Nyanmiɛn ye afiɛn a sɛ siɛn'n ti .

Rɔmfuɛ Mun 6:15

?Sɛ ɔ ti sɔ'n, e ´yo i sɛ? ?Kɛ Nyanmiɛn jran-man mmla'n su yɛ ɔ sie ye'n, b'ɔ yo e ye titi'n, i sɔ'n ti e ´yo sa tɛ? E su yo-mɛn i sɔ mlɔnmlɔn!

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Rɔmfuɛ Mun 7:6

Sanngɛ siɛn'n, e di-man mmla'n su kun yɛlɛ kɛ y'a wu, ɔ man like ng'ɔ tra e nun laa'n, e nin i y'a bu. I sɔ'n ti'n, ɔ man e su Nyanmiɛn i sulɛ wafa uflɛ nga i Wawɛ'n kle ye'n su, e su-mɛn i sulɛ wafa laa liɛ nga be klɛli mmla nun'n su kun.

Galasifuɛ Mun 2:19

Afin mmla'n ti'n, n wuli, min nin i a bu, ɔ man olɛ nga n wo yɛ'n, n wo Nyanmiɛn dunman nun. Be boboli min nin Krist waka'n su,

Galasifuɛ Mun 6:14

N liɛ'n, n su fa-man like fi di-man min nuan mlɔnmlɔn san e Min Jésus-Krist i waka'n, i waka sɔ'n ti n ti kɛ sran bɔ ɔ'a wu b'ɔ nin mɛn'n ɔ'a bu'n sa, yɛ mɛn'n kusu ti kɛ sran bɔ ɔ'a wu b'ɔ nin min a bu'n sa.

Kolɔsfuɛ Mun 2:20

?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Kolɔsfuɛ Mun 3:3

afin an wuli, ɔ man olɛ nga an wo lɛ ndɛ'n, an wo Nyanmiɛn sa nun, afin ɔ'a fa amun nin Krist a fiɛ i wun lɔ.

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

1 Jean 3:9

Sran ng'ɔ ti Nyanmiɛn wa'n, ɔ ka-man sa tɛ yolɛ'n su, afin Nyanmiɛn i nzuɛn'n ɔ'a kɛ i nun, yɛ ɔ kwla yo-man sa tɛ, afin ɔ ti Nyanmiɛn wa.