Rɔmfuɛ Mun 6:17 - NYANMIƐN NDƐ'N 1998

¹⁷ N ´yo Nyanmiɛn i kwla o, afin laa'n, sa tɛ'n ti amun nzuɛn, sanngɛ siɛn'n, amu'an fa ndɛ nanwlɛ nga be kleli amun'n su kpa.

Nyanmien nde Ufle

¹⁷ Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

Rɔmfuɛ Mun 6:17 ပူးပေါင်းရင်းမြစ်များ

Ɛsdras 7:27

«N ´la Anannganman, min nannan'm be Nyanmiɛn'n i ase, afin ɔ'a su famiɛn'n bo kɛ ɔ bu i bɔbɔ i Nyanmiɛn'n i sua ng'ɔ o Zerizalɛm lɔ'n i wun akunndan kpa.

Jue Mun 18:44

A de min nvlefuɛ bɔ be jaso min wun yengeiin'n bé sa nun. A fa min a sie nvle fanunfanun'm be famiɛn. Sran nga n si-man be laa'n be yɛ be su min-ɔn.

Sa nga bé yôli'n 11:18

Kɛ be tili ndɛ sɔ'n, ɔ man be tɔli nun, yɛ be yili Nyanmiɛn ayɛ, yɛ be seli kɛ: «Kannzu sakpa Nyanmiɛn man be bɔ be ti-man Zuif'n be kusu be kacili be nzuɛn'n yɛ b'a nyan nguan wie.»

Sa nga bé yôli'n 28:15

Kɛ e niaan nga be o Rɔm lɔ'n be tili e ngan'n, be bali ye atin kpalɛ. Be ba lele be juli klɔ'n bɔ be flɛ i Apiis'n i gua'n bo, yɛ be juli lika nga Aofuɛ Sua Nsan'n be o lɛ. Kɛ Pɔl wunnin be'n, i wla'n guali ase nan ɔ'a la Nyanmiɛn ase.

Rɔmfuɛ Mun 1:5

I ti yɛ Nyanmiɛn bu n sran-an, ɔ sunmannin min kɛ n kɛn i ndɛ'n kle nvle-nvle'n kwlaa i bɔbɔ dunman nun nan be lafi i su yɛ bé nyin yi i.

Rɔmfuɛ Mun 1:8

Jésus-Krist ti n la min Nyanmiɛn'n i ase amun ndɛ bɔ n tili'n ti, afin be kan amun Nyanmiɛn sulafilɛ ndɛ'n mɛn wunmuan'n nun.

Rɔmfuɛ Mun 15:18

N lɛ-man ndɛ fi n kan-man san ndɛ nga Krist man n kan kle be b'ɔ man bé nyin yi Nyanmiɛn'n,

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

Rɔmfuɛ Mun 2:8

Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

1 Korɛntfuɛ Mun 1:4

Amun ti n la min Nyanmiɛn'n i ase titi, yɛlɛ kɛ ɔ yoli amun ye Krist-Jésus ti.

1 Korɛntfuɛ Mun 14:6

?Aniaan mun, an `nian, sɛ m ba amun wun lɔ bɔ n kan aniɛn wie'n, sɛ n kan-man ndɛ wie bɔ Nyanmiɛn kan kleli min'n n kle-man amun'n, sɛ n kan ndɛ bɔ an nyan-man ngwlɛlɛ nun'n, sɛ n ijɔ-man Nyanmiɛn nuan n kle-man amun'n, yɛ sɛ n kle-man amun like fi'n, nguɛ ye yɛ ɔ yo-ɔ?

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

Efɛzfuɛ Mun 1:16

ɔ man n la Nyanmiɛn ase, yɛ m bo amun dunman kle i tititi.

1 Tɛsalonikfuɛ Mun 3:9

Kɛ Nyanmiɛn wun kɛ amun ti e klun jɔ dan kpa'n, e wun-man asenna kun nga e `fa lɛ i-ɔ.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

Filemɔn 1:4

Ɔ ti, n la min Nyanmiɛn'n i ase titi, yɛ n srɛ i titi kɛ ɔ nian wɔ su,

Hébreu 11:8

Nyanmiɛn su bɔ Abraam lafi'n ti, kɛ ɔ flɛli i kɛ ɔ wɔ nvle nga i waan ɔ ´fa mɛn i nun'n, i nyin yili i, ɔ si-man lika ng'ɔ kɔ'n, sanngɛ ɔ ɔli.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 3:1

Mmo mun, amun kusu an `bu amún wun'm be sran, nán an fa amún nyin wlawla be. I liɛ'n sɛ be nun wie'm be fa-man Nyanmiɛn ndɛ'n su'n, kɛ be wun amun nzuɛn kpa'n nin sran bɔ an bu be'n, an su kan-man ndɛ fi nan b'a yaci .

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?

2 Jean 1:4

Kɛ n wunnin kɛ ɔ mma'm be nun wie'm be fa ndɛ nga e Si kan kleli ye'n su, bɔ be ti nanwlɛfuɛ titi'n, n klun jɔ dan kpa.

3 Jean 1:3

Ndɛ nanwlɛ'n i su falɛ wafa nga a fa'n, ɔ nin nanwlɛ nga a di i titi'n, kɛ e niaan wie'm be bali bɔ be kɛnnin i ndɛ kleli min'n, n klun jɔli kpa.