Rɔmfuɛ Mun 6:11 - NYANMIƐN NDƐ'N 1998

¹¹ I sɔ'n ti'n, amun nin Krist-Jésus amun sran wunmuan bɔ amu'an kaci'n ti, amun kusu an `bu amun wun kɛ an wuli, ɔ man amun nin sa tɛ'n amu'an bu, yɛ an wo Nyanmiɛn dunman nun.

Nyanmien nde Ufle

¹¹ I so'n ti, amun nin Christ-Jésus amun swran wunmuan bo amuan katyi'n ti, amun kusu anh bu amun wun ke an wuli, o man amun nin sa te'n amuan bu, ye an wô Nyanmien dunman nun.

Rɔmfuɛ Mun 6:11 ပူးပေါင်းရင်းမြစ်များ

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Rɔmfuɛ Mun 16:27

Jésus-Krist ti man e yi Nyanmiɛn bɔ ngwlɛlɛfuɛ fi nun-mɛn i sin'n i ayɛ tititi! Man ɔ yo sɔ!

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Rɔmfuɛ Mun 6:10

Afin kɛ ɔ wuli'n, ɔ nin sa tɛ'n be buli mlɔnmlɔn, yɛ olɛ ng'ɔ o lɛ siɛn'n, ɔ o Nyanmiɛn dunman nun.

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Rɔmfuɛ Mun 7:6

Sanngɛ siɛn'n, e di-man mmla'n su kun yɛlɛ kɛ y'a wu, ɔ man like ng'ɔ tra e nun laa'n, e nin i y'a bu. I sɔ'n ti'n, ɔ man e su Nyanmiɛn i sulɛ wafa uflɛ nga i Wawɛ'n kle ye'n su, e su-mɛn i sulɛ wafa laa liɛ nga be klɛli mmla nun'n su kun.

Rɔmfuɛ Mun 8:18

Kɛ m bu anyrunnyan like nga Nyanmiɛn wa yi i nglo kle ye'n i akunndan'n, m bu-man nyrɛnnɛn nga e wun i ndɛ'n i like fi.

1 Korɛntfuɛ Mun 6:20

Afin ɔ toli amun gua kpan, i sɔ'n ti, like kwlaa nga amun ´yo'n, an `yo man ɔ bɛ i nyrunnyan.

Efɛzfuɛ Mun 2:7

nan blɛ ng'ɔ ´ba lɔ'n nun, kɛ ɔ ´yi i kpa b'ɔ yoli ye Krist-Jésus ti'n i nglo'n, be ´wun kɛ i ye b'ɔ yoli ye'n i dan'n lɛ-man wunsu.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:7

Yɛ ɔ man amún wun ´jɔ amun fɔuun, amun su wun-man sa ti bɔ amun wun jɔ amun fɔuun sɔ'n i bo mlɔnmlɔn. Aunjuɛ sɔ'n man amún wla su bo-man, yɛ amun akunndan su sanngan-man sran wunmuan bɔ amun nin Krist-Jésus ti'n ti.

Kolɔsfuɛ Mun 2:20

?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

1 Piɛr 2:24

Krist bɔbɔ jrannin é sa tɛ'n i nuan be boboli i waka'n su nan e nin sa tɛ'n e `bu, yɛ e `yo sa ng'ɔ ti kpa'n. I wunnɛn susuwa'n ti yɛ man y'a yo juejue-ɔ.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!