Rɔmfuɛ Mun 6:14 - NYANMIƐN NDƐ'N 1998

¹⁴ An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Nyanmien nde Ufle

¹⁴ An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Rɔmfuɛ Mun 6:14 ပူးပေါင်းရင်းမြစ်များ

Saun Yolɛ 25:41

I sɔ blɛ'n nun'n, amun `yaci i nin i mma'm be nun, man be sa be sin i awlo'n nun nan asiɛ nga be ti i liɛ'n, ɔ `fa be.

Mise 7:19

A ´si ye aunnvuɛ ekun, a su bu-man é sa tɛ'm be akunndan, a ´to é sa tɛ mun a ´guɛ i jenvie'n nun .

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 8:36

Sɛ Nyanmiɛn Wa'n kpɔ amún ti'n, amun ´nyan amún ti mlɔnmlɔn.

Rɔmfuɛ Mun 11:6

Nán sa nga be yoli'n ti yɛ ɔ fali be sɔ-ɔ, sanngɛ i klun-ufue'n ti yɛ ɔ yoli sɔ-ɔ. Afin sɛ like nga be yo'n ti yɛ ɔ fali be'n, wuun nán i klun-ufue'n ti-ɔ.

Rɔmfuɛ Mun 4:16

I sɔ'n ti'n, like nga Nyanmiɛn waan ɔ ´fa man be'n, ɔ fa man be i su bɔ be lafi'n nin ye dan b'ɔ yo be'n ti, ɔ man sa nga Nyanmiɛn seli kɛ ɔ ´yo'n, san ɔ ´yo man Abraam i osu nunfuɛ'm be kwlaa. Ɔ ti-mɛn i osu nunfuɛ nga be di mmla'n su'n be ngunmin be liɛ, sanngɛ i mma mun nin i anunman nga be lafi Nyanmiɛn su kɛ i b'ɔ ti e kwlaa e nannan'n i liɛ'n sa'n, ɔ ti be liɛ wie.

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 5:18

I sɔ'n ti'n, kɛ Nyanmiɛn fa sran kunngba i sa ng'ɔ yoli'n i lɔnglɛ cili sran'm be kwlaa'n, i kunngba'n, sran kunngba kusu i sa kpa ng'ɔ yoli'n ɔ man Nyanmiɛn bu sran'm be kwlaa be sran kpa, ɔ man be ´nyan nguan.

Rɔmfuɛ Mun 6:12

I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Rɔmfuɛ Mun 6:15

?Sɛ ɔ ti sɔ'n, e ´yo i sɛ? ?Kɛ Nyanmiɛn jran-man mmla'n su yɛ ɔ sie ye'n, b'ɔ yo e ye titi'n, i sɔ'n ti e ´yo sa tɛ? E su yo-mɛn i sɔ mlɔnmlɔn!

Rɔmfuɛ Mun 8:12

I sɔ'n ti'n, aniaan mun, e ti mianfuɛ, sanngɛ e ti-man mianfuɛ kɛ e `yo klɔ sran nzuɛn ngba'n kun.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Galasifuɛ Mun 3:23

I nun bɔ blɛ nga sran kwla lafi Krist su'n nian ju-man'n, e ti kɛ bisuafuɛ bɔ be niɛn i su kpa'n sa, mmla'n ti yɛ man e ti sɔ-ɔ. E kali lɛ sɔ lele nan Nyanmiɛn yi i sulafilɛ sɔ'n nglo kle ye.

Galasifuɛ Mun 4:21

?Amun bɔ an klo kɛ mmla'n su yɛ amun ´di'n, an ti-mɛn i nun ndɛ'n? An `bua n wie.

Galasifuɛ Mun 5:18

Sɛ an fa atin nga Nyanmiɛn Wawɛ'n kle amun su'n, Nyanmiɛn jran-man mmla'n su yɛ ɔ ´sie amun-ɔn.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 8:10

E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.