Rɔmfuɛ Mun 6:12 - NYANMIƐN NDƐ'N 1998

¹² I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Nyanmien nde Ufle

¹² I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

Rɔmfuɛ Mun 6:12 ပူးပေါင်းရင်းမြစ်များ

Bo Bolɛ 4:7

Nian, sɛ a nanti kɛ ɔ fata'n sa'n, a ´nyan kɔmin cɛn wie. Sɛ ɔ'a yo-man sɔ'n, sa tɛ'n yɛ ɔ sa wɔ anuan'n nun lɛ-ɔ. Ɔ ´kunndɛ tran ɔ su, sanngɛ wɔ yɛ a ti bɔ a kwlɛ i-ɔ.»

Jue Mun 119:133

Man n taka kpa ɔ ndɛ'n su, nán kplin su kɛ n yo tɛ'n wie fi kanga.

Jue Mun 19:13

Kɛ sran yo sa'n, nɛ́n i ngba yɛ ɔ wun i kɛ nga ɔ'a yo-man kpa-a. Ɔ man sa nga n yoli bɔ m'an wun-mɛn i'n, yaci cɛ min.

Saun Yolɛ 13:40

Sɛ sran kun i ti ndrɛ'n tutu nan i ti'n kpa'n, ɔ nun-man nun kɛ be se kɛ fiɛn yɛ ɔ'a kɛn i-ɔ. Fiɛn nun-mɛn i wun.

Kalɛ 33:55

Sɛ kusu amu'an kan-man mɛn'n i nun sran nga be o amun nyrun'n bé bo'n nan amun yaci be lɛ'n, be ´kaci kɛ owie sa, be ´wɔ amun nyinma su, annzɛ be ´kaci kɛ kpɛngbɛ piembie sa, be ´wɔ amun nvɛn mma'n. Be ´kaci amun kpɔfuɛ mɛn nga amun wa tran nun'n i nun.

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Rɔmfuɛ Mun 2:8

Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

2 Korɛntfuɛ Mun 4:11

Kɛ ɔ ´yo nan b'a wun kɛ e bɔ e ti wie'n i nnɛn'n y'a nyan nguan kunngba nga Jésus lɛ i'n wie'n, e ´jran wie'n i nuan Jésus ti lele e ´fa wu.

2 Korɛntfuɛ Mun 5:4

Kɛ e tɛ o kpata nga bo'n, otolɛ'n kun ye, nán kɛ e wunnɛn ng'ɔ o yɛ'n e klo kɛ e kpa gua kɛ kondro sa-a, sanngɛ uflɛ yɛ e konvi o su kɛ e ´fa kla su nan anannganman nguan'n ɔ'a kaci like kwlaa ng'ɔ ti wie'n i nnɛn nin-ɔn.

Galasifuɛ Mun 5:16

N se kɛ yo, an `yo sa nga Nyanmiɛn Wawɛ'n kle amun'n yɛ an su yo-man like nga klɔ sran konvi sɔ i'n kun.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 2:3

Laa e kwlaa e ti kɛ be sa, like nga klɔ sran konvi sɔ i'n yɛ e kunndɛ-ɔ, like kwlaa ng'ɔ yo e fɛ bɔ e bu i akunndan'n yɛ e yo-ɔ. Nzuɛn sɔ'n bɔ be wuli ye nin i'n ti'n, san Nyanmiɛn ´fa é wun ya kɛ ɔ fali sran wie'm bé wun ya'n sa.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.

1 Tɛsalonikfuɛ Mun 4:5

Nán man amún nyin tran sa tɛtɛ'm be yolɛ su kɛ be nga be si-man Nyanmiɛn'n be yo'n sa.

2 Timote 2:22

Nán bu like nga gbanflɛn konvi sɔ i'n i akunndan, sanngɛ be kwlaa nga sa tɛ nun-man be anwlɛn'n nun bɔ be bo flɛ e Min'n, a nin be an `mian amún nyin an `yo sa ng'ɔ ti kpa'n, an `lafi Nyanmiɛn su, an `klo Nyanmiɛn nin sran, yɛ man amun nuan sɛ amun wun.

Tite 2:12

Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

1 Piɛr 1:14

Man amún nyin yi Nyanmiɛn, like nga i nun bɔ an nian wun-man sa wlɛ'n amún nyin blo be su bɔ an yoli be'n, nán an yo be kun.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

Jude 1:16

Sran sɔ'm be ijɔ be konviabo, be fa sa'n kwlaa gua sran wie'm bé su, be yo sa nga be klun klo'n, be di bé nuan, yɛ be fa bé nuan nun fɛ kunndɛ like sran'm bé sa nun.

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»

Jɔlɛ Difuɛ Mun 2:3

I sɔ'n ti, n ´kan kle amun kɛ, n su fuan-man nvle sɔ'n nun sran mun amun nyrun. Be nin amun ´tran. Be amuɛn'm be wa yo kɛ aya yɛ b'a suɛ i amun bo sa.»