Rɔmfuɛ Mun 5:21 - NYANMIƐN NDƐ'N 1998

²¹ Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Nyanmien nde Ufle

²¹ O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 5:21 ပူးပေါင်းရင်းမြစ်များ

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Rɔmfuɛ Mun 4:13

Nyanmiɛn seli Abraam kɛ mɛn'n ɔ ´yo i nin osu nunfuɛ'm be liɛ. Nán mmla'n b'ɔ fa su'n ti yɛ ɔ seli i sɔ-ɔ, sanngɛ i bɔbɔ Nyanmiɛn i su b'ɔ lafi b'ɔ i kusu bu i sran kpa'n ti yɛ ɔ seli i sɔ-ɔ .

Rɔmfuɛ Mun 5:12

I sɔ'n ti, an `nian: Sran kun ti yɛ sa tɛ yolɛ'n bali mɛn nun-ɔn, yɛ sa tɛ sɔ'n ti yɛ man wie'n bali-ɔ. Yɛ i ti yɛ man wie'n wo sran'm be kwlaa be su-ɔ, afin be kwlaa be yo sa tɛ.

Rɔmfuɛ Mun 5:14

Sanngɛ kɛ ɔ fin Adam blɛ su lele fa ju Moiz blɛ su'n, kannzɛ sa nga sran wie'm be yoli'n ɔ ti-man kɛ Adam b'ɔ tɔnnin mmla'n i liɛ'n sa'n, sanngɛ wie'n kwla be kwlaa. Kɛ be nian Adam sɔ'n, be wunnin ng'ɔ wa ba'n i wafa .

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 6:12

I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Rɔmfuɛ Mun 6:14

An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:16

?An si-man kɛ sɛ an fa amún wun man sran kun bɔ an kaci i sran'n bɔ amún nyin yi i'n, wuun an ti i kanga? Ɔ man an kwla fa amún wun man sa tɛ yolɛ bɔ i agualiɛ yɛlɛ wie'n annzɛ anyinyiɛ bɔ amun fa man Nyanmiɛn bɔ i agualiɛ yɛlɛ sran i sran kpa kacilɛ'n.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 8:10

Sɛ an ti Krist i awlo'n, wuun e wun i bue kun kɛ sa tɛ'n ti amu'an wu, i bue kun kusu e wun kɛ amun sran kpa b'ɔ kacili amun'n ti'n, i Wawɛ'n ɔ man amu'an nyan nguan.

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.