Rɔmfuɛ Mun 5:8 - NYANMIƐN NDƐ'N 1998

⁸ Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Nyanmien nde Ufle

⁸ Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

Rɔmfuɛ Mun 5:8 ပူးပေါင်းရင်းမြစ်များ

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Jean 15:13

Sran klolɛ ng'ɔ ti dan trɛ i ngba'n yɛlɛ sran bɔ i janvuɛ ti ɔ fɛ i wun man'n.

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Rɔmfuɛ Mun 3:5

?Sɛ sa tɛ nga e yo'n man be wun kɛ Nyanmiɛn ti kpa'n, e ´se sɛ? ?Yɛ sɛ i ya'n jao'n, e ´se kɛ ɔ ti-man kpa? Klɔ sran akunndan yɛ n fa kɛn i sɔ-ɔ.

Rɔmfuɛ Mun 4:25

Nyanmiɛn yili i kɛ ɔ wa wu sa nga e yoli'n ti, yɛ e sran kpa bulɛ ti yɛ ɔ cɛnnin i-ɔ .

Rɔmfuɛ Mun 5:20

Kɛ ɔ ´yo nan sa tɛtɛ'n ɔ'a sɔn'n, i ti yɛ mmla'n ɔ'a kpɛn afiɛn lɛ-ɔ, sanngɛ lika nga be yo sa tɛtɛ kpanngban lɛ'n, lɛ yɛ Nyanmiɛn i aklunye'n i nyin fite dan-an.

Rɔmfuɛ Mun 5:6

Afin kɛ e bɔbɔ e nian kwla yo-man sa fi'n, kɛ blɛ nga Nyanmiɛn sieli juli'n, be nga be sro-mɛn i'n be ti Krist wuli.

Rɔmfuɛ Mun 5:7

Kɛ sran kun wu sran kpa kun ti'n, i sɔfuɛ'n i nyanlɛ ti kekle, sanngɛ wienun-ɔn sran wie ´trɛ i anwlɛn wu sran klun-ufuefuɛ kun ti.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Efɛzfuɛ Mun 2:7

nan blɛ ng'ɔ ´ba lɔ'n nun, kɛ ɔ ´yi i kpa b'ɔ yoli ye Krist-Jésus ti'n i nglo'n, be ´wun kɛ i ye b'ɔ yoli ye'n i dan'n lɛ-man wunsu.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

1 Timote 1:16

Min bɔ ń sa tɛ liɛ'n tra sran'm be kwlaa be liɛ'n, Nyanmiɛn sili min aunnvuɛ, nan Krist-Jésus fɛ i anwlɛn b'ɔ trɛ i sran wun'n ´kle be nga be wa lafi i su bɔ be ´nyan anannganman nguan'n. Ɔ man be ´wun kɛ ɔ trɛ i anwlɛn bé wun wie.

Hébreu 8:3

Nyanmiɛn nyrun jranfuɛ'm be su kpɛn kwlaa nga be sie be'n, be sie be kɛ be `fa like nga sran'm be waan be ´fa man Nyanmiɛn'n nin nnɛn nga be ´fa sɔ i'n, be fa mɛn i. Ɔ man e liɛ'n kusu, ɔ fata kɛ ɔ nyan like wie fa mɛn i.

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Jean 3:16

An `nian, sa nga b'ɔ man e si like nga be flɛ i sran klolɛ'n yɛlɛ kɛ e ti Krist fɛ i wun mannin. E kusu e niaan'm be ti man e fa é wun man.