Rɔmfuɛ Mun 5:7 - NYANMIƐN NDƐ'N 1998

⁷ Kɛ sran kun wu sran kpa kun ti'n, i sɔfuɛ'n i nyanlɛ ti kekle, sanngɛ wienun-ɔn sran wie ´trɛ i anwlɛn wu sran klun-ufuefuɛ kun ti.

Nyanmien nde Ufle

⁷ Ke swran kun wu swran kpa kun ti'n, i sofue'n nyanle ti kéklé, sannge wiénuon swran wié treh i awlen wu swran klunufuéfue kun ti.

Rɔmfuɛ Mun 5:7 ပူးပေါင်းရင်းမြစ်များ

2 Samiɛl 18:27

Klɔ'n i sasafuɛ'n waan: «Klikli'n i ajalɛ'n fa Zadɔk i wa Asimaaz liɛ'n.» Famiɛn'n waan: «Sran kpa-a, ndɛ fɛ cɛ yɛ ɔ o i nuan-an.»

2 Samiɛl 18:3

Yɛ be tɛli i su kɛ: «Nán kɔ alɛ kunlɛ'n wie, afin e liɛ sɛ e wanndi be nyrun'n, ɔ ti-man be ndɛ. Sɛ e bue kun wu, ɔ ti-man be ndɛ, sanngɛ ɔ liɛ'n, a nin e nun sran akpi blu (10.000) sɛ. Ɔ man sɛ a ka klɔ nun wa'n, a kwla uka e kasiɛn.»

Jue Mun 112:5

Sran b'ɔ si aunnvuɛ'n, bɔ be srɛ i like-ɔ, ɔ man'n, sa kpa yɛ ɔ'a yo-ɔ. Sran b'ɔ ´yo i ninnge mun-ɔn ɔ nian mmla'n su yɛ ɔ yo'n, i kunngba nin-ɔn .

Matthieu 13:15

Afin sran sɔ'm b'a tri. B'a bu bé su nun waka, b'a muanmuan bé nyin nan be nyinma a wun-mɛn i, bé su a ti-man, b'a wun-mɛn i wlɛ, yɛ b'a sa-man bé sin min wun nan m'an yo-man be juejue .›

Jean 15:13

Sran klolɛ ng'ɔ ti dan trɛ i ngba'n yɛlɛ sran bɔ i janvuɛ ti ɔ fɛ i wun man'n.

Rɔmfuɛ Mun 16:4

N ti be fa bé wun mannin wie'n, i sɔ'n ti'n, n ´la be ase, yɛ be nga be ti-man Zuif bɔ be ti asɔnunfuɛ'n be kwlaa be ´la be ase wie.

Rɔmfuɛ Mun 5:6

Afin kɛ e bɔbɔ e nian kwla yo-man sa fi'n, kɛ blɛ nga Nyanmiɛn sieli juli'n, be nga be sro-mɛn i'n be ti Krist wuli.

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

1 Jean 3:16

An `nian, sa nga b'ɔ man e si like nga be flɛ i sran klolɛ'n yɛlɛ kɛ e ti Krist fɛ i wun mannin. E kusu e niaan'm be ti man e fa é wun man.